الالتصاقات ؟؟

[شيخه_البيض]

مرحبا حبيت استفسر عن الالتصاقات شنو علاجها ؟

وشكرا

 

[أمونة الحلوة]

ماادري والله بس حبيت ارفع الموضوع علشان البنات يفيدونج

ربي يرزقج الذريه الصالحه

 

[كويتيه مذهله 87]

ماعندي معلومه عنهااا

انشالله البنات يفييدونج

 

[لمة طفل]

حبيبتي ما وضحتي اي التصاقات

اذا قصدج الانابيب علاجها عن طريق اشعة الصبغه يتم تحديد نوع الالتصاق وتقوم بفتح الانابيب الملتصقه والله اعلم

 

[زنوبة الحلوة]

والله مادري الصراحة

انشالله تلقين افادة من البنات

 

[صبا q8]

ياهلا اختي شيخة البيض ،، الالتصاقات هي اشياء تسكر الانابيب ما تخلي الحيوانات المنويه تمر في القناة والالتصاقات انواع وانا انصحج بالدكتوره هدى الزكري عندها خبره كبيره بازالة هذي الالتصاقات والحمدلله الطب تطور اللهم لك الحمد وكل شي له علاج .... ما تشوفون شر .

 

[الفنانه79]

والله انا اللي اعرفه ان الاتصاقات علاجها النفخ ان اتسويلج منظار تنفخلج الانابيب

وعسى الله يشافيج ويرزقج بالذريه الصالحه

 

[غنوة ستايل]

الاتصاقات تكون في الانابيب تكون طرف الانبوب لازق بغيره مثل التفيخه
و هذه علاجها ( اشعه الصبغه )

 

[ModaQ8]

الالتصاقات اذا كانت بسيطه فأشعة الصبغه تزيلها

او بعملية منظار البطن تحت تخدير كامل ممكن تزال.

اما اذا كانت شديده لا يمكن في بعض الاحيان ازالتها لأن يمكن ان يجرح الانابيب فهي جدا ضعييفه .
كما هو حاصل معي .

 

[شيخه_البيض]

هلا والله

شاكرة لكم ردودكم

صح انا ما وضحت عدل شنو نوع الالتصاقات

الدكتورة قالتلي ان في التصاقات في الرحم وهالنوعية مايحملون الا بأطفال انابيب لان الجينات مو بمكانها ومادري شنو بالضبط

فأنا عايشة بصدمة مو طبيعية ماكنت اتخيل جذي بيكون معاي


فاللي عندها خبرة تنصحني تقولي اي شيء تفهمني توعيني لاني مو قايلة حق احد بس انا وزوجي وامه مابي امي تعرف وتتأثر

 

[ModaQ8]

حبيبتي نصيحة بلغي امج بهداوة لأن دعاء الام مستجاااااااااااب عشان تدعيلج

ويارب انشالله يشافيج من الالتصاقات ويهون عليج ..
وانشالله تحملين طبيعي .