الاستقالة و معاش الوالد الله يرحمه

[emankuwaiti]

السلام عليكم

مفكرة أقدم استقالتي و مترددة و كنت بعرف شغلة ضرووري

كان ينزلي راتب من معاش أبوي الله يرحمه قبل ما أتوظف و الحين اذا قدمت استقالتي هل راح ينزلي مرة ثانية ؟؟

و اذا ايه شلون الطريقة و الاوراق المطلوبة؟؟؟

و شكرا

 

[الشماليه31]

السلام عليكم
اولا اختي اذا قدمتي استقالتج تروحين تراجعين التامينات الاجتماعيه وهم راح يطلبون منج اوراق معينه من كذا وزارة وبعدها عادي ينزل الراتب لحد ماتزوجين ((طبعا انتي لازم تكونين مومتزوجه اولاسمح الله مطلقه ))غير هالحالتين مايعطونج.تقبلي مروري

 

[emankuwaiti]

جم راح يكون المبلغ ؟

 

[بنت النوخذا]

تبين نصحيه



كم سنه لج مشتغله
لانه هالشئ بيفيدج في موضوع الاستقاله ؟؟

 

[شكو بإسمي]

وعليكم السلام

في نهاية اجراءاتج للاستقاله وزارتج نفسها راح يعطونج ورقه حق التأمنيات عشان ينشال اسمج من الوزارة ويبين للتأمينات انج مستقيله وغير موظفه .. هني التأمينات وقتها يسألونج إذا كنتي مو متزوجه عشان يردون لج معاش الوالد الله يرحمه بالنسبة كم راح ينزلج هذا حسب معاش الوالد بس راح يكون بالتساوي إذا كانوا عندج اخوان مو موظفين يعني يدرسون للحين

وبالتوفيق خيتو:eh_s(7):

 

[فوفه 82]

اختي لازم تجيبين ورقة خلو زوجيه (عشان تثبت انج مو متزوجه او مطلقه او ارمله) من مجمع المحاكم اللي بالرقعي الدور الثاني صالة 3 او المحكمه اللي بمنطقتكم وتكون موجهه للتامينات وتودينها للتامينات وبعد اسبوعين او ثلاثه ينزلج الراتب (نفس البلغ السابق) واذا كانو قاطعينه من شهرين ينزلج مضاعف .....وسلااااااااااااااامتج

 

[بنت النوخذا]

يا رب وصلتج رسالتي

و تكونين بعد ما قدمتي استقالتج

قبل لا تتحسفين اختي الغاليه

لانه الان ما في وظائف

و يتوقف تعييينج الا بعد سنتين من تقديم الاستقاله

و لازم تاخذين دور بالديوان


انصححححج تغير و الانتقال الي مكان عمل اخر


بالتوفيق يا الغاليه

لالالا تتسعجلين

استخبيري رب العالمين



​

 

[تمنيتك]

ينزلج نفس المعاش الي كنتي تاخذينه قبل

انا كنت مفكره اسوي نفسج بس هونت ​

 

[emankuwaiti]

مشكوررين بنات على الردود نورتوني الله ينوركم بالايمان و بطاعته ان شاء الله