الافادة (مدرسة أجيال)

[ام عواشة]

واللي يعافيكم ابي احد يفيدني انا بنتي اولى روضة في مدرسة أجيال ودي اعرف شنو لبسهم الصيفي والشتوي وطريقة دراستهم وطلباتهم ؟

 

[الصابرة المحتسبة]

ان شاءالله الخوات يفيدونج

 

[ريماا]

اجيال للى بالرقعى عدل؟
تقدرين الحين تشترين الملابس منهم
واخذى ورقة طلبات القرطاسية
واشترى من برا لبس السباحة بس تأكدى انة عندها سباحة الان ولدى لما كان بحضانة كان عندة سباحة وباولى روضة ماعندة مادرى ليش؟
بالتوفيق

 

[ام عواشة]

مشكورة حبيبتي ماتقصرين ، واللي يعافيج شنو ألوان ملابسهم والشتوي بعد(الجاكيت) وطريقة دراستهم ؟
اسألتي وايد صح ؟؟؟؟؟؟؟

 

[ريماا]

مشكورة حبيبتي ماتقصرين ، واللي يعافيج شنو ألوان ملابسهم والشتوي بعد(الجاكيت) وطريقة دراستهم ؟
اسألتي وايد صح ؟؟؟؟؟؟؟

حياااج حياااتى تعبج راااحة
اى سؤال بخاطرج سألى وتدللى
البنطلون كحلى قطن والبلوزة بيضا بخط كحلى عند الغولة ونفسها للشتا بس جم طويل وصديرى للشتا كحلى
نصيحتى اشترى اللبس بس للشتا مايحتاج الصديرى الانة عاادى ويرتفع كلة لى فوق وموذاك الدفا لبسى بدالة جاكيت
بنطلونهم ترا حييييل مريح بس مو مرتب الخياط ونفس الشى البلايز
دراستهم هذى قصة طوووووويلة:dddds:
شنو ابتسألين عنة بالضبط؟؟؟؟؟؟؟

 

[ام عواشة]

حدج خرعتيني ليش قصة ؟ ترى انا اول سنة وياهم وحدي احاتي عفيا اذا في شي قوليلي ؟

 

[@انترلاكن@]

سبحان الله وبحمده ...

محتاجين معلومات أكثر عن أجيال

 

[fatoom^_^]

ان شاء الله البنات يفيدونج

 

[ريماا]

حدج خرعتيني ليش قصة ؟ ترى انا اول سنة وياهم وحدي احاتي عفيا اذا في شي قوليلي ؟

شوفى اول شى اهم صااارمين بالقوانين
فعالياتهم ماتنتهى يعنى يوم القبعة يوم الدول يوم ماادرى شنو
بالنسبة للدراسة للى ماعجبنى فيها انة كل مالها وتصير صعبة حيييل على طفل توة يتعلم انجليزى
منهج اولى روضة ممتاز مثل منهج برى كى ومنهج ثانية روضة الكورس الثاانى صعب اشوى يبدى الاملاء بالعربى
وكلة مطلوووب منج تدرسينة يعنى المدرسة تشرح وانتى تدرسين وتعالى اكليها اذا ولدج او بنتج موقادرة تستوعب او غابت مايعيدون لها
بوقت التقيم كنت اسال المدرسة شنو هالاسبوع راح تمتحنونة او تسألونة عشان ادرسة تقولى كل شى اخدوا من اول السنى:eh_s(1):
انا كنت مرتاااحة فيها والله الجذب خيبة بس صارلتلى امور بالكورس الثانى و مشاكل مع ولدى واحد من الطلاب وغيرة خلتنى افكر بنقلة
وهم بخلة حيييل بالدرجات وشفت منهج اولى ابتدائى صعب والامهاات يشتكون الان التدريس ترا اكثر شى عالام انا اشحقى دااافعة ؟
غير جذى ولدى للى بالكى جى 1 شااااااطر اسم الله علية مع ذالك مستواة جيد جدا اى ليش المفروض ممتاز
غير الزحمة حتى بالفصل والمدرسات لبنانيات مو اجنبيات
شووفى انا كنت افكر بالمستقبل انا ماكنت ادور على مدرسة منهجها قوى وصعب اهو اساسا راح يتخرج عاارف كل شى ليش اعقدة واعلمة كل شى بسرعة
واللغة يتعلمها مع اممارسة مو شغلة يحفظها بس
شوفى مو معنى انى ماشفتى بالمستوى المطلوب معناة ماتناسبج لا انتى جربى يمكن بنتج او ولدج يرتاح فيها وانتى بعد يعجبج نظاامها
بالتوفيق

 

[ام عواشة]

مشكورة تعبتج وياي حبيبتي

 

[booba]

اختي ام عواشه بالنسبه للبس اشتري من بره بنطرون كحلي وتيشيرت ابيض احسن لج
وبنتج لاداومت راح يعطونها ورقه الطلبات اللي لازم تييبها
وبالنسبه حق منهج اولى روضه قوي وحلو بنفس الوقت مثل ما قالت الاخت ريما
وبعدين موكل المدرسات عربيات لا في اجنبيات يعني العام كان في 5 اجنبات و4 عربيات بس حاملين جناسي امريكيه يعني الاكسنت مالها لازم يكون امريكي

 

[ام عواشة]

حبيبتي booba انتي ولدج او بتج اي صف وشرايج بالمدرسة