البطاقه المدنيه والليسن ضاعوا شلون اتصرف

[nono al7elwa]

بنات البطاقه والليسن ضاعوا وانا حاطتهم ابجنطه صغيرة نفس البوك بس مخليتها حق البطاقات والمشكله ضاعوا

قالولي ابلغ اوكي بس شلون اتصرف اطلع بدل فاقد شلون الطريقه شنو لازم اييب معاي علشان يطلعولي يديده وشنو شروط وقوانين والله ماني فاهمه

عفيه اللي ماعندها علم خل تعلم اي احد يعرف وتسااعدوني يزاكم الله الف خير

 

[nono al7elwa]

اب اب اب

 

[عيش و مرق]

لازم صاحب البطاقه يروح يبلغ بلمخفر انها ضاعت طبعا مخفر منطقتكم

وبعدين عاد اتروحين يطلعون لج مدنيه عقب 60 يوم

 

[امواج الكويت]

لازم تسوين بالمخفر بلاغ ويعطونج ورقة بدل فاقد تاخذينها لمركز خدمة المواطن قسم المرور والبطاقه المدنية ويطلعون لج غيرها وبس

 

[♥ SWeeRa ♥]

بطاقتي المدنيه ضايعه لها شهر
رحت لمنطقة الوزارات اللي بجنوب السره
وطلعت لي بدل فاقد قالو بعد شهرين

بس لازم معاج اثبات
اناكان معاي الليسن
بس انتي ضايع الليسن اخذي جوازج


اما بخصوص الليسن مادري من وين
يمكن من خدمة المواطن
شوفي انتي باي منطقه وشنو القريب منكم

 

[♥ SWeeRa ♥]

حبوبه انا لما ضاعت بطاقتي مارحت المخفر
ابوي يقول مو لازم تروحين
والحمدلله مشوني

 

[nono al7elwa]

يسلموو بنات ماقصرتوا
بس يابنات اساسا بطاقة المدنيه والليسن مسجل عندهم يعني يطبعونه ويسون لي

ولا راح يسون لي يديده يعني لازم اعيد كل شي من طلبات وايب من يد ويديد ولا سهالات بس اقدم واهمه يطلعون لي القديمه مرة ثانيه اتمنى اختي سويرة تردين علي اذا تقدرين لانج مريتي بهالشي