الافرازات الصفره .. تضايقني من بداية الزواج

[تراني مجنونته]

السلام عليكم


بنات من وين تيي الافرازات الصفره ؟؟؟؟؟



و هل تؤثر على الحمل ؟



و انا متزوجه صارلي 6 شهور

 

[بانانا]

يمكن التهابات والالتهابات تقتل الحيوانات المنوية
روحي فحصي عند د. امراض نساء وولادة واذا طلع التهابات سهالات تعطيج غسول ومضادات حيوية ويروح ماكو الا العافيه

 

[تراني مجنونته]

بانانا يعطيج العافيه

 

[توتا الكتكوته]

الله يشفيج يااااارب كله من البيبسي يخلي ريحة المنطقه الحساسه مو حلوه

اشربي مااي فترة الدورة كثري من الماي ينظف الرحم

والاناناس همن يخلي ريحته حلو​

 

[تراني مجنونته]

البيبسي ما يطب بحلجي

و وقت الدوره كله اشياء حاره و دارسين و كيوي و اناناس


و كلش مااشرب شغلات بارده


و اتبخر بمره من تحت



و قبل الزواج ما كان فيني كلش





بس بعد الزواج صار جذي

 

[برنسيسة2007]

تحسين بالم عند البول؟
او عادي ماتسحين بألم عند البول بس ماتقدرين تقضبين نفسج عند البول؟

 

[تراني مجنونته]

ما احس بالم عند البول



بس الشهر اللي طاف وقت الجماع كنت احس بالم فضيع بوقت الدوره




و هالشهر كلش لا الام بالجماع و لا الام بالبول




الحمد لله

 

[halafh]

مساء الخير حبيبتي أول شئ مبروك عشان توج عروس وشوفي راح أعطيج أسم تحاميل واااايد زينة حطي منها مرتين ولا مره بالشهر وااايد زينين التحاميل سويسراية انا جربتهم والحمدالله لا افرزات ولا شئ وتنظف المكان واااايد بس لا تحطين بعد الجماع على طول وقت تكونين فاضية وهذا أسم التحاميل (( Betadine)) عند اي صيدلية وأخذي غسول بعد أحسن ،،،،

 

[برنسيسة2007]

اولا: احتمال كبير يكون عندج التهابات وعادي اذا التهاب خفيف شهر تحسين وشهر لأ
روح لدكتورة نسا وقولي لها ترا اذا الالتهابات تاخر الحمل حتى لو كانت خفيفه(يعني مو الم بس مومرتاحه بالمنطقه او البول)
بس نصيحه من اخت مجربه:
اذا طلع معاج التهاب لو خفيف واعطتج الدكتوره دوا مضاد قوليلها ابي تعطيني حق زوجي مضاد ايضا لانه حتى لو تعالجتي راح يرجع لان زوجج يمكن اهو اللي ناقلج العدوه او انت امعاديتها فينقل لج الالتهاب مره ثانيه

ثانيا:احتمال مايكون فيج الا العافيه والافرازات مجرد السائل اللي يخص زوجج اهو اللي ينزل وعلا فكره هذه المعلومه يعانن منها اغلب العرايس ونهائيا مامنها ضرر ولاتحتاج علاج
وبالتوفيق يا العلا

 

[احساااااس انثى]

الافرازت الصفراء معنااته التهاب في الرحم تعالجينه بمضاد حيووي ..
كذا قالتلي الدكتوره وقالت انها تأخر الحمل ...
روحي لاقرب مستوصف عندكم قولي تنزل معي افرازات لونها اصفر واكيد بتعطيكـ
مضااد حيوي...