الاندنوسيه......... والطباخ

[انا والدنيا]

مرحبا بتات شخباركم
عندنا بالبيت خدامه اندونيسيه بس ما تعرف تطبخ وحنا محد يقدر يطبخ الكل مداوم وانا تعبت اعلمها ما فيه فاديه
يقولون فيه دوراة يسوونها لللخدم يعلمونهم الطباخ امانه بنات اذا جربتو او سمعتوا تقولولي وين وشلون ودي اوديها تتعلم ذبحتني ما تفهم كلامي ؟؟؟؟؟

 

[رقية وسبيجة]

حبيبتي هذي شكلها مو مشتهية تتعلم

انا يبت نيبالية بس من زمان ماتعرف ولاشي والله علمتها وصارت احسن طباخة

شوفي

انتي علميها على المهم ..يعني المجبوس ومرق اللحم وترى هم عندهم اسهل شي المرق وخليها تكتب الي تقولينه ها بدفتر

علميها على القلاي مثل العمبرغر والبطاط بعد سهل
والسلطة هم مايبيلها شي وهلم جرة

وشوي شوي تصير احسن منج بالطباخ

بلا خساير بلا دورات ماتدرين عقب هالتعب باجر تطق وتنحاش والا تقول بسافر هذول مايتامن لهم

حيااج

 

[العنونة]

أنا مع راي اختي رقية وسبيجة لو تبي تتعلم جان تعلمت بس اهية ما تبي .... وبلا خساير . لكن اذا انت مصرة عندج مركز فود لاينز ( منال العالم ) يسوون دورات للكل سواء خدم أو حريم مكانهم بالسالمية فوق مطعم فريج صويلح
والله يوفقج

 

[انا والدنيا]

مشكورين خواتي بشوف والله يعيني عليها

 

[ام سارونة]

علميها اول شئ الخفايف

وبعدين الاطباق الرئيسية

 

[Heaven Light]

اي شحقه تقطين فلووووسج عليهاااا ..
بس علميها شلون تسوي العيش ..
وانتي بالليل سوي المرقه وحطيها بالثلاجة ووصيها قبل ييتكم تطلعها تسخنها وبس !!
هذي طريقة امي لان امي تداوم ..​

 

[جرح الليالي]

حبيبتي الاندونيسيات ما اكو العن منهم

اقص ايدي اذا ما تعرف تطبخ احسن منج << لا تزعلين حبيبتي

بس اهم يسوون روحهم ما يعرفون عشان لا يتعبووون رووحهم

وسوي مثل ما قالو البنات طبخي المرق بالعصر اضمن وانظف لج

والعيش عقب ما تردين كلها بو عشر دقايق مستوي < اذا مشخوول