الليمون
حطي على شعرج عصير ليمون واطلعي قبل المغرب بساعه ع الشمس ليمه ينشف
وعقب غسلي
وخلي الشطفه قبل الاخيره مثل سطل صغير حطي فيه ماي وعصير ليمون واشطفي فيه شعرج قبل تطلعين من الحمام وعقب غسلي منه واطلعي
هالعمليه تسوينها مرتين الى 3 مرات بالاسبوع ولاااااااازم تحطين بلسم قوي لما تغسلين شعرج من الليمون لان ينشف
وفي عندج طريقه ثانيه
جيبي بابونج واغليه مع نص لتر ماي ومقدار البابونج يكون ملعقتين او 3
وخليه يغلي مع الماي مدة نص ساعه عقب طفي النار
واعصري ليمونه او ليمونتين وحطي ملعقة كبيره عسل وذوبيها مع الماي الحار
عقب نطري يبرد الماي واشخليه من البابونج انا افضل البابونج اللي يجي على شكل شاي اسهل
ولما يبرد حطيه مثل بطاسه بلاستيك وغمسي شعرج فيها من الاطراف وفروة الراس وعقب اخذي الماي واشطفي شعرج فيه
وكذلك اطلعي بالشمس ساعه
افضل وقت هو قبل المغرب بساعه تكون الشمس طاحت مو حر حيل
وفي طريقه شفتها باليوتوب لوحده شقرا صبغت شعرها احمر وشالت الصبغه
عن طريق خلطة وهي
بيكربونات الصودا وتلقينها بالجمعيه + صابون المواعين فيري بالليمون
اخلطتهم وقسمت شعرها وحطته عليه وظلت ساعتين بعدين غسلت منه
وطبعا كل هالطرق لازم لما تجين تغسلين شعرج تستعملين بعد الشامبو بلسم عميق عشان يرطب الشعر
انا جربت الليمون بروحه وجربت البابونج
انا نفسج حطيت حنه سودا
احس بهالطريقتين بدين اشوف خصل بنيه وخاصه اطراف شعري شوي بدا يرد اللون الطبيعي
هم في طريقة بخل التفاح مع الماي بس هذي لازم يوميا مو نفس الطرق اللي كتبتها لج تكون مرتين او 3 مرات بالاسبوع دوري عنها بقوقل لان ما اعرف طريقتها بالضبط
وتعودي دام تسبحين كل يوم حضري طاسه فيها عصير ليمون مع ماي وكبيه على شعرج قبل تطلعين من الحمام وارجعي غسلي شعرج منه بس بماااااااي واطلعي
انا خبيرة شعر قالت لي الليمون هو اللي يفتح الشعر ويساعد الحنا او الصبغه السودا تروح
