الاهتمام فتره النفاس - اتمنى أنكم تفيدوني وتفيدون غيري

[شوارفسكيه حمره]

السلام عليكم بنات
شخباركم ؟

أنا صارلي أسبوعين والده ومن كثر كلام الناس وايد اشياء صرت أخاف تسوسها لي درجه أني أخاف أحط صبغ اظافر @@

ويقولون اللي أتعطرر ما يلتأم الجرح وايد حجي سمعت

والحين ان شاءالله ابي أبدا اهتم بنفسي وبشعري وبجسمي ابي البنات الخبره يكتبون برنامجهم بالنفاس ويلون يعتنون بنفسهم ؟


وشلون يضيعوون وقتهم بهالفتره احس اختنقت من القعده بالبيت ومتى للوحده عادي تطلع من البيت


مع العلم أني ثاني ولاده وابنتي الاولى طلعت بعد أسبوعين مجبووره عشان امتحانات الجامعه :eh_s(16):


بس الحمدلله تخرجت وأفتكيت

اتمنى انتكلم عن كل شي يخص النفاس لانه وايد بنات ما يعرفون شيسوون بهالفتره وانا وحده منهم



فديتكم *:eh_s(7):

 

[sosowaty]

و عليكم السلام شوارفسكيه و مبروك ما يبتي مادري والله انا بجر

 

[شوارفسكيه حمره]

حبيبتي الله يبارك فيج يارب*

 

[aloooya]

ان شاء الله البنات يفيدونج

 

[احب-الدايت]

اب اب اب

 

[RO0O7Y KUWAITYA]

عشان الضيقه والغلقه كنت اشغل التي في ع مكه قرآن


وكنت احاول استغفر واسبحن ومرات اكلم رفيجاتي وزوجي


واهتم بالتغذيه لانها هي الي تسنع البشره واخلي قهوتي مع امي


ويعدي صدقيني

 

[نرنورا]

هلا والله اختي
انا الحين بنفاس والتعطر الحين ما احب اتعطر مو لسبب بس اخاف مو زينه الريحه للبيبي
وبالنسبه للقمته اهي هذي مشكله النفاس وما اتوقع من الحبسه. بس اهي هرمونات تعفسنا عفاس واهي اللي قامته قلبنا
الحين احس اليوم شطووووله الله للمستعان مادري شلون تعدي هالفترة علي خير

احنا ان شاءالله تتعدل نفسياتنا لما تتعدل نومه البيبي ولما ننام عدل ونرد لحياتنا
وهالشي يبيله صبر والله يصبرنا ويعينا ويعطينا الصحه يارب

 

[نرنورا]

وحاولي تشغلين سورة البقرة ترتاحين ان سمعتيها

 

[pusy cat]

الرضاعه الطبيعيه الرضاعه الطبيعيه الرضاعه الطبيعيه

اهي اللي ترد الرحم وتضعف الجسم وتشيل السواد

 

[توتا حمرا]

مجردمااتقومين بالسلامة يعني اسبوعين ثلاثة اذا حركتج طبيعية طلعي مع زوجج حتى لو كنتي بيت اهلج
اذا ولادتج طبيعية تقدرين بهالفترة تبدئين تمارين رياضية خفيفة ليما تكثرين واكثر شي يشيل الكرش الرضاعه الطبيعية
والنفاس ماعندها وقت للملل دوم مشغوله بالبيبي
والعناية لاتشتطين الحين بالخلطات ولا اتطولين بالشور عشان لايحوشج هوا

 

[mi corazon]

الف مبروك

أختي الضيجه لابد منها اول النفاس حاولي تشغلين قران علطول يحميج ويريح البيبي

لا تنسين انتي مؤ طاهره وإبليس بيحاول يكدرج وحته يمكن ينفرج من البيبي انتي دحريه بالذكر والقران


اهتمي بأدوية النفاس انا خذيتها من ام خالد الهاجري وايد حلوه ... ماسوت شغل وايد بالنفاس لأنهم نظفوني عدل فا ماكان اكو دم وايد

بس تعالي شوفي الحين بالدورة يمه اول مره اشوفها بهالغزارة العادة تنحبس

سوي حسو وعصيده وحفظيهم بصحون خمس او سبع صحون للعصيده وغلفيهم وبالثلاجه لأسبوع كامل ماتخترب ونفس الشي للحسو

شربي حليب دافئ مع زنجبيل وحلبه الصبح اول الايام علشان يقوى ظهرج

تدفييييييييييي ولا تمشين حافيه او تسوين نفسي ما امشي حافيه بس لين أسبح أوقف بالبانيو حافيه ناسيه انه سيراميك


العطر علاجه المره غسلي المنطقة بالمره وشميها حيل قبل لا ترشين عطر تمنع وصوله للمكان


وطلعي منو قال ما تطلعين بالعكس الحركة زينه بس مؤ الزايدة علشان ظهرج وخياطج

وتدفي الجو متقلب

 

[الجرووح]

عندي برنامج للنفاس وشفلي نظيف وراح يعجبج

 

[شوارفسكيه حمره]

حبيباتي مشكورين ما قصرتوا انزيين منو تعرف رقم رداده ورقم صالونه تيي البيت

 

[ناتشوو]

شوفي لا تحبسين نفسج
اذا حسيتي مصحصحة ودج تتحركين
طلعي حتى لو للجمعية

الشمم من العطور
يقولون ان الحل
اول ماتطلعين من الولادة
تشمين لج عطر
ماادري عن صحته من عدمه بس اطبقه دامه مايبيلها تعب
وانت صار لج اسبوعين يعني المفروض الجرح التئم او ع وشك الالتئام

كذلك عدلي نومتج
لا تصير سهر بروحج بالليل والنهار قايمة
حاولي تعدلينه ومواعيد الاكل تحافظين عليها

حافظي ع اذكار الصباح والمساء
خلي لج ورد من القران تقرينه قبل النوم من التلفون

العناية
عندج فير اند وايت
ماركة حلوة
عندج اظافرج وبشرة الوجه اكثر شي اهتم فيه بالنفاس
ماضغط ع نفسي بخلطات الجسم خلال النفاس
ممكن للرموش ماسكارا من مافالا او ماسكارا اكرينال

للرجول ترطب دايما
انا مااتقيد باللي يقولون لازم ماتسبحون ولا ضروري كل يوم
متى مابغيت اسبح سبحت بس انشف شعري عدل عقبها بالمجفف
واتدفى
بس بالاوقات العادية مااحرص ع التدفي او تغطية الشعر