الاستئذان

[computer_teacher]

السلام عليكم. ابلات والي يعافيكم بسالكم بالنسبه للاستئذانات هل من حق المديره انها تسال عن سبب الاستئذان وانها تطلب اثبات يعني ناظرتنا تقول لازم اشوف كرت الطبيب محسره فينا لنا 3 استئذانات ماناخذ منهم الا 1 وساعات ماناخذ عشان مالنا خلق نجابل ويها ونطلب منها .......واذا بشتكي عليها علي هالسالفه عند منو اروح جاوبوني الله يعافيكم لاني ماعرف شي بالاجراءات

 

[مطيريه ماركه]

رد : الاستئذان


على حسب نآظرتج !

عمري مآوريتهآ ورقة كذآ مرة آطلع من آلدوآم آودي آختي مشآوير يعني مو موعد طبيب

بس مو من حقهآ آلآستئذآن كيفج ومن حقج آلى آي وجهه شرط مآتعدى 3 سآعآت

هذآ آللي آعرفـه

 

[نـــووونـــا]

رد : الاستئذان

اهم شي تكونين خلصتي حصصج وشغلج بالمدرسه وبعدها محد له حق يمنعج عن الاسنئذان

 

[الفنانة لؤلؤة]

شوفي حبيبتي
الإستئذان من حقج ومو شرط تعطينهم إثبات ( كرت طبيب ولا عماة عين)
حسب القانون إنتي لج 4 إستئذانات بالشهر بمعدل 3 ساعات لكل إستئذان >>> يعني 12 ساعة بالشهر
عاد إنتي بتراجعين الطبيب ولا بتروحين السوق ولا بتنامين كييييييييييييييييفج
لا تصيرون مغفلين وتخلونهم يتحكمون فيكم،، دايما عرفي حقوقج ولا تتهاونين فيها مثل ما أهم ما يتهاونون بشغلهم ويحاسبونج على كل صغيرة وكبيرة
وإذا حابة تتأكدين أو تشتكين عندج المراقب بالمنطقة ( مراقب المرحلة إللي إنتي عليها ) وبالنسبة لقانون الإستئذان تقدرين تاخذينه حرفيا من كتيب موجود بجمعية المعلمين فيه كل إللي لج وإللي عليج
أتمنى أكون فدتج :wqedqw:

 

[معلمة_منكوبة]

رد : الاستئذان

راجعي المراقبه اللي بمنطقتج .... مالها حق هالناظره الله يفكنا من هالاشكال المعقده ..

يازين ناظرتنا فرق السما عن الأرض ..

 

[ملامح بريئة]

رد : الاستئذان

نفس ما قالوا البنات و اشتكي عليها مع انها راح تحقد عليك و تنقلك بس فرقاها عيد اللي جذي الله يعينك

 

[doweha]

رد : الاستئذان

انا مع اختى الفنانه لولوة لان الاستاذان مو من حق الناظرة من حقج ولج 3 استاذانات وواحد اكون بموافقه الناظرة وصح في كتيب بجمعية المعلمين اوضح لج هالشئ

 

[الفنانة لؤلؤة]

بنات الإستئذان 4 بالشهر مو 3 إنتبهوا

والإستذان مدته 3 ساعات >>> يعني 12 ساعة بالشهر

هالكلام آنا متأكدة وكنت أطبقه ومحد يقدر يقولي شي،، وإذا كلموني وحاججوني أجعمهم ومحد يقدر يسويلي شي

عموما تبون تتنازلون عن إستئذان واحد بالشهر وتخلونهم 3 كيفكم بس عطوني الإستئذان إللي ما تبونه

 

[ساندريلا]

من حقج 4 استئذانات بالشهر وكل استئذان مدته 3 ساعات
الله يكافينا من شر هالنفوس المعقده
حتى حقوقنا مستخسرينها فينا

 

[اريج الجوري]

رد : الاستئذان

ويي قطيعه من هالناظره واشكالها ,,,

من حقج مثل ماقالوا البنات 4 استئذانات وكل استأذان مدته 3 ساعات بالشهر ,,,

وحتى لو تروحين بيتكم تنامين اهيا شكو ؟؟؟

والاستئذان عند الوكيله مو الناظره ,,,

وحتى الوزيره ماتقدر تمنعج من الاستئذان لأنه من ديوان الخدمه مو من وزارة التعاسه ,,,

والا جان احرمونا منه ,,,

قطيعه تقطعهم

 

[computer_teacher]

السلام عليكم
مشكوريين بنات على ردودكم والله يكفينا شر هالإدارات المعقدة وخل اقولكم الي صار معاي عشان تشوفون نمط ناظرتنا الغريب والعجيب
اول شي توي اعرف وانصدمت ان الإستئذان في المره الوحده 3 ساعات اهي قايله لنا ساعتين ولما تييها الابله الساعه 11 تقولها لا تطلعون 11 ونصف لان مدة الإستئذان بس ساعتين !!!!!!!!!!!! والحين هابه بشي يديد تقول انتوا كله شغلكم يبدي في نهاية الدوام ليش ماتخلصون شغلكم وتردون الدوام فمنعت اٍتئذان في نهاية الدوام الي تبي تستاذن تطلع تسوي شغلها بس لازم ترجع!!!!!!!!! وهالشي للاسف مسبب نسبة غياب كبيرة من المدرسات واحتياطات لانها مومسهله لهم الموضوع

فالله كريم حدي حاقدة عليها وتخانقت معاها

 

[ام صاالح]

رد : الاستئذان

الله يعينج حبوبة
شنسوي دام الي فوقنا حريم ؟؟؟

ياحلوها اذا كان رئيسج رجل والله يراعيج ويتفهم وضعج

 

[computer_teacher]

معاج حق ام صالح قام اهم يحطون القوانين على كيفهم

 

[بحر الذكريات]

نفس مشكلتي ما اقول الا حسبي الله ونعم الوكيل

تخيلي شهر 12 ما استأذنت الا مره وحده واخروا استأذاني وطااف موعدي ووفرت الاستئذانات الباقيه عشان اقدر استأذن بعيد ومارضوا يخلوني اطلع مع ان اكون امخلصه حصصي وهالسنه ما استأذنت الا مرتين واضطريت اغيب عشان اخلص مواعيدي

شكلي بتهاوش معاهم واقول لهم عطوني استئذان والا بشتكي عند المنطقه

 

[Om Ali 86]

اي الناظره او الوكيله من حقها تعرف سبب الاستئذان
يعني بالدفتر ما يصير تكتبين ظرف خاص او خاص
لازم تكتبين السبب

 

[خلوفه]

الاستئذان ساعتين فقط

 

[اريج الجوري]

رد : الاستئذان

الاستئذان 3 ساعات لحد يقص عليكم

ولا منو قال من حق الناظره تدري ؟؟؟؟

ممكن انا اكتب اذا ابي واذا ما ابي احد يدري وين بروح اقدر اكتب ظرف شخصي او عائلي ,,,

يبه كيييييييييييفي انا مو قاعده بسجن يه ؟؟؟

واذا ناظراتكم مايرضون روحوا اشتكوا لا تشيخونهم اكثر ما اهم شايخين ؟؟؟

 

[عاالية]

رد : الاستئذان

احيانا الشر يعم والخير يخص
يعني بعض المعلمات الي يغلطون ويتمادون بغلطهم يعمون الادارة عالكل

 

[حورية الشماااال]

اي الناظره او الوكيله من حقها تعرف سبب الاستئذان
يعني بالدفتر ما يصير تكتبين ظرف خاص او خاص
لازم تكتبين السبب

مو شرط بس حنا حريم يبطون الجبد

 

[AL Far7an]

رد : الاستئذان

من حق الناظرة تعرف سبب الاستئذان و اثباته أنا شفت قرار ديوان الخدمة و اهيا اللي تسمحلج تطلعين أو لا حسب مصلحة العمل