الاستقالة !!

[ماخليتوا اسم]

السلام عليكم ورحمه الله وبركاته:

انا قررت استقيل ومو عارفه اجراءات الاستقاله.. ممكن وحده تقولي شلون وشنو اسوي عشان اغيب اهم شي عندي اني اقدر اغيب والاجراءات ممكن أجلها..

انا ودي ادخل ع المديره اخر هالشهر شهر خمسه واقولها

ع فكره انا سعوديه وتوني موظفه يعني هذي السنه الاولى لي..

تكفووووووووووووووووووووووووون ساعدوني لاني احس مااعرف شي ابببببببببببببببد وزين مشيت هالسنه:eh_s(11): وقدرت اكملها

 

[ملاككك]

السلام عليكم....
ليش هالتشاؤم اختي صلي ع النبي
ما انصحج بالاستقالة
بس بعرف ليش تبين تستقيلين انا سعودية ومقدمة ع التربية ببلش دوام السنة الجديدة ان شاء الله

 

[c a t w o m a n]

ممممم

حسب ما أذكر تروحين السكرتارية تدزين طلب الإستقالة

بعدين تباشرين إجراءاتج بالمنطقة والوزارة


بس السالفة فيها طوالة و حوسة

 

[ماخليتوا اسم]

شكرا للي ردوا..وعليكم السلام اختي ملاك..اللهم صل وسلم على محمد

لا والله مو تشاؤم.. بس جد تعبت الدوام متعب بشكل كبير,,غير الطريق..عشان كذا .. بفتك

 

[ماخليتوا اسم]

انا من الخفجي هذا قصدي بالطريق

 

[غلااي الكويت]

انا من رأيي ياأختي تصلين إستخاره وتاخذين الامور بحكمه وعقل
ترى غيرج يتمنى الوظيفة , وكثير خليجيات معاهم شهادات عليا ماجستير بعد وبتفوق قاعدين بالبيت اهاليهم يصرفون عليهم
اذا على سالفة التعب اصلا الدنيا بكبرها مافيها رااحه هي جت على التدريس بس!
الله سبحانه يقول في كتابه العزيز " ولقد خلقنا الإنسان في كبد".
يعني تعب ومشقة, الراحه بالآخرة.
اذا على سالفة الطريقة تاخذين شقة حتى اذا غاليه عادي انتي واحد من اهلج يسكن معاج ترى زادو المعاشات يعني مو معقول ماتقدرين تدفعين اجار شقة..
التريث زين.. والا ترى تبي تندمين وتتحسفين بعدين...

وارجع واقوول صلي استخاره

الله يوفقج يارب

 

[atoooty]

وليش تسافرين من الخفجي وتجين الكويت ؟؟

أنت معلمه ليش مايوضفونج بالسعوديه ؟

 

[برنسيسة2007]

توضفي بأم الهيمان طلبي نقل ان حطوج فيها خير وبركه وان ماحطوج استقيلي حرام استفيدي من رواتب شهر٦و٧و٨ وعلغياب اصقعيهم طبيات
وبقولج شي ترا الادارات تختلف والله انا مدرستي القديمه الناظره كانت مدلعه السعوديات يطلعون س١٢
وكانت ماتعطيهم اشراف ومناوبات نهاية الدوام

شنو تخصصج؟

 

[ماخليتوا اسم]

شكرا لكل اللي رد..انا استخرت 4 اربع مرات..ومااقدر اسكن بالكويت اهلي مايرضون..تخصصي عربي صراحه من اسباب الاستقاله تخصصي لاني مااحبه..

سؤالي:اذا بستقيل اول شهر سته نهايه خمسه..تروح علي رواتب الصيف؟

 

[أم الصبيان الثلاثة]

هلا اختي الاستقالة تكتبينها بتاريخ 1/9/2012م لكن اتقدمينها الحين وبالنسبة لمعاشات العطلة لا ماتروح عليج لانج بتكملين السنة هذي مايصير قبل
بعدين اختي انه سمعت من مدرسة عندنه بحولي بتحول لي منطقة الزور فيها جنه مدرسة وجريبة من الخفجي هي هم سعودية
ارجع حق الاستقالة
1) تاخذينها من السكرتارية وتوقعينها من المديرة وتالي تاخذينها وتودينها المنطقة اللي تابعت لج .
2)توقعينها من قسم الاجازات مع البطاقة المدنية مالتج اقصد صورة .
3)توقعينها من مراقبتج + مدير الشؤون التعليمية وعقب همه يطرشونها لج الوزارة ولا انتي تاخذينها بايدج تخلصين شغلج
بس فعليا تحسب الاستقالة من شهر تسعه لانه لازم تخلصين العام الدراسي كامل

وسلامتج حبيت افيدج وانشالله توفقت بالشرح

 

[طالبة1990]

صج ليش ماتقدمين طلب نقل للزور او ام الهيمان

عاد ام الهيمان نقص شدييييييد

يعني مايقولون لج لا اذا قدمتي نقل عندهم

واغلب اللي المعلمات بمدارس ام الهيمان سعوديات

وساكنين بالخفجي

يعني حتى المواصلات بتحصلين قروبات مشتركة بباص او سيارة

لاتستعجلين ابداا

جربي كل الطرق المتاحة وتالي فكري بالاستقالة

 

[ماخليتوا اسم]

حبيبتي رهف..اذا شفتي ردي ارسلي لي..انا ودي ارد عليك بس مشاركاتي ماتكفي

 

[Q 8 Y A t]

انقلي قريب من السعودية
ام الهيمان احسن لج

والراتب حلو

واعرف في ناس بالخفجي ويداومون بالكويت

 

[اشلون يعني &]

كلنا مو عاجبنا الوضع
بالتدريس بس هذي الدنيا يبيلها صبر
وخلي وظيفتج هوايتج
وهوايتج هي وظيفتج.

 

[رهوف18]

انا بقدم استقالتي ياما يوم الاحد القادم
او بداية السنة ماادري بالضبط احترت

 

[جيتك تعال]

اذا ما تبين يقصون رواتب الصيف ... لازم تداومين لغاية 31\12

هذا قانون الخدمة المدنية جذيه