البر والطفل

[ناصر حياتي]

السلام عليكم
بنات بما ان موسم البر قرب ابي اعرف شنو الاشياء الضروريه اللي يحتاجها الطفل
انا عندي ولدي عمره سنتين وابي اعرف شنو الاشياء اللي يحتاجها الطفل بهذا العمر وشلون اتنظمون النوم والاكل واشلون احمي جسمه من الجفاف وابي اعرف اتسبحون الجاهل في البر
ومشكورين وماقصرتوا:yaaaaaarb:

 

[Break Time]

شوفي حبيبتي اهم شي
الفنيلة الخناقية من فوق الملابس الدلخلية
و الدلاغات
و السبوح بطشت
داخل الخيمة و يمج جركن ثاني فيه ماي نظيف تصبينه عليه آخر شي و هو واقف
اهم شي لا يدخله الهوا
و اخذي معاج ما سح(كلينكس مبلل)
و المرطبات اخذي الطبية من المستوصف حيل زينة في واحد ازرق بابيض جنه اسمة بيبانثين حلو حيل


وبالتوفيق حبيبتي

 

[ام الحلوااات]

اخــــذي غـــيــــارااات زيــــادة داااخـــلــيــــه وخــــااارجــيـــه وبــيــجـــامـــات تـــدفـــي
اذا مـــو مــطـــولـــه بــاالــبــــر شــغــلـــة يـــوم او يـــومــيــن لا لا لا تـــســبــحــيــنــه عــشــان لا يــمــرض
مــنــشــفـــه خــاصـــه لـــوجــهـــه والــثــانــبـــه حــق مــســـح جــســمــه
ومــنـــاديـــل مــبــللـــه وخــافــــض للــحـــراره ســبــحــان اللــــه يـتــعـــب عـــلـــيـــج

 

[bambena]

حرام برد سمام !!

انا رحت مت برد اذا تقدرين لا تودينه واذا ماتقدرين لا تسبحينه بالبر لا رد البيت يتسبح

اندروير جموم طوال وصروال طويل ثقيل وجاكيت ثقيل ودسوس وقبعه

 

[الـفـجـر الـبـعـيـد]

انا ما احب انام بالبر من اول من قبل لا اتزوج والحين عندي يهال

مستحيييل انام بس ديري بالج اذا ماراح تقعدين فترة طويله بالبر

لاتسبحينه واهم شي الاندروير والملابس الثقيلة والكبوس والدلاغات

والاستشوار والادول (خافض الحراره مهممم) كريمات مرطبه طبية فازلين المستوصف

الطبي يهبل وكلينكس مرطب واذا مطوله سبحيه قبل لا ينام عشان لايطلع بره

خلي الدفاية شغالة بالخيمة قبل لا تسبحينه واذا تقدرين ادخلينها بالحمام بعد

ورطبي جسمه ولبسيه واستشوري شعره نشفيه عدل والله يحفظه

 

[AVE.NJ]

حلو موضوعج
بس المشكله بالنهار مايرضا الياهل يدخل بالخيمه كله بره يلعب بالرمل
انه البسه افرول اللي كامل متين وفيه حشوه صوف واندروير جم طويل
وكبوس 2 واحد يغطي الويه والثاني اللي يغطي الاذن

 

[ناصر حياتي]

تسلمون بنات ماقصرتوا على الردود الميده

 

[om MaRyooM]

واي الله يعينج

ماروح البر مع عيالي صراحة لأن بسرعة يستمرضون مناعتهم ضعيفة
فكله مقعدتهم بالبيت


وانشالله البنات يفيدونج

 

[ام رينـاد]

الله يعينج انشالل لبنات يفيدونج

 

[om-3azo-83z]

انشالله البنات يفيدونج

 

[<<لمار>>]

الحين اليهال صاروا مايتحملون اقل شي يمرضهم بس انتي دفيه عدل مثل ماقالوا البنات ومن يصير المغرب لايطلع من الخيمه حطيله العاب وتلفزيون وخليه قاعد لانه يصير الجو بارد بليل

 

[فووووم]

اب اب

 

[جذابه بنت ذيابه]

الله يعينج ويعيني

انا نفسج والله هاليومين حيل افكر اخذ اعيالي والا اخليهم بس ماقدر اخليهم وانام بالبر

الموضوع جا عالجرح على قولتهم

 

[فـراوله]

أنا بالبر البس ولدي ثقيل الداخلي وفوقه تي شيرتين وفوقه جاكيت
ومن تحت بنطلون وفوقه بنطلون ثاني ​

وطبعا مع الكاب والسكارف والدسووس والدلاغات ​

وفوق هذا حبيبي اشوفه يرجف واخذي مرطبات عاديه يا الطبيه او مالت الاطفال ​

وطبعا سبوح مستحيل اسبحه بهالبرد تبديل حفاضه ومسكين يموت من البرد ​

واكون مشغله الدوا ومسخنه ماي حار ​

وأنا ما أنام بالبر ما احب نومة البر بس اروح وارد اخر الليل واذا اهلي قاعدين
أرد لهم ثاني يوم ​

يكون سبحت ولدي ونام على راحتي ​

 

[AVE.NJ]

بنات ترا البرد خف مو مثل اول
بالنهار الجو حلو
بس المغرب يبتدى ندخل عيالنا ونسوي لهم مسابقات وجوائز ويستانسون