الاستئذان للمعلمة ( من له الحق )؟؟؟

[قوت الأرواح]

مساء الخير شلونكم معلماتنا الفاضلات

عندي استفسار وحبيت إنكم تساعدوني

المعلمة إذا بغت تستأذن سواء نصف الدوام أو نهايته...
هل ل (الناظرة أو الوكيلة أو رئيسة القسم)

شأن في معرفة سبب الاستئذان؟؟؟
( أنا أتكلم قانونيا لهم الحق)؟؟؟

 

[randomy]

المعلمة لها حق بالاستئذان عدد معين في الشهر

ومحد لهاحق يعرف سبب الاستئذان لان من حقها تاخذه

بس شنقول غير الله يعينه على هالحريم النحس تبيج توقفين لها وتبررين طلعتج جنج بتروحين تلعبين !!

 

[ديما الكويت]

الموظف له حق الإستئذان أربع مرات في الشهر وليس لإ حد حق في السؤال بس شتقولين في أستغلال المنصب غير حسبنا الله ونعم الوكيل على كل ظالم او ظالمة .

 

[ام حنااين]

الاذن ثلاث مرات بالشهر ساعتين كل مرة والرابعة بموافقة الادارة

مو من حقها تسال لو بتردين تنامين ولا تروحين السوق كيفج

لكن الادارة يحبون يحسسونج انهم تكرموا عليج بالاذن

 

[KOKO_284I]

انشالله المدرسات يفيدونج بهالشغله

 

[رضاهم جنه]

والله احنا مساكين ماندري شنو حقوقنا وشنو الي علينا بالضبط

 

[قـہۈه فـرنسيـہ™]

على فكره الإستئذان 12 ساعه بالشهر بوآقع 3 ساعات كل مره ...

واحناااا حاسبينها لنا ساعتين ...وبالحسره ...>>>أحسسسن علآآج أنا استئذاني الأغلب صباحي وما أجي الا الساعه 10 ونص ...وفيهم خير يبطلون حلجهم

 

[هنادي المزيونة]

تعجبيني قهوه فرنسيه

بس اشلووووووووون

أبي أتعلم منج .

 

[أثير88]

مذلة على الاستئذان،،،
بس من حق المعلمة ،،،،ثلاث مرات بالشهــر
والرابــع للضرورة،،

 

[معلمه متميزه]

مو منحقهم يعرفون ليش مستأذنه انا الي عندي ملاقيييييييييف درجة اولى لاااااااازم يسألون بس اذا قالولي شعندج قتلهم عندي شغل خاص وبسسسس

 

[** رش رش **]

عاد احنا ادارتنا لازم تعطينهم تقرير مفصل عن استادانج
حتى لو قلتيلهم الطبيب ... ليش ؟؟؟ و اشفيج ؟؟ و اي طبيب ؟
حسبي الله عليهم

 

[PuPa^^SWeeT]

حتى لو بتردين البيت و ماعندج شي


اذا خلصتي شغلج و تحضرج و حصصج و كل شي

مالها حق اتقولج لأ

بس اهمه يسالون جذي بكيفهم

 

[Miss Cherry]

اهو اللي نعرفه شغل الوكيله الاستئذان

بس بمدرستي الاستئذان من الناظرة .. وكيلتنا منظر بس

وانا صريحة اذا سألتني وين كنتي اقول نايمه ههههههههههههههههههه بعد ماعندي حصص وخاصة الايام مثل هالوقت ماكو طلبة بس قاعدين جذي

احنا يسألون وين بتروحين بس انا اذا ماودي أقولها أقول عندي شغل

 

[جيتك تعال]

من حقك الاستئذان بواقع 12 ساعة شهريا

لو وزعت على 4 مرات تصير كل استئذان 3 ساعات

مالهم حق يعرفون وين بتروحين اذا كان السبب خاص

اما اذا كان استئذان طبي فيفضل انك تقولين لهم وتسجلينه طبي لان الاستئذان الطبي له ترتيب خاص

لانه مفتوح وماله ساعات محددة ... وبعض المعلمات ما تعرف هالشي وبعض الادارات تحرص على ان لا توضح هالشي

لكن هذا مذكور في بنود الشئوون الوظيفية وتقدرين تتاكدين من كتيب " دليل المعلم القانوني "

 

[LA TROO7]

عادي اذا سألوج قولي ظرف خاص !

 

[الحــور]

احنا مدرستنا عادي نستاذن
بس لازم يكتبون سبب الاستئذان ووين وجهه الاستذان لوووووووووول

 

[PuPa^^SWeeT]

أنج تكتبين اوكي


بس لما توقفين اتقولين و اتبررين وين برووح


يعني مرة انا قلتلهم اول ماوصلت المدرسة الصبح

بناتي مرضى وحدة فيها نزلة معوية


والثانية حرارتها 40

اتقولي تخيلي 40 مو وايد عادي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


والله حسيتها صج مثل الطراق بويهي

والله ماستحيت تدرين ( قلتلها شوفي اذا بتسوييلي جذي انا الحييين بارد البيت اخذ طبية و اخليييج اتدبسيين باحتياطي )

حلوة والله

يعني خافو على بنات العالم لا يتاخرون بدرس ماخافو على بناتي

صج شي والله

 

[معلمة_منكوبة]

مالهم حق بس الحريم ولقافتهم واللا يازين الرياييل .... قاعدين تحت رحمة

الادارات

 

[ترف بابا]

القهر مو الاستئذان القهر لما الاخت تسالج ليش شعندج بتطلعين - وانتي شكو؟؟؟!!

 

[أم أنور]

استغفر الله بكل شي ذالينا انا اسويلهم قصه واجذب عشان يطلعوني
حسبي الله ونعم الوكيل فيهم جنه الوكيلات ماكانوا مدرسات حالهم حالنا استغفر الله