الانجليزي في رياض الاطفال

[love^angel]

شلونكم ابلات وشخبار العطله معاكم
بغيت اسأل شصار على تدريس المواد بالروضه؟
سمعت ان توجيه الانجليزي طالب من مشرفات الابتدائي يرشحون مدرسات عشان يدرسون انجليزي بالروضه فهل الكلام هذا صحيح؟ وشلون اذا مدرسة ابتدائي تبي تدرس انجليزي بالروضه؟ ولا اشاعات؟؟
واذا كان صج شلون الطريقه يعني ابلة الانجليزي تدرس بس صفين او 3 و حصتها و خلاص ولا تدرس كل الصفوف يعني ما تفضى طول اليوم؟؟

 

[lollipop]

هلا اختي لوف انجل


شوفي حسب معلوماتي ان الروضة يبون معلمات الفترة الثانية بشكل تجريبي 7 معلمات في كل منطقة تعليمية

يكون عندج مختبر ويجيبون لج صف صف

الالية بالضبط ما اعرفها - غير هذا ماعندج رئيسة قسم ولاتصحيح وتحضير اسبوعي

اذا نجحت الفكرة راح تطبق وينزلون معلمات بحيث يكون كل روضة معلمة وحدة

شوفي عن نفسي دقيت على موجهي وقلت له شرايك اروح ولا ماتنصحني؟ قال لي بما ان الموضوع تجربي لاتروحين لانه راح يلغي الامتياز وحق في الترشيح لرئاسة القسم حتى لو اخذت امتياز بالروضة ورجعت مرحلتي راح ابدا في الامتياز من جديد يعني سنتين امتياز وغقبها يحق لي في الترشيح

هذا اللي اقدر افيدج فيه وبس

ملاحظة:- الروضة يطلعو 12 وشي ماعندهم ملف انجازي ولا فاينل واغلب الاعمال اورالي

 

[love^angel]

مشكوره اختي

اذا الي شوقني ان ماكو امتحانات ولا تصليح و خرابيط بس انا مستقيله و برد اداوم انشالله الكورس الثاني يعني ماقدر اسوي شي

 

[مس عسولة]

احنا مطبقين بروضتنا النظام اليديد
وصعب وممل لانه صفي ولاصفي يوميا
والعددي كل اسبوع مره اربك ومره انجلش بس احنا الي انقدم ان شاءالله
مع اني مااتوقع لان اذا بيوفروت انجليزي ويبيلنا ععربي ورياضيات
وع كلام الموجهه خل نلاقي حق الابتدائي ابلات انجليزي عشان نقلي للروضه

 

[Eva-SS]

انا مدرسة روضة


المنهج الجديد اللي فيه انجليزي مازال تجريبي بكل منطقة تعليمية مختارين روضة مطبقين المنهج فيها .. واللي اعرفه من رفيجاتي اللي برياض فيها المنهج الجديد انه مدرسة الروضة اهي الي تدرسه ماراح يوفرون مدرسات انجليزي وانا سألت التوجيه قالنا هالكلام وقاعد يعطونا دورات للمنهج الجديد فيها طريقة تدريس الانجليزي

جان زين يوفرون مدرسة انجليزي بكل روضة اريح