الام ضرس العقل

[بنوتة شانيل]

السلام وعليكم بنات شلونكم انا ابي اقولكم قصتي ومو حابة اطولها عليكم بختصار قبل سنتين جاني

عوار في راسي الصوب اليسار مع الم تحت الاذن والفك كلهم الصوب اليسار وعوار في رقبتي وراسي من ورا وهم الصوب اليسار ودايم اروح لاذن وانف وحنجره ويقولون ماكو شي او احتمال جيوب انفيه تعبت وقلت يمكن من النظر عندي واروح لمستشفى البحر قالولي جفاف وعطوني علاج وماكو فايده وقلت يمكن من رقبتي ورحت للرازي وقالولي شد وعطوني علاج وهم ماكو فايده وربي تعبت حيل واهلي يقولون انتي موسوسه وبعدين شافني دكتور وقالي احتمال من ضرس العقل ورحت للطبيب وسولي اشعه وقالي في اربع اسنان بيطلعون مع العلم ان في ضرس اوردي طالع بس طالع اطول من الاسنان كلها بس بنات ابي اعرف اللي مرت عليها نفس اعراضي تكفون بليز بليز تبلغني لاني والله العظيم تعبت ومليت ومع العلم ان معاي التهاب باللثه ومو حابة اخاطر بخلع اسناني وبعدين احاتي اللثه ...


وتكفون لا تحرمووني من ردودكم وشكرا ’’’’

 

[بنوتة شانيل]

افااااا ولا وحده ردة

 

[spanish Guitar]

الله يعينج انا نفس حالتج مع صدااااع وقلت لازم اشيلهم بس تعبت منهم ويقولون لي طالعين غلط بعد

 

[صريحة جدا جدا]

حبيبتى راجعى الطبيب نصيحة من البداية واذا نصحج تشلعيهم اشلعيهم انا عانيت منهم وللحين شلعت واحد وقولت اخد راحة لاشلع الثانى فكى ورم بعد الشلع ههههههههههه وشكلي صار يفشل والاهم ماكنت اعرف اكل نزل وزنى وانا بالاساس كنت قبلها مسوية ريجيم راجعى الطبيب افضل

 

[بنوتة شانيل]

الله يشافي الجميع

ومشكوورين على الرد

 

[LittLeQueen]

صارت فيني هالحاله ورحت لعياده الاسنان قالي الالم طبيعي لانه الاسنان بتطلع روحي عند د.عمر القعود في برج جاسم انصحج فيه وايده خفيفه وايد

 

[DeCToOoRa]

إذا كان مدفون بالعظم أو اللثه فيحتاج عمليه بسيطة >> كشف اللثه وإزالة العظم المحيط بالضرس واخراج الضرس وبعدين خياطه