الانوثه شنو بنسبه لج - عفيه الكل يدش

[مجسمة]

للاسف من سجلت بالمنتدى اشوف بنات يغلطون علي ويسمعوني حجي والله لو حيوان مكرم السامع يسمعه تحوشه سكته

ليش

بس لاني مجسمه ؟

جسمي شي خاص فيني ما ااذي في احد

متينه ولا ضعيفه مجسمه ولا معصقله هذا شي خاص ما يحقلكم تطنزون ولا تغلطون علي بس لاني مجسمه

المشكله ان الي تغلط علي تفاخر بانوثتها

لحظه هي الرجوله مو الخلاق ؟

شمعنى الانوثه تعتبرونها حركات وشكل ؟

الانوثه بعد اخلاق مو شكل تر

لان اذا شكل معناته الجيكره مو نثيه على هالمنطق الي ماشيين عليه

الانوثه اخلاق

الانوثه الرحمه حسن التعامل الرقي في الكلام عدم التجريح وعدم السب وعدم اسائة الظن بالناس

اذا انعدمت منج هالاخلاق لا تفاخرين بشي لانج مو انسانه مو الانثى الرحومه الي خلقها ربنا انتي مجرد ديكور كل ثانيه تمر تنقص من انوثتج المزيفه ( الي هي شكلج ومظهرج )

سو خلنا نقضي على هالظواهر الوقاحه التجريح واتهام الناس وخلنا نوخر عن سوء الظن بذات خلونا فعلا اناث باخلاقنا

:eh_s(7):

 

[برنسس أوراق]

حابه ارد عليج اول وحده واتشرف بهالشي

وانا معاج 100% انه ما يصير يسمعونج حجي ويضايقونج

لان بالنهايه هذي حريه شخصيه

وبصحح لج شي بموضوعج ..الانوثه شكل واخلاق

مو حلو البنيه تكوووون حلوة وتهبل ودلوعه بس معدومة الاخلاق

ومو حلو بعد تكون جيكرة وما عندها اخلاق

الواحد يمسك العصا من النص..مو شرط تكونين حلوة لكن شرط تكون اخلاقج وسمعتج وتعاملج مع الناس حلووووو

عشان تكونين..رفيجه..اخت او بنت عم حتى

تقبلي مروووووووري

 

[lolayasmeen]

والله في بنات فيهم عضلات بس حلوين وكلهم انوثه في وحده اعرفها مجسمه بس الرقه اللي عندها مو طبيعيه
مو شرط اذا كان في احد غلطان في حقج بس علي شان شكلج عطيهم طاف

 

[عاقلة بزمن ضايع]

صح مجسمة أنا مع خواتي اللي ردوا قبلي فعلا الشخص بأخلاقة أولا قبل شكله

يعني اللي شكلة حلو ما اغلط عليه والجيكر اسبه واسب اهلة مثلا

لأ مو منطق بصراحة ..

وأنا حاسه فيج حبيبتي مجسمة وماعليج منهم كل وحدة تظهر عقليتها وتربيتها

والإحترام والإسلوب الزين شئ ينقص الكثير

الله يهديهم بس ..

خليج واثقة من نفسج وثقي إن كثير ما يفكرون مثل اللي

يفكرون فيه غيرج [ اللي تطنزو ] ..


^-^​

 

[كراميلا مرة]

انا بالنسبه لي الانوثه يعبر عنها الحياء
بس للاسف هالايام الحياء سلعه نادره
اما الشكل او المياعه اللي زايده ماتمثل الانوثه

 

[Tom ♥ Jerry]

.


و منو قال الرجوله بس آخلاق .!
حياتي الرجوله اخلاق و شكل و تصرفات ..
يعني مو معقوله وآحد شكله مآفيه ذره انوثه و شكله جنه حليمه بولند و يقول الرجوله آخلاق ..

الرجوله و الانوثه ( آخلاق و شكل ) !



انا مو متخيله انتي شلون مجسمه يعني ؟!
سوري على كلمتي هاذي " بس جد محد مجسم الا البويات ؟! "
هل آنتي منهم ؟! :| مآكو بنت مجسمه و تقول انا بنت
كل الي شكلهم جذي بويات ..

و اسمحيلي على كلآمي بس هاذا الصج !

.

 

[منجامور]

ماني فاهمة

شنو يعني مجسمة؟؟؟

ارجو التوضيح حبوية؟؟

 

[HoT CHocoLaTE ~]

شالفرق بينج وبين ريلج ؟! ،
والله ان ااشووف الانوثه اهم شي الاخلااااااق ،،
بس اندرتيكر !!!!!!!!!!!!!!!!!!!!! لااتعليق

 

[MayOumii~]

..

,,

مجسمممة!!!....شلون يعني؟...

اذا انتي لاعبة رياضة شي طبيعي بتطلعلج عضلات بس بحدوود انج ما تشبهين بجسمج الذكر..~
اما اذا انتي عريضة من ربج فهاذي خلقة ربج مافي اعتراض عليها...


وانا اقول ان الانوثة بالحياااء...صج صج استانس لي شفت وحدة استحت احسها صج بنوووتة ناعمة شكلها يصير كيوت...بس مو علي أي شي تستحي طبعا...p=

وشووفي في نقاط اتفق معاج فيها

ان الانوووثة مو بالشكل صح...بس هذا ما يفتحلج المجال انج تسوين اشياء خاصة بالريال....عدل؟؟!!..((=
والرجوووولة انا اشوفها بالفعل والشكل مثل ما قالت Tom & Jerry..

والانووثة بعد فيها من ناحية الشكل...يعني اذا يتلج وحدة شنبها مبين وكبيرة بالعمر ولبسها بنطرون وتي شيرت شبابي...هاذي تعتبرينها أنثى؟؟!!

مادري وين بلقى معالم الانوثة فيها!!...عالعموووم حبووبة

نصيحتي لج سوي الي تبينه بس بدون ما تدشين بخط الذكرر والرجل...يعني جسمي بس بنعوومة يعني الي يشوفج ما يخترع..((=

..

,,

 

[حناينq8]

الانوثه بالنسبه لي

الصوت الواطي
الخجل
والاناقه المحتشمه

ياما بنات صغار بالجسم صوتهم اكبر منهم
وياما حريم يثلات حنان الدنيا كله فيهم

بس هم انا ما عرفت شنو تقصدين انج مجسمه ؟؟
هوايتج لها دور بهالشي
والا انتي يثله

عموما هالشيين ما ينقصون من انوثتج طال ما انج تتمتعين بالصفات اللي ادرجتها قبل شوي

 

[LuLiTa]

شوفي اهو صحيح انه الانوثة اخلاق ,,, لكنها بعد تشمل الشكل و السلوكيات ,,,اذا تبين اتجسمين ف لج حدود كـ انثى ما تتخطينها عشان ما تظلمين روحج و تنحسبين على فئات ثانية بالمجتمع ما تنتمين لهم مثل البويات و الرياييل عرفتي ؟

و عرفي انه اللي يعيبون عليج و يرفعون حق روحهم في مقابل تقليل احترامج لذاتج فـ هذول الخلل فيهم مو فيج ,, لكن ارد و اقولج البنت لها حدود معينة في الرياضة لازم ما تتخطاها و اذا تخطتها فـ لابد انها تتحمل اللي بييها ,,,

 

[أسيرة بدران]

أول شي انتي حره بجسمج البنات مالهم حق يحددون لج وزن معين ولا يقولون لج ضعفي من فوق ولاضعفي من تحت كل واحد حر بجسمه شكو يغلطون عليج وبالنسبه لي الأنوثه شكل وأخلاق وأناقه ودلع طبيعي مو تصنع والخجل بعد يزيد من جمال البنت وأنوثتها ولاتزعلين من الي سمعوج جم كلمه تغث عشان لايستانسون

 

[PO PO22]

الانوثه بالنسبه لي

الصوت الواطي
الخجل
والاناقه المحتشمه

ياما بنات صغار بالجسم صوتهم اكبر منهم
وياما حريم يثلات حنان الدنيا كله فيهم

بس هم انا ما عرفت شنو تقصدين انج مجسمه ؟؟
هوايتج لها دور بهالشي
والا انتي يثله

عموما هالشيين ما ينقصون من انوثتج طال ما انج تتمتعين بالصفات اللي ادرجتها قبل شوي

صح كلاامج :ggdw:

 

[فـضـه]

الانوثه كما قال الامام علي : حياء المراه اشد جاذبيه من جمالها . فالاشياء الاساسيه الحياء ثم الاخلاق ,, والاشياء الثانويه اهي جمال الشكل والمظهر يعني حلاة البنت فيها انوثه الشكل عشان تكمل صفاتها الحلوه ,, الطول والجسم المتناسق الحلو الشعر وتقاطيع الويه ,, اما العضلات والخشونه فهي صفات الرجوله

 

[ليلو جبريت]

ترى انا ماكنت عارفه شنو مجسمه الا من الصورة
يعني معضله
ازين شنو فيها عادي جيف العضلات بتنقص من انوثتج
والله البنات يضحكون عطيهم بكس على عينهم خل يعرفون فايدة هالعضلات

 

[روونــا]

شوفي قلـبي
هآذي " حريـه شخصيـه "

بس انتـي لازم تعرفين ان هالصـفه مو من صفآت الانوثـه ..
ووعشآن تقتنعين شوفي كل فنآنآات العرب والاجآنب { مافيهـم وحده معضلـه }
وإذا فيه .. مايعتبر شكلهآا شكل انثى ..

غير كذا حبيبتـي حلات الـبنت بجسمهآا النآعـم سواّ عصله ولا دبدوبـه تبقى انثى

مو واهي معضله < طيب انتي معضله اوك .. الرجل شلون بيصير جسمه ؟

<~ وهآذي وجهة نظـري ,, اتمنى تتـقبـلينهـآا

 

[~ بنت الهدى ~]

ولله اسلوبج حلو و ماتسبين و محترمه هذا كاااااافي هذا دليل انوثتج ياقلبي..لايهمج كلام هالمسترجلات الدفاشه

الأنوثه اني محترمه ما اسب و اصير ملسونه و اوطي صوتي
مو حلو البنت تنابح..ترى كلش مانابح انا هههههه
الله يفكني من هالطبع لأن اذا صرخت احس مافيني انوثه

 

[أحبج يمه]

كل انسان وراحته

 

[أسيرة بدران]

مغنية البوب مادونا ايدها مجسمه وعمرها بالخمسين وكلها أنوثه ماشوهتها العضلات

 

[حبيبتي السعوديه]

لا وين تخيلي شكلك وانتي مجسمه وين ا لانوثه ؟؟؟؟

بعدين حلات البنت بنعومتهاا ورقتها هذا رايي................