الاستقبال ... بالمستشفى او بالبيت ؟؟ شنو تفضلون و ليش ؟؟ شاركونا

[مشموشته]

:aha::aha::aha:


السلام عليكم و رحمه الله و بركاته

حوامل كويتيات اشلونكم اليوم يا كروششششششششااااااااااااااااات ؟؟


اتمنى الكل يكون بخير ... بعرف وين تفضلون تسوون الاستقبال ؟؟ و اذا بالمستشفى تسوينه جم يوم ؟؟؟

طيب و عيالج ؟؟؟ تخلينهم ويا منو وانتي نايمه بالمستشفى ؟؟؟ :gr4uu:


طيب الي تسويه بالمستشفى هل شغلج مال الاستقبال المتعوب عليه و الكفر تحطينه بالبيت او ببيت اهلج يعني بالمكان الي بتنفسين فيه ؟؟؟ ولا خلااااااااااااص تشيلينه حتى اشعار اخر ؟؟

يعطيكم العافيه بنات ​

 

[Talyan Rose]

افضل بالمستشفى خصوصا حق الناس البعيده والصديقات
اما الاهل فحياهم بالبيت

 

[$حبيبة عبودي$]

والله الاستقبال بالمستشفى متعب توج والده وتعبانه مو يم هالسوالف بعدي عنج العين
خليها بالبيت احسن بعد ماترتاحين سوي استقبال..

 

[مروووم]

والله الاستقبال بالمستشفى متعب توج والده وتعبانه مو يم هالسوالف بعدي عنج العين
خليها بالبيت احسن بعد ماترتاحين سوي استقبال..

انا اوافقها الراي

 

[غلاي امي وزوجي]

والله انا اقول بالبيت احسن توج والده ومالج خلق تبين تستقبلين الناس

انا اقول بالبيت احسن وافضل

 

[ساندريلا]

انا عندي بالمستشفى احسن افتك واخلص على قولتهم زلقه بطيحه
انا على بجري سويت استقبال بالبيت محد صبر على الموعد الكل وجب بالنفاس طاح حيل امي فقيره والمصيبه انه كان برمضان والله ماقصرت معاي حتى انا هلكت كل يوم رازه عمري وقاعده معاهم

 

[noo7a]

بالمستشفى احسن
مره وحده عشان تفتكين
اذا بالبيت كل يوم يايه وحده لازم تلبسين و تضيفين و مادري شنو

 

[أم فتوته]

رد : الاستقبال ... بالمستشفى او بالبيت ؟؟ شنو تفضلون و ليش ؟؟ شاركونا

آنا بسوي بالبيت لمدة يومين

أم فتوته

 

[ام اميره]

رد : الاستقبال ... بالمستشفى او بالبيت ؟؟ شنو تفضلون و ليش ؟؟ شاركونا

بالنسبه لي افضل المستشفى ادز للكل مسجاات واللي ياه اوكي
واللي ماقدر وعندهم ظرووف راح اسوي يومين بالاسبوع مثلا خميس واليمعه اللي ماياني بالمستشفى ايلي عرفتي
لانه اذا صار كل يووم احد ايي بصراحه تعب مافي راحه وبعدين المره تبي ترتاح وتجابل ياهل
اريح وهم على الاقل الام تقدر تهتم اشوي بعمرها ادهن اتيب رداده يعني اريح واحسن عندي
وبعدين ميزانيه كل يوم يايبه وحاطه وشاااريه فا يومين اريح

 

[NauGhty nuRse]

بالبيت احسن واريح

 

[سفيرة العشق]

رد : الاستقبال ... بالمستشفى او بالبيت ؟؟ شنو تفضلون و ليش ؟؟ شاركونا

انا افضل بالمستشفى عشان تفتكين مو كل يوم ناطتلج وحدة بروحها وتعالي تزهبي وضايفيها وانتي تبين تنامين وترتاحين
اما بالمستشفى سوية يومين وفكي عمرج

 

[لهفة المشتاقه]

انا اسوي استقبالي بالبيت احسن شبي فيهم بالمستشفى اكون تعبانه مالي خلق لاحد
في البيت واحدد يومين بالاسبوع شدعوه كل يوم ماكو شغل لا ادز لرفيجاتي واهلنا احدد
ايوم بسوي استقبالي وحياهم الله اكون لهم جاهز وافضل اول عشر ايام ماكو استقبال علشان ارتاح

 

[<<لمار>>]

انا افضل المستشفى فى البيت سهر وتعب مع البيبى وافيج حيل مجابل الناس

 

[_Pure_]

استقبال المستشفى بلا شك واااااااااااااااايد مريح و عن تجربه

سويته على يومين مساءا فقط و اوقات محددة مكتوبه بالمسج و الكل التزم و الكل حضر

و محد زارني بالبيت الا الاهل القراب حيل و كنت مرتاحه ما احاتي الناس اللي تزور بالبيت
مرتاحة و كلشوي ارضع و انام على راحتي ما احاتي زوار و انا بالبيت


اما بالمستشفى البيبي عند النيرس و نايمه بفراشي مرتاحه كلها ٤ ساعات الناس تزور و تروح اييبونلي البيبي ارضعه و اييني زوجي


استقبال البيت متعب وايد مع اني ما جربته لان لازم اكشخ و البس و اجهز بدله و اروح صالون و ارتز و اجامل الناس هذا و انا توني طالعه من الاربعين و اكيد سهر مع البيبي و تعبانه اكثر من تعب اول يومين بعد الولاده البيبي كله نايم و عند الممرضات فرق كبير


بالمستشفى منسدحه بفراشي و مو لازم اكشخ و اتمكيج بس البس قميص نوم مرتب و اسشور شعري


و طبعا يعتمد على عادات و تقاليد العايله نفسها

احنا مثلا ما نسوي استقبالات بالبيت نادر يعني
الكل الحين بالمستشفى


و اغراض الاستقبال على حسب اللي اقدر استخدمه استخدمه بالبيت او اخليه حق بناتي لي كبرو حق غرف نومهم مثل الكفر و مفارش الطاولات و المواعين و غيره استخدمه مره ثانيه طبعا

 

[مشموشته]

يعطيكم العافيه بنات ما قصرتوا على الردود ...

انا محتاره ... شكلي بسوي يومين بالمستشفى و افتك ...

 

[ryoonah]

ـ انا افضل بالمستشفي اريح بس مو انه محد ايينى بالبيت لا عادى

 

[حبـ admant ـك]

رد : الاستقبال ... بالمستشفى او بالبيت ؟؟ شنو تفضلون و ليش ؟؟ شاركونا

انا سويته بالمستشفى 3 ايام وافتكيت
ارتحت بالبيت بروحه النفاس اكتئاب وتعب وين تجابلين نسوان يايين وطالعين
والكفر استخدمته بالمستشفى وبعدين خشيته لي طلعتي من النفاس حطيته بغرفتي
كنوع من التغيير

 

[miss-winter]

رد : الاستقبال ... بالمستشفى او بالبيت ؟؟ شنو تفضلون و ليش ؟؟ شاركونا

بالمستشفى اتوقع اريح يوم او يومين وخلاااص

 

[وجدان الكويت]

بالمستشفى له مميزات وبالبيت له مميزات

بس افضل بالبيت وعقب مارتاح يعني عقب شهر من الولادة والا في ناس يسوونة عقب الاربعين

 

[تروبيكانا]

زين بسال شكثر تحطون ميزانية لاستقبال المستشفى