البخيل مخبلني

[ليل السفر]

سلام بنات
ليش مواضيعي تختفي لازم اكرر الموضوع الف مره عشان يطلع
المهم بنات انا ان شالله زواجي قريب بعد 4 شهور
وطلعنا انا وزوجي ندور اثاث للشقه وياليتني ماطلعت معاه
بنات جننننننننننني موطبيعي بخيييييييييل بدرجه ماتتصورونها
مع انه ماشالله مقتدر وراتبه اوكيه بس ماادري ليش جذي
يعني بعطيكم مثال شفت غرفة نوم وحدها ستايل ومن محل راقي
وسعرها مناسب بـ12 الف ريال ومارضى يقول غاليه
اقول له يعني بحدود كم تبيها ؟ يقول بحدود 9 الاف ريال
لالالاموطبيعي احس مخه فيه شي يعني من وين بنطلع غرفة نوم بـ9 الاف
يقول لي من المحلات اللي يبيعون اثاث مستعمل انا يوم قال جذي عيوني دمعت والله
يعني معقوله عروس واثاثي مستعمل
اااخ ياربي دايما افكر اني انفصل والسبب بخله الزايد
ايام الخطوبه يجيب لي هدايا من بوريالين واشيا مصديه
عطوووني حل ولاعلاج للبخل

 

[girl k.s.a]

البخل ماله علاج
يقولج لا بخيل ولا شكاك وكانج تفكرين بالطلاق انا ماخرب عليج بس انصحج
اقولج خليه يطلق الحين دامج بالحمد

 

[بيتي بوب بس كويتيه]

ماله حل هذا فالله يعينج

 

[هيفاء ksa]

الله يعينك

 

[فاتنه كالقمر]

الله يعينك حياااتي .. والله البخل ماله علااج

لكن انتي فكري زين وترا لسا معاكي وووقت

شوفي انسان تثقين فيه من اهلك واستشيريه بالموضوع واهلك ادرى بمصلحتك

يالغلاا وربي يووفقك ويسعدك .. وترا لسا بدري خذي وقتك بالتفكير

والله يووفقك ويسعدك ياااارب

 

[الريم اللعوب]

والله لوووو بخييييييييل مابي يجيب لك غرفه ب تسعه الاف
كان قالك الحراج ويخب

 

[طرطيعه]

\\
يمكن ظروفه اللحين صعبه
بيت ومهر وزواج وهكآ
الله يكتب لك الخير..
​

 

[Be Mine]

حاولي تقنعينه انتي واسلوبج وشطارتج ..

يمكن مب متعود عالصرف وشوووفي انتي لا تيآسين منه ..

ويوم قالج اثاث مستعمل قوليله ! كيف ترضاها وبينيله انه حلاته اليديد ..

 

[اينااس]

بس شى الرخيص مو زين ترى

ماايكون خشب ورق مجمع ومع الاياام يطيح الخشب الى وراء الدولاب

قنعيه انتى بطر يقتك وراح يقتنع صد قينى اذ قلتيله نشترى شي عدل احسن من نشترى شي رخيص

ونرجع انغير وتخسر مره ثانيه

 

[حجيه هيونه]

استخيري

بصراحه كل شي ممكن الواحد يغيره الا البخل حده صعب

الله يكون بعونج

 

[زوجة عزيز]

في اثاث يديد وحلو ورخيص دوري لا تستعيلين

 

[غربه الروح]

انتي اختبريه باكثر من طريقه اذا كان صج بخيل او غشيم ومايعرف
والله يعينج

 

[فاقده ابوهاااا]

اهي ما توصل للطلاق بس قويه ترى يقولج مستعمل وين قاعدين

 

[أميره الدوسري]

البخيل مالها حل

9 آلآف كويس السعر لكن كلمته مستعمل قويه


الله يعينج

 

[محتاره بحياتها]

زوجج مو بخيل لو بخيل مايشتري غرفه ب 9 الالاف تقريبا بالكويتي 900 دينار
اتوقع قال مستعمل مايدري شالطبخه ولا في حد صاحي يدفع هالمبلغ بغرفه مستعمله
انتي لاتجادلينه وروحي لمحلات اسعارها زينه وقولي ماحب مستعمل اخاف فيها بلا
وصدقيني البخيل تعرفينه من المهر وهالسوالف
واذا عالهدايا في شباب مايعرفون وانتي ماتدرين شنوو ظروفه لقساط ديوووون
عيشي حياتج

ج

 

[يارب احفظ عيالي]

الا البخل ،،،،،،،،،،،الله يكون في عونج

 

[ام زهقانه]

الصراحه الله يعينج البخل مرض
ما راح انصحك بطلاق بس البخيل العيشه معا صعبه حيل
في براي حل من الاثنين وانتي راح تختارين
العيشه معاه وترضين بالبخل
او البعد عنه وتركه بس حبيبتي راح انتي تقررين بعد الزواج
ثلاث اشياء تكرهج برجال
البخخل
القشر
الحجر

 

[ريـــ205ـــم]

استخيري
والله يكون بعونج​

 

[نفـــائس]

ما اظن انه بخيل لو بخيل مابيدفع تسعه البخيل بينجلط من هالتسعه
لو بخيل كان راح طق وحده من هالمحلات العاديه علي ثلاث الاف وانتي ماشيه وما اخذ رايج فيها اشترها وحطها
تري الريال مايعرف لازم احد يوجهه ......وانتي علمي بس باسلوب عرفي مدخله وبابه وكل شي ينحل
اما الهدايا مايعرف يمكن اكثر الشباب كذا

رايي سوي اختبارات له وبين ....

بالتوفيق ان شالله وربي يتمم عليك

 

[أم ميميتو]

حبيبتي يمكن الريال ما عنده خبره بالأثاث لا تظلمينه او على نياته