الاصلاح بين المتخاصمييين ؟؟؟بليييز هييلب؟؟

[@غلا زوجها@]

السلام عليكم ورحمة الله وبركاته


شلووونكم كوووويتيات


شوووفو يالغوالي انا ابي استشيركم في شغله

ان شاء الله ابي اصلح بين ناس من قرايبي متخاصمين
وطبعا الطرف الاول كلمتهم وهم راضين بالصلح والطرف الثاني شوي مستعسرين

وابي اجمعهم بمكان واصالح بينهم

والي ابيه منكم يالغوالي
انكم تعلموني شنو اقول لما ابي اصلح
يعني احس اني اول مره ومو عارفه شنو اقول
وودي بعد تذكروون لي بعض الاحاديث او الايات الي عن الخصووومه


بصراحه بنات ودي اكووون لبقه بالكلام وما اتلعثم
وودي بحجي حلو يخلي القلووب تتصافي

ياريت الي عندها كلمه حلوه او اي شي تساعدني فيه

لاني مثل ما قلت لكم اول مره اسوي جذيه
والله اني ابي الاجر
والي تساعدني الله يشركها معاي بالاجر

 

[كوشيه فوشيه]

رد : الاصلاح بين المتخاصمييين ؟؟؟بليييز هييلب؟؟




اممممم شوفي حبيبتي


اهم شي تكونين مقتنعه بالكلام اللي تقولينه


لانج لو ماكنتي مغتنعه مستحييل تقنعين اللي قدامج


وحاولي قد ماتقدرين انج ماتذكرين سبب الزعل


عشان ماتفتحين نقاش وتزيد المشاكل


وخلي كلامج كله بالاحاديث والايات وذكر الله


وهذي بعض الايات والاحاديث


من القرآن الكريم :

أ. قال تعالى : ( وَأَطِيعُوا اللَّهَ وَرَسُولَهُ وَلا تَنَازَعُوا فَتَفْشَلُوا وَتَذْهَبَ رِيحُكُمْ وَاصْبِرُوا إِنَّ اللَّهَ مَعَ الصَّابِرِينَ ) الأنفال/46 .

ب. وقال تعالى : ( وَاعْتَصِمُوا بِحَبْلِ اللَّهِ جَمِيعًا وَلا تَفَرَّقُوا وَاذْكُرُوا نِعْمَةَ اللَّهِ عَلَيْكُمْ إِذْ كُنْتُمْ أَعْدَاءً فَأَلَّفَ بَيْنَ قُلُوبِكُمْ فَأَصْبَحْتُمْ بِنِعْمَتِهِ إِخْوَانًا وَكُنْتُمْ عَلَى شَفَا حُفْرَةٍ مِنَ النَّارِ فَأَنْقَذَكُمْ مِنْهَا كَذَلِكَ يُبَيِّنُ اللَّهُ لَكُمْ آَيَاتِهِ لَعَلَّكُمْ تَهْتَدُونَ ) آل عمران/103 .

ومن السنة النبوية :

أ. عن أبي هريرة رضي الله عنه قال : قال النبي صلى الله عليه وسلم : ( لا تَبَاغَضُوا ، وَلا تَحَاسَدُوا ، وَلا تَدَابَرُوا ، وَكُونُوا عِبَادَ اللَّهِ إِخْوَانًا ، وَلا يَحِلُّ لِمُسْلِمٍ أَنْ يَهْجُرَ أَخَاهُ فَوْقَ ثَلاثَةِ أَيَّامٍ ) رواه البخاري (6065) ومسلم (2559) .

ب. عن أبي أيوب الأنصاري رضي الله عنه قال : قال النبي صلى الله عليه وسلم : ( لا يَحِلُّ لِمُسْلِمٍ أَنْ يَهْجُرَ أَخَاهُ فَوْقَ ثَلَاثِ لَيَالٍ ، يَلْتَقِيَانِ فَيُعْرِضُ هَذَا وَيُعْرِضُ هَذَا ، وَخَيْرُهُمَا الَّذِي يَبْدَأُ بِالسَّلامِ ) . رواه البخاري (5727) ومسلم (2560) .

ج. عن أبي هريرة رضي الله عنه قال : قال النبي صلى الله عليه وسلم : ( تُفْتَحُ أَبْوَابُ الْجَنَّةِ يَوْمَ الاثْنَيْنِ وَيَوْمَ الْخَمِيسِ ، فَيُغْفَرُ لِكُلِّ عَبْدٍ لا يُشْرِكُ بِاللَّهِ شَيْئًا إِلا رَجُلا كَانَتْ بَيْنَهُ وَبَيْنَ أَخِيهِ شَحْنَاءُ ، فَيُقَالُ : أَنْظِرُوا هَذَيْنِ حَتَّى يَصْطَلِحَا ، أَنْظِرُوا هَذَيْنِ حَتَّى يَصْطَلِحَا ، أَنْظِرُوا هَذَيْنِ حَتَّى يَصْطَلِحَا ) . رواه مسلم ( 2565 ) .



وجزاج الله الف خير والله يوفقج ويعطيج ع قد نيتج :tek:

 

[MoonDiamond]

الله يعطيج على قد نيتج ويوفقج
ويجزاج خير الجزاء

 

[::كيك وعسل::]

الله يجزاااج خير

 

[كيكه توفي]

بالوقت نفسه راح يطلع الكلام بروحه لا تخططين انج بتقولين جذي وجذي لان انا اذا قلت بقول جذي وجذي وقت السالفه كل الكلام يتبخر والله يعطيج على قد نيتج وان شاءالله البنات يفيدونج

 

[ام الدرر]

كوشية فوشية كفت ووفت
جزاج الله خير على حرصج اصلاح ذات البين

 

[ذلتني عيونك]

رد : الاصلاح بين المتخاصمييين ؟؟؟بليييز هييلب؟؟

جزاج الله خير
الله يجعله بميزان حسناتج

 

[@غلا زوجها@]

مشكووورين بنات ع الرد
وخصوصا كوشيه فوشيه


انا لهيت بالعيد واغراضه

بس وينكم بنات ابيكم تساعدوني
انا اول مره ادخل جذيه وودي اكون لبقه بالكلام
ولاني جايه مع الطرف الاول وهم راضين بالصلح ويبوني اساعدهم
وانا خايفه اتلعثم وما اعرف شقول بهالوقت والطرف الاول حاطين اعتمادهم علي

بلييييييز بنات لاتطنشون جزاكم الله خير
ابي كلام حلووووو يشرح الصدر
لاتقولون لي الكلام يطلع بروووحه ع الاقل ساعدوني بكلمه