الاطفال الخدج إلي تعرف تفيدني جزاه الله خير

[أم لطووف]

السلام عليكم شلونكم بنات
بعد معانات وتعب ولله الحمد ولدت ويبت أحلى بيبيات توفي ومنوره..
المشكله إنهم خدج ولدتهم بأخر السابع..
وهم صغار حييييييييييييييييل..

إلي أبي أعرفه شلون أتعامل معاهم شنو أعطيهم بس حليب يعني سوالف الينسوب والحبه الحلوه أمنعها ...حتى الماي إلي سمعته إني لازم ما أشربهم..وشلون على اللبس ياناس ماني لاقيه قدهم كلش أكبرهم وزنه كيلوين ونص عيزت وانا أدور لبس مافي.........

بليز بنات إلي عندها خبره بهالموضوع تفيدني لاني وربي حايسه معاهم حوس ​

 

[waterfall]

الحمدلله على سلامتج
ومبروك ما ياج
والله يطرحلج فيهم البركه
اختي لا اتخافين من اي شي
اهم شي بهالفتره انهم يكونون دافين ما يحوشهم الهوا البارد
والحليب راح اتمرين على كذا نوع الي ان تلاقين حليب يمشي مع بطونهم
(انا عندي 5 وكلهم يبتهم خدج)
واهم شي اتابعين مواعيد الطبيب تري وايد مهم علشان صحتهم
واذا على الملابس ما راح اتلاقين بكل مكان (ماذركير،h&m,سنتر بويت)
ولاحظي انج دايما راح تاخذين لهم باقل من اعمارهم الي ان يتعافون
والله يخليهم لج

 

[أم لطووف]

يزاج الله خير حبيبتي ماقصرتي..

 

[*ماي الورد*]

رد : الاطفال الخدج إلي تعرف تفيدني جزاه الله خير

فيه ملابس بمذكر اختي و يكتبون عليها الوزن اللي تلبسه فيه حق 1800
التعب بالخدج اول ست شهووووور حافظي عليهم من النشلة لانها اتعب جهازهم التنفسي
و تابعي على طول مراجعاتهم و واضبي على ادويتهم

 

[غلاي غير]

الحمد الله على سلامتج ومبروك مايالج
الله يعينج بتتعبين بالبدايه بس دايم ادعي ان الله يصبرج ويعينج
اللبس بمذركير وخليهم بجو دافي ولاتطلعينهم لان هالجو جو استغفر الله حساسيه ومرض الله يبعده عنهم
بيعذبونج بالرضاعه وتقعدين تنقطين لهم وعوديهم على المص والماي ضرووووري الا اذا بترضعينهم طبيعي
والحليب على حسب تقبلهم شوفي شنو عطوهم بالمستشفى

 

[حرم_طيار]

رد : الاطفال الخدج إلي تعرف تفيدني جزاه الله خير

اول شي الف الف الحمدالله على سلامتج
ثاني شي ليش مو معانا بتجمع حوامل التوام؟؟
ثالث شي انا بناتي ولتهم بالتاسع وحده وزنها كان 1.500 والثانيه 1.900
والحين الحمدالله عمرهم 9شهور
شوفي الملابس اخذي لهم tiny baby بس نصيحه مو وايد لانهم بسرعه راح يكبرون
وشرب لا تعطينهم شي غير الحليب حاليا نطري عليهم اشوي
واي شي من عيوني راسلني على الخاص

 

[ZajiL]

http://www.q8yat.net/showthread.php?t=216797


هذا الموضوع وايد راح يفييييدج لو تتقرين فييييه
على راحتج بتلقين فيه خوش معلومات

 

[ثلجه حاره]

حبيبتي انا جبت ولدي بالشهر الثامن وكان وزنه كيلو ونص صغير وايد

عطيته حليب سيميلاك نيوشور ممتاااااااااااااااااااااااااااااااااااااااااااااااااااااااز يكبر الجاهل بسرعه استمري عليه شهرين بتشوفين صحتهم صارت ممتازه

والملابس من سنتر بوينت مقاس اكس سمول ومن مذركير تايني بيبي

عقب الاربعين عطيهم الاعشاب ينسون كراويه هالسوالف ولدي اعطيه رقم بالليل يرتاح وتطلع الغازات من بطنه وعوديهم ينامون على بطنهم والله بيرتاحون

واي سؤال انا حاضره

 

[H.A.K.W]

الحمدالله علي سلامتج
وقرة عينج بشوفتهم ، ويتربون بعرج انشالله

بالنسبه لتغذيه اذا كنتي بترضعين طبيعي ماتحتاجين تعطينهم شغلات ثانيه
اما اذا صناعيه فالماي مهم .

هدومهم تلاقين في بمذركير افرولات وبدل مقاس تايني بيبي ، وهم بروي اتحصلين عندهم مقاس "بري متشور بيبي" هذي تكون للخدج.
بس لا تكثرين لان اسم لله عليهم يكبرون بسرعه.
وانشالله البنات يفيدونج اكثر

 

[الأميرة جوري]

رد : الاطفال الخدج إلي تعرف تفيدني جزاه الله خير

لرفع

 

[Om NoOoRa]

اول شي الحمدلله على سلامتج وسلامتهم
ويتربون بعزج ان شاء الله

انتي سالفتج مثلي بالضبط
بعد انا كانوا بالحضانه اول اسبوعين
وحده كانت 1.800
وحده 2.100

عادي التعامل معاهم ياقلبي لا تحتاسين ولاشي
واذا على الملابس تلاقين في سنتربوينت بدل مكتوب عليها قياس tiny
هذا يكون حقهم للي بحجمهم
واذا على الماي لا تقطعينه عنهم حرام يعطشون
انا كنت اعطيهم ماي مع سكر نبات كانت يدتي الله يحفظها تقولي اذا ما عطيتيهم ماي يحولون عيونهم
وكنت اعطيهم كمون وينسون حق النفخه والغازات
وكل شي عاااااااادي طبيعي حالهم حال اليهال العاديين
والحين ربي لك الحمد والشكر عمرهم اربع سنوات ونص ويبون معاريس لووووووووووووول

الله يحفظهم لج يارب وتشوفين تخرجهم من الجامعه
واي استفسار اختج ام نوره ماتقصر

 

[أم لطووف]

يابعد قلبي يعل عيني ماتبجيكم ريحتوني .. إنزين بالنسبه للماي وسوالف الاعشاب
وايد يقولولي عطيهم ودكتورهم يقولي لاء معدتهم ماتتحكل لانهم خدج الحين أهما كملو شهرين بالماينس يعني جني توني والدتهم أنطر عليهم شوي ولا أبلش أعطيهم عادي..

 

[++The DuchesS++]

عكطيهم بس حليب بالوقت الحالي لا تغامرين باشياء ثانيه
واذا تبين شي للغازات شراب هيملايا يريحهم وينومهم
واهم شي انج تابعين مراجعاتهم ولا تهملينها
اول سنه متعبه حيل بس بعدين سهالات ان شاء الله

 

[ZajiL]

لاتجازفين وتعطيهم اي شي
خليج بس على الحليب افيد لهم ويغذيهم ويكبرهم

 

[HearT ChocolaTe]

لاتجازفين وتعطيهم اي شي
خليج بس على الحليب افيد لهم ويغذيهم ويكبرهم

نهائيا لا تجازفين ... الخدج يختلفون من واحد الى آخر ونصيحه سمعي كلام الدكاترة
وخاصة بالتغذيه .. ومراجعاتهم ابدا لاتهملينها ..
ماتشوفين شر حياتي والف لابآس عليج يا قلبي

 

[م.موون]

انا بنتي يبتها بالثامن و كان وزنها 1.765 كجم ظلت بالحضانة اسبوعين و انا بجر و كلش ماعرفت اتعامل معاها ماعرف اغير حفاضة او البسها كله اخاف اعورها لانها وايد صغيرة لبستها من نكست ملابسهم صغيرة و لبستها من سنتر بوينت XS و هم كانو كبار حتى لما زاد وزنها ما احسها كبرت الوزن كان بالعظام مو متن و المحل الوحيد الي القى قدها H&M لان عنهم مقاس 0-1 مقاساتهم حلوة حتى الجنزات skiny القى عندهم 0-1 ههههههه الكل كان يضحك علي يقولي المحل كله عندج .....
و بالنسبة للحليب استخدمت نيوشور بس سبب لها غازات و ترجيع و تشرق من خشمها غيرته الى اس 26 بي دي اف للخدج طبعا بعد مشورة طبيب ... و ليلحين على اس 26 بروميل بعد 6 اشهر و الحمدلله ماشي معاها...
و بالنسبة للمشروبات الثانية ما انصحج كللللللللش انا كنت كل ما اعطيها الينسون و البابونج و هالسوالف تسويلنا حفلة طووول النهار و طول الليل من بطنها ترا ما يتحملونه و بالنسبة لمنقوع التمر اجليه لي عقب الشهرين...

و الله يعينج ما راح ترتاحين الا عقب 6 اشهر ان شاء الله و الله يخليهم لج و يعينج على تربيتهم