الانتفاخ اللي تحت العين بالمحجر..... ضروري دشوا

[الغلا89]

السلام عليكم
بنات أنا عندي انتفاخ تحت عيني بالمحجر نفس هالصوره بس أخف منها شوي
ومبين علي جني مريضه أو تعبانه وخاصة بالحر يبين حييييل
شكلها موحلو لا بالمكياج او بدون مكياج...
سشوي؟؟؟
وين أروح عفيه بنات قولولي؟؟؟؟
أو شحط؟؟؟ حطيت خيار حطيت بطاط شرايح مايروح كلللشوامي اذا قلت لها بروح الطبيب يشوفه تقل مافيج شي احمدي ربج
الحمدلله بس الواحد لازم يشوف من شنو هذا؟؟

 

[الغلا89]

بناااااااااات وينكم؟

 

[ليتني مـآ كبرت]

والله مادري حبيبتي

شوفي دكتور العيون انصحج بمحسن آبل عيادة البدع ورا فندق رمادا الرقعي

 

[الغلا89]

يعني عمليه؟؟
وإلا شنو؟
عمليييه لاااااااا أخاف

 

[غيمه ظميانه]

هاذا يمكن زياده املاح في جسمج ومحتبس الماي

جربي لا تاكلين مالح ابد في فترة العلاج وسوي كمادات دافيه وحطي شاي

واذا فيج ضغط لان الضغط يسبب هالشي

بس اهم شي قللي ملح قدر ما تقدرين
وكثري شرب الماي عشان ينظف الجسم من الاملاح وسوي تحاليل دم يمكن ناقصج فيتامينات

لان هالشي داخلي من الجسم

 

[زيـטּ عَبْس]

اي حبيبتي الظاهر تقعدين قبال النت واايد

أو انج لا سمح الله مريتي بضروف صعبه وكله زعل وسهر وبكي

واحتبس الماء عندج في هالمنطقة


لان هذه هي أهم أسباب الانتفاخ


عليج بالكمادات الشاي البارد والماء البارد

وبشر الخيار والبطاط

استمري عليه

وقليلي من السهر والنت

واذا كلش كلش مانفع

شوفي صيدلية الغانم بالفروانيه او أي صيدلية كبيرة
دكاترتهم لهم خبرة

سأليهم يمكن يعطونج كريم أو شي

 

[الغلا89]

مشكوووورين ماقصرتوا والله فديتكم
لا الحمدلله مافيني ضغط ومره سويت تحليل الحمدلله مافيني شي لانقص ولا اي شي الحمدلله
أنا قاعده أسوي رجيم الحين ومااحط ملح بالاكل كلش وهمن ماتغير الوضع.
رحت صيدلية الهاجري عطاني جل إسمه 360 آي كونتور يقول يشد ويخفف الهالات ويوخر الآي باقز بس مدري ماصار شي يمكن يبيله استمرار
والله ما أسهر بس خميس وجمعه الباقي أقوم مبجر
ماادري الله كريم

 

[الغلا89]

رفــــــــــــــــــــع

 

[الغلا89]

رفـــــــــــــع

 

[عليـــاء]

الله يعافيك اختي اب اب اب