البامبرز صار مايلحق على بنتي والسبه السهـــــ....

[sh3noon]

مرحبا خواتي
يعيطكم العافيه

الله يخليكم عطوني حل
بنتي صارلها شهر واهيه تسهل بكثره وعزكم الله ريحته وايد خايسه
اهيه عمرها 8 شهور وداشه بالتاسع صارلها 6 ايام
وكا ماقلت حق احد قالي هذا علشان بتسنن
وماشوف شي حتى لثتها ماشقت

قولولي مافيه شي يمسك البطن الله يخليكم والله تعبت من التغير والريحه الخايسه

 

[raoand]

اختي في حليب بالجمعية خاص ضد للاسهال وفي تركيبة بعد من ميلوبا للاسهال واللله يعافيلج بنتج

 

[noynoy]

وديها الطبيب الاسهال يسبب جفاف سمالله عليها ترى خطر لا تستهينين فيه

 

[Princess Lady]

اذا ريحته الله يكرمج وايد قويه .. احتمال يكون نزله معويه ولازم مضاد

 

[إستبرق]

ووينج ليش ماتودينها الطبيب ناطره يصير فيها جفاف ويرقدونها بالمستشفى
ترى السهال شي مو هين عافيه البيبي كلها تروح
وديها الطبيب حرام عليج

 

[sh3noon]

والله ياخواتي وديتها وعطوني لها تركيبة ملوبا ومو نافع معاها خير شر بس اهيه الحمدالله ترضع عدل وتأكل عدل بس كل ما اقول حق خالتي ام زوجي تقولي عادي بتسنن ومايندرا وانشاالله يؤديها باجر وشوف شيقول الطبيب

 

[مسك وطيب]

اهرسي لها بطاط مسلوق واخلطيها مع روب وقفشه صغيره نشاااااا

وماي العيش المصري

وعصير التفاح

كلها شغلات وحده بوحده للإسهال

 

[الحياة جوهره]

الله يشفيله بس حبيت افيدج انا قبل الاسبوعين بناتى كان معهم سهال وتعب منهم وسويت سيرنج وحده نصح ماى دافئى خلطى معاه ملعقتين نشا وكيس لبتون وذوبيهم عدل بعدين شخليهم وشربيها انشالله يفيدها انا قعدت يومين لانها كان قوى لدرجة تكرمين مع خروجها ينزل دم اشربها وراح وبنتى الثانيه يوم وحمدلله خف

 

[الحياة جوهره]

وبعد نصحج بروب مع ثوم مع نشا هم حلو

 

[هيبة الطاووس]

الله يشافيها ويعافيها
مثل ماقالو البنات

 

[أنفاسي دخون]

يا قلبي قلبها هذا عشان التسنين افركي لثتها بمحلب ومره عشان تترتاح وبالنسبه للاسهال شربيها شويه سفن اب ما يضر وعطيها شويه روب قليل الدسم مخلوط معاه شاي ليبتون الورق يهبل ويمسك بطنها

 

[سيدة السلام]

وديه الطبيب افضل يمكن مثل ماقالوا البنات نزله معوية بعيد الشر
روحي شوفي احسن

وبالنسبة للي يمسك البطن السيريلاك وايد زين

 

[أحبج يمه]

الله يشافيها بس حرااام وايد شهر سهال


عطيها نشا يوقف السهال وفوحي لها ماي العيش يمسك بطنها

 

[sh3noon]

جزاااااااااكم الله خير وماقصرتو يالغاليات

 

[درة أهل الطولات]

ما تشوف شر

 

[برميتا]

ترى الاسهال خطر مو تستهينين وتخلين البنية
على طول عطيها سوائل
ووقفي الحليب مؤقتاً عطيها أكو حليب بالجمعيات عليه صورة خروف
ممتاز حق الاسهال
وعطيها عصير جزر
شوربة جزر
جزر مهروس مع بطاط
موزة مو مستوية عدل شوي خضرا
شربيها شوي جاي مخفف بماي

والله يقومها بالسلامة

 

[كـ غلا ــلي]

التسنين ما يسوي جذي انا اقول اخذي بنتج للدكتور احسن وابخص3 بحالتها لا يحوشها جفاااااااف ترا موزين

لانه اليهال بالاشهر كل جسمهم والنفخه مالتهم ماي مو مثلنا احنا الكبار في جسمنا ماي ودهون فاحنا بالاسهال

ممكن ما نتاثر كثرهم يحووشهم جفاااف مبدئيا وكليها موز , جزر ما ادري اذا الروب يصير بعمر 9 شهور سالي

اذا يصير عطيها