الاسبوع 12 ايي شهر

[كويتية 2]

السلاام عليكم بنات بغيت اسال الاسبوع 12 اي شهر واقدر اشوف جنس الجنين بعدها باسبوعييين

مشكووورين

 

[*peace*]

الثالث

نطري الرابع وسوي سونار عشان تضمنين يبين شنو جنسه

 

[كويتية 2]

مشكووره حبيبتي يعني بالثالث والاسبوع الجاي ادش الرابع

 

[طيــــــــــــف]

الشهر الاول الاسبوع 5-6-7-8
الشهر الثاني الاسبوع 9-10-11-12
الشهر الثالث الاسبوع 13-14-15-16
الشهر الرابع الاسبوع 17-18-19-20
الشهر الخامس الاسبوع 21-22-23-24
الشهر السادس الاسبوع 25-26-27-28
الشهر السابع الاسبوع 29-30-31-32
الشهر الثامن الاسبوع 33-34-35-36
الشهر التاسع الاسبوع 37-38-39-40
والله يرزقك الي تتمنين وانصحك ببداية الرابع تسوين سونار علشان جنسه يكون واضح

 

[كويتية 2]

اختي طيف ماقصرتي يعني انا باخر الثاني ؟

 

[Loloki]

اناعيل باي شهر. اول دوره ٨/١٨. واخر يوم. ٨/٢١.

يعني جم واي اسبوع

 

[فـراوله]

لا انتي بالشهر الثالث وتقريبا اسبوع و تدشين الرابع

والدكتوره اميره بهبهاني تعرف جنس الجنين من الاسبوع
العاشر

 

[طيــــــــــــف]

اختي طيف ماقصرتي يعني انا باخر الثاني ؟

ايه حبيتي والحساب هذا اكثر الاطباء يتعاملون فيه
لان الاسبوع الاول هو اول يوم بالدوره
والثاني والثالث والرابع فترة الاخصاب
والخامس الي هو اول اسبوع بالشهر الاول وهو موعد الدوره الجديده الي تاخرت وعرفتي انك حامل فهمتي علي

 

[فـراوله]

لولوكي مادري اذا جذي نكج او لا

انتي بالشهر الرابع الحين

 

[Eng.Kokoro]

نهايه الثالث

 

[Eng.Kokoro]

لولوكي انتي بالرابع يمكن بال ١٧ اسبوع

 

[Loloki]

انا الحين برابع يعني متا ادش الخامس ؟

اكون اول رابع ولا شنووو

 

["Om 3AzOoZ"]

حبيبتي انتي بآخر الثالث والله في دكاتره يعرفون جنس البيبي من نهاية الثالث خصوصا الولد يبين بسرعه بس الافضل تنطرين لي الشهر الرابع .

 

[][غـ com ــلا][]

يعني انتي
بالاسبوع الثالث من الشهر الثالث
لحمالج

 

["GloRia"]

انتي بنص الشهر الثالث

باقيلج اسبوعين وتدخلين الرابع

والشهر الرابع 15 اسبوع ..

 

[Eng.Kokoro]

. كيفية حساب اشهر الحمل

السلام عليكم حوامل...

هناك موضوع مهم ومثير للجدل والنقاش لأنه يحمل رأيين...في النهاية الرأيان سديدان ويصبان في مجرى واحد ولكن كما يقال يعتمد على اقتناع الشخص ذاته وعلى حسب ماهو متداول في العادات والتقاليد الاجنماعية ....الموضوع هم كيفية حساب أشهر الحمل...أي كيفية تحويل الأسابيع إلى أشهر....كما هو المعروف ان عدة أشهر الحمل تكون تسعة اشهر أي انه يمكن للمرأة الحامل أن تلد في بداية الشهر التاسع أو منتصفه او نهايته ...يعني من 36 اسبوع إلى 40 اسبوع...

الطريقة الأولى هي حساب كل نهاية أربع اسابيع أنه بداية شهر حمل واحد...مثلا :

4 أسابيع يعتبر بداية الشهر الأول

8 أسابيع بداية الشهر الثاني

12 اسبوع بداية الشهر الثالث

16 اسبوع بداية الشهر الرابع

20 اسبوع بداية الشهر الخامس

24 أسبوع بداية الشهر السادس

28 اسبوع بداية الشهر السابع

32 بداية الشهر الثامن

36 بداية الشهر التاسع....
بمعنى آخر انك لو كنتي مثلا 14 اسبوع تقولين انك منتصف الثالث يعني في الشهر الثالث...طبعا هذي الطريقة يمشي عليها بعض من الناس لكن بالنسبة لي ماأحبذها....أفضل الطريقة الثانية لأن أحس ان هذي الطريقة تأخر في الحمل...

الطريقة الثانية هي كالتالي ...انها مجرد ماتتأخر الدورة بكم يوم طبعا بعد الأربعة أسابيع يعني مثلا اسبوع وتكتشفين انك حامل ويسألونك انتي بأي شهر تقولين أنا في بداية الثاني...طبعا هذي الطريقة عكس الطريقة الأولى ...وهذي هي الطريقة الثانية:


الشهر الثاني..4اسابيع و4 ايام ندخل الشهر الثاني..

الشهر الثالث..9 اسابيع كاملة تدخلين الشهر الثالث..

الشهر الرابع..13 اسبوع و3 ايام تدخلين الشهر الرابع..

الشهر الخامس..17 اسبوع و6 ايام تدخلين الشهر الخامس..

الشهر السادس..22 اسبوع و2 يوم تدخلين الشهر السادس..

الشهر السابع..26 اسبوع و5ايام تدخلين الشهر السابع..

الشهر الثامن..31 اسبوع و1 يوم تدخلين الشهر الثامن..

الشهر التاسع..35 اسبوع 4 ايام تدخلين الشهر التاسع

أنا عن نفسي أمشي على الطريقة الثانية لأني احسها أضبط بالخصوص اني يوم عرفت اني حامل كنت سبعة أسابيع وعلى حسب تحليل الهرمون عندي من المختبر كاتبني يعني يساوي الشهر الثاني....بس اذا حسبتي بالطريقة الأولى يعتبر نهاية الأول

ويش رايكم انتوا الحين؟؟؟؟ ادري ان في بنات يمشون على الطريقتين ..عشان هالسبب حبيت استطلع آراءكم واشوف أي طريقة انتوا مقتنعين فيها أكثر....مثل ماقلت في مقدمتي ان بالأخير يطلع الشهر التاسع نفس الشي بس الاختلاف يكون في البداية.....


حسيت ان هالموضوع قابل للمناقشة بالخصوص اذا اختلفت الآراء وأنا من كم يوم تهاوشت مع وحدة من صديقاتي خخخخخخخخخخخخخخخ على أساس إها مقتنعة بالطريقة الأولى وأنا مقتنعة بالثانية...أحس الطريقة الأولى بطيئة في حساب الأشهر.....

هذا موضوع استفدت منه وانا اعتمد عالطريقه الثانيه

 

[tbola]

انتي بنص او نهايه الثالت وتقريبا بالسبوع 15 يبين

 

[كويتية 2]

مشكووورين حبااايبي ماقصرتواا احبكم