الامهات الي عيالهم بمدارس خاصه تعاااالو شوي

[دوا الغوري]

مرحبا حبيباتي
انا بغيت اسألكم شنو الطريقه الي تتبعونها في دفع فلوس المدارس الخاصه وخاصه للي عندها اكثر من ولد
وفي مدارس كل مازادت المرحله زاد سعرها اكثر

هل تسون استقطاع انتي وزوجج ؟ او شنو
لان عندي ولدي ودي ادخله مدرسه خاصه لان المدارس الحكوميه ماقاعد اطلع كفائات قويه ومأدري شسوي ؟

يليت الكل يجاوب ​

 

[ريماا]

هلا فيج
اعرف امهات اشكثر عيالهم بمدارس خاصة طبعا المدارس اخاصة تتعامل بالاقساط واول شهر تكون الدفعة قوية بعض اللى اعرفهم يكونون مدرسات او سكرتيرات فيخشون معاشات الصيف للمدارس والبعض يدخل جمعيات ويوقتونها على اول دفعة يعنى بداية الدراسة وباجى الاقساط من راتبهم الشهرى
بالنسبة لى الحمدالله الله لايغير علينا حالتنا المادية ممتازة عادى اكمل لعيالى كل مراحل التعليم من غير ماادفع من معاشى
ان شالله باجى الامهات يفيدونج

 

[دوا الغوري]

هلا فيج
اعرف امهات اشكثر عيالهم بمدارس خاصة طبعا المدارس اخاصة تتعامل بالاقساط واول شهر تكون الدفعة قوية بعض اللى اعرفهم يكونون مدرسات او سكرتيرات فيخشون معاشات الصيف للمدارس والبعض يدخل جمعيات ويوقتونها على اول دفعة يعنى بداية الدراسة وباجى الاقساط من راتبهم الشهرى
بالنسبة لى الحمدالله الله لايغير علينا حالتنا المادية ممتازة عادى اكمل لعيالى كل مراحل التعليم من غير ماادفع من معاشى
ان شالله باجى الامهات يفيدونج

مشكوره حبيبتي على الرد

والله يتمم عليج ان شالله

انزين جم تقريبا القسط؟

 

[خشف المطران]

سوي إستقطاع .. شهري من حسابج .. من ألحين ..

ما أقدر أفيدج .. أنا عيالي كلهم .. بمدارس حكومية .. و الحمدالله .. شطار ..

لأني من أولى إبتدائي .. تعبانه حييل حيل حيل وياهم ...

المرحله الإبتدائيه كلها .. مهم لا غيابات .. << حتى لوم مرضه المرض الخفيف ..يروح .. أو كلش كلش .. يغيب لا تعب حيل حيل .. و يلحق مع ربعه ... تلفون .. بنفس اليوم .. ياخذ اللي فاته .. و أقعد أنا أدرسه . جني أبله .. ..

والواجبات أول بأول .. ما أنام العصر ولا أخليهم ينامون .. وياهم .. أتابع ..الواجبات .. << ما أحل عنهم .. لالالا .. بس أدور الواجبات .. و أقولهم حلوها ..


وبس .. و الحمدالله .. عيالي كلهم متفوقين .. والحكومه تطلع كفائات .. ليش ما تطلع .. بس يبيله أم .. مهتمه ..

وبدال فلوسج .. اللي تقططينها يمين ويسار . عالمدارس الخاصه . خشيها لهم .. بالعطله . سفريهم سفره حلوه ..

لان أعتقد لو دخلتيهم خاص .. ما في سفر ..؟؟

وشدي حليج .. وياهم ..


وإذا حالتج الماديه تعبانه .. صدقيني تابعي وياهم بالحكومي بس الإبتدائيه ...

المتوسطه هديهم .. بيكون تعودو ...و إعتمدو على نفسهم ..

بس يبقالج .. نتابعه .. خفقيفه من بعيد لين بعيد .. وتفتيشات ليلية عالجنطه .. <<<< مسويتلهم رعب .. هههههههههه


الله يوفقهم و يخليهم لج ..

وترى عيال عمي .. كلهم خاص.. . والله مرهي عليه .. عياله ألحين .. شهاداتهم كلها الحفر.. بعدين مصر..

وأبوي يرفض المدارس الخاصه .. وماشالله .. أخاوني .. كلهم .. شهادات جامعية الكويت .. من الحكومه .. و ثنوية الكويت ..

بس يبيله أم مهتمه ..

هذيلاك قطوهم بالخاص ونسوهم ..

يالله شدي حيلج .. وياهم .. و تعبي شوي . .باجر .. يقووللج .. يا أم الباش مهندس .. و إلا يا أم الدكتوره ..

ويجون يبون واسطتج عشان .. بنتج تكتبلهم .. مرضيات ههههههههههههههه .. <<< أنطر هاللحضه .. ياربي لا تخيب رجاي ..

 

[خشف المطران]

مشكوره حبيبتي على الرد

والله يتمم عليج ان شالله

انزين جم تقريبا القسط؟

مدرسه عن مدرسه تفرق ..

بعضهم .. اسنه كلها ب 600 ..؟؟ تقدرين على قسطين ..

و مدارس. .على ألف وميتين ..

ومدارس.. على ألف و 800 ..

 

[ام رناد]

السلام عليكم
اختي دوا الغوري
انا اذكرلك احدى المدارس لان سياستهم الماليه حلوه وما حصلت احد يذمهم
والمدرسه هي اسراء القبندي ثنائية اللغه بالدسمه

وشكرا

 

[دوا الغوري]

مدرسه عن مدرسه تفرق ..

بعضهم .. اسنه كلها ب 600 ..؟؟ تقدرين على قسطين ..

و مدارس. .على ألف وميتين ..

ومدارس.. على ألف و 800 ..

مشكوره حبيتي على الرد

 

[دوا الغوري]

السلام عليكم
اختي دوا الغوري
انا اذكرلك احدى المدارس لان سياستهم الماليه حلوه وما حصلت احد يذمهم
والمدرسه هي اسراء القبندي ثنائية اللغه بالدسمه

وشكرا

هلا حبيبتي
شلون سياستهم الماليه ؟
وتأسيسها قوي؟

 

[برونزية رشيقة]

بصراحة أخش من معاشي ... وإذا ما قدرت أخش وطلع لي ظرف أو إلتزامات قمت أدش جمعيات وأستلمها بتاريخ دفع قسط مدرسة ولدي ... هذي الطريقة قريتها من بنات المنتدى والحمدلله طبقتها ومرتاحة وااااايد عليها ... وإللي أدش معاهم الجمعيات متفهمين وضعي ووضع مدرسة ولدي ... (( يزاهم الله خير ))

أدعوله يتوفق بدراسته الله يخليكم لا تنسونا من دعواتكم ..

 

[@Miss Dio@]

ما ادري والله الوضع صعب حده