الايفون وعيالى ؟

[noor sultan]

السلام عليكم
عندى بنت بسنه اولى كليه وولدين واحد بتاسع والثانى بسادس ( الله يحفظهم بحفظه )

المهم العيال يبون ايفونات ويحنون على وعلى ابوهم

بصراحه الزمان هذا يخوف وفبغيت الله يعافيكم تجاربكم مع عيالكم واللى تسمعونه (الله

يحفظهم بحفظه ) السلبيه والايجابيه مع الايفونات وهل الايفون يفتح لهم ابواب شر

وجزاكم الله الف خير

 

[ريكاتو]

يختي شقول انا بنتي عمرها 4 سنين وتبي ايفون
واللي يحر كل ربعها عندهم يا ايفون او ايباد

انا اكيد مو مع هالتكنولوجيا
اولا تاثر على عيونهم وثانيا الجسم ما يتحرك كل قاعدين
حلاة الياهل بلعبه ومراكضه

 

[ريماا]

ولله انا عيالي بالابتدائي وبالروضة وابوهم بيشتريلهم اي بااد هاليومين
هذااا جيلهم بعد وبعدين عيالج كباار اسم لله عليهم البنت ماشالله مراة والصبين عطيهم بس وقت الدرااسة والامتحانات شدى عليهم
والحين الخووف موجوود من كل التكنلوجيا مو واقفة ع الايفون والاي باد داام اهم قربين منهم ومراقبتهم ومعطتهم الثقة خلاااص للى عليج سويتة

 

[عبق البنفسج]

انا شارية حق بناتي آيبوت وبالعكس وايد شغلات حلوة تعلموها ..
والشغلات الي مابيهم يدشونها أحط لها باسووورد
بس الآي فوون مستحيل أشتريلهم .. أنا ضد مبدأ ان العيال يكون عندهم تلفون قبل الجامعة

 

[خوخه حبيبة مشمش]

بنتج كبيره خليها تشتري ايفون

وولدج اللي بالتاسع كبير خليه يشتري

بس اللي بالسادس توه على هالاشياء

 

[الشيخة@]

والله ماوراه اله الانطوائيه ولدي عمره 4سنين وصارلي سنه شاريلته ايبود وليتني ماشريته
بس شسوي انابيت جماعتي والكل عنده الايبود والايفون حشا متعلق فيه حيل بس الحمدالله
كلمت ابوه وخليته ياخذه معاه البر وعند الرجاجيل احس احسن

 

[عبث طفله]

البنت كبيره عادي .. اشتري لها ايفون .. كبيره وعاقله

بس الصغار لا والف لا ..

لانه من يحطون الخدمه تجيهم بلاوي ادا كانوا ربعهم مو شي ..

 

[كويتيه مذهله 87]

بنتج اي
بس عيالج لا انا عندي ايفون ودزولي بلاوي وخصوصا اليوتوب مره حطيت مستر بن طلعلي بلاوي لووول

 

[engnera]

انا ولدي من عمر السنه عنده يلعب فية وعلمه الاحرف والارقام في العاب مفيدة

 

[al3uooon]

انا بنتي بثامن وشرت الي يحط موسيقى
وافلام مو التلفون احسن من التيلفون
ماله داعي
وشرينا قبل اسبوع ايباد حلو ويلعبون علية
العاب ويقرون كتب ويدرسون احرف
مميز انا اشبك علية هم لا
اشتريهم ايباد مميز

سلام

 

[قلب مغليك]

ماانصح فيه بيجيب لعيالج البلاوي بعدين كل واحد بيمسك التيلفون ويطقطق وراح يقل التواصل بينكم

 

[ام ميميتو]

والله الاي فون صار مثل الادمان انا اخوي عمره 27 سنه متزوج قبل كان دايما يقعد مع امي و يسولف بس من يوم اشترى الاي فون والله 24 ساعه ماسكه واذا خلص الشحن ايصير مثل المينون امي تقولي حتى صلاة ما قام اصلي حتى وقت الاكل ياكل ابيد و ماسكه بإيده الثانيه انا كنت بيبه بس غيرت رايي خليت زوجي يشتريلي تليفون عادي

 

[Omniya]

بنتج اشتريلها كبييره مو ياهل :/

 

[:: Diva ::]

الكبيره عليها بالعافيه
الثاني يعني السنه اليايه بيروح ثانويه
بلاك بيري و المشكله ان المواقع يدش فيها بدون تشفير
فما بالج ببعض برامج بالايفون ما وراها الا خراب و فساد

اممممم صعبه وايد

و الصغيرون اخذي له ايبود و ترسيه العاب



انا ولدي عمره سنتين و ليل نهار يحن و يبجي
اذا شاف ايباد يذبحني فأخشه عنه
و الايبود جني راح اخذ له و احط له العاب
يشوف اليهال الي حوالينه عندهم فأكيد وده


بس الله يستر

 

[tmtmt]

البنت اكيد اخذيلها كبيره عادي

والي بتاسع اخذيله ايباد

ولي بسادس ايبود

جذي زين لهم

ترا واااايد مفيد الايباد والايبود حق الصغار كله اشياء تعليميه ومفيده
بس عاد انتي الي تتحكمين تخلينهم ٢٤ ساعه مجابلين ولا لا

 

[زكيه الدرملي]

الصراحه الايفون بلوووه من بلااوب هالزمن والله يعين

 

[جذابه بنت ذيابه]

الله يعينج ..
هالزمن يخوف نصيحه دربالج عليهم بس بنفس الوقت شجعيهم
البنت اشتري لها ايفون
والولد اللي بتاسع اشتري له ايباااد ..
واللي بسادس اشتري له ايبود


وبجذي ارضيتهم ,,

نصيحه اعيالج لا تشترين لهم ايفون والله ولد اختي 24 ساعه مجابله لين شالوه عنه
لان مدرسه وامتحانات


الله يعين بس نصيحه من اخت لا تحرمينهم من شي وصيري رفيجتهم مو امهم وبس

 

[noor sultan]

جزراكم الله خير والله يحفظكم

انا غشيمه بالايفون بس شنهى الشغلات اللى تخوف من الايفون ؟ وشلون ادير بالى منها على عيالى ؟

مشكورين

 

[أبلة مس]

آنا و عن تجربة مع ولدي في تاسع .. بصراحة جنيت على نفسي و على ولدي .. و بصراحة صعب أتراجع عن قراري .. بس نصيحة لكل وحدة ناوية تشتري لولدها المراهق الأيفون .. لازم تكون عارفة شخصية ولدها عدل .. إذا هو من النوع العاطفي و يحب الأغاني والشعر و ربعه موذاك الزود .. خل تفتك من هالسوالف أحسن و تشتري له نوكيا أو سامسونج أحدث نوع و ما تشتري بلاكبيري و آيفون .. أما إذا إذا كانت شخصيته قوية و الرجولة عنده طاغية .. و عنده ربع صاحين و يصلون .. خل تشتري الآيفون و هي مرتاحة .. إن شاءالله ما عليه خوف ..

 

[ديانا سبنسر]

مع تم تم