الاسبوع الياي ولدي يروح الروضه ... ابي تجاربكم فيني بجوه ...

[د.شريفة]

السلام عليكم
مبارك عليكم الشهر جميــــعا


بنات وليدي حبيبي بجري
السنة يروح اولى روضه كتكوووتي

بنات بس مادري احساسي ماني عارفه احساس الام في هذي اللحظه
مادري شلون اهيئه
اهو سجلته السنة اللي طافت حضانه بجى بجي مارضى يداوم

بس الحين الروضه لازم يروح ويتعلم احسن له


انا قلت بخلي يروح يداوم لي القرقيعان بعدين بخليه بالبيت ويداوم رسمي بعد العيد ان شاءالله

ابي تجاربكم قولولي .....

شلوون اول يوم ... فيني بجوه



بانتظاركم الله يخليكم لاتخلوني



اختكم شريفة

 

[^kloOot^]

انا بعد بجري بدش الروضه

بس انا عادي الوضع لانه كنت مسجلته بالحضانه من عمره سنتين ليييييييييييه 3 وسنين وشوى

فمتعوده

 

[د.شريفة]

الله يخلي لج وليدج يارب
ويهدي وليدي ان شاءالله ويتأقلم مع الوضع ويندمج قولوا امين
اللهم امين

 

[فطووومة]

عادي حبيبتي الله يوفقه

روحي معاه اول يوم وشوفيه وهو رايح صفه وادعي له

وقعدي معاه ساعة او نص ساعة وطلعي خليه يتعود على المكان ويكون صداقات


موفقة

 

[@ الرسامة @]

شوفي روحي معاه اول يوم واخذي معاج العاب حق ربعه اللي بالصف وخليه يوزع عليهم
وقعدي معاه وتعرفي على مدرساته وبعد مدة سحبي نفسج من المكان بس لاتطولين عليه علشان يحس بالامان


وشجعيه ولعبي معاه وقبل لايروح المدرسة وديه الفرع اللي يم الروضة واشريله كاكاو وعصير وكيك وحطيه بجنطته

 

[د.شريفة]

واي حسيت صج قربت السالفه
حبيبي ان شاءالله بقعد معاه شويه لما يتأقلم على الوضع بس اخاف اتسحب يحس فيني تالي ويسوي مناحه ومايثق
بس انا من الحين مفهمته اني اوديه الروضه بعدين انا اروح دوامي وبس اخلص شغلي ايي اخذه

 

[nice-girl]

امبييه شوقتيني
احس يوها ببجي مع انه كان داش حضانه من اول بس احس الحين رسمي اكثر لوول
بس انا اللي خايفه منه انه كان يحن يبي سكوول الحين يوم صارت الصجيه يقولي حل اخوي يرووح اول بعدبن انا لووول انا بشوف بباي
وسؤال بنات الحين متى الدوام الرسمي؟؟

 

[Dancing^Queen]

ويييييييييييييييييييه يا دكتوره شروفه
واي الله يعينج
ليلتها نا مانمت
ويوم نمت اتفزز وبجي
والصبح بنتي عفرت عفرتن سنعه وتعلقت برقبتي بجييييييييييييييييييييي وابوها طقها الا نتفه
سحبها سحااااااااااااااب واهي تصرخ يماااااااااااااا لاتخلينيييييييييييييي
وراح اهو وداها المدرسه

والمدرسه مقدرين يايبلهم العاب ونطاطيه ونقازيه وراعي برد وخرابيط
وللاسف يايبين شخصيات وبناتي عندهم الرعب الاعظم اهم الشخصيات انهيار عصبي
يقول ابوهم بجو شوي بعدين لهو مع اليهال
طاف عادي
وتجاهل مكان الشخصيات


بس الصبح انا لي ويدتهم بجييييي ونواح
ابوهم يمشون وياه سيدا
وبس الدلع علي انا
قمت درئا للشلالات ابوهم يوديهم اول اسبوعين ثلاثه
وانا ايبهم واقعد مع الابله واسولف

 

[د.شريفة]

واي كوينه شكلي راح يصير فيني مثلج
واحس الوقت قرب اعد الايام والليالي


الله يهديه ويصلحه يارب زهبت شغله وملابسه وحتى قرقيعانه بس علشان يستانس ويستعد والله يسهل حتى اجازه خذيت علشانه

 

[.. مـــلاكـ ..]

يا قلبي عليه
لا تحاتين
صج ماعندي عيال
بس حاسة فيج لول
ادعي ان الله يهديه وما يبجي
وصدقيني راح يتعود
الله يخليه

 

[جوكليت بار]

داومي معاه اول يومين ساعه ساعتين ورديه معاج

وبعدين اذا شفتيه اندمج انسحبي بس لايشوفج لأن اذا شافج وجلب فيج مستحيل تهدينه مايخليج
قلبج مثلي

انسحبي وروحي وردي له بعد ساعه

والأيام الباجي نفس الشي

هذي طريقتي والحمدلله انجحت

 

[قبلة مطير]

اليوم الاول يكون يوم مميز لانه بدايه دراسه والتزام وجو الروضه او الكى جى مميز
فبالنسبالى كان جدا روعه اول يوم اداوم معاه وتصوير فيديو لانه اول يوم دراسى
واشجعه واصور الكلاس ماله واصدقائه خطوه بخطوه
والله يا بنات سويت لعيالى كلهم جذيه فديتهم
والحين اشغل اشرطه اول يوم دراسى بس يضحكون
الله يهنيكم

 

[ام كتكوت]

انا من الحين احاتي شلون بيكون اول يووووم حدي متشوقه اشوفه بروح الروضه

حبيب قلبي كل يوم يقول بيروح ومايندرى عن الصجيه

تصدقون جنه انا اللي بروح من الحين افكررررررر

الله يخلي لي وليدي ويخلي لكم عيالكم

 

[F.A]

والله اعد الايام اللي ولدى الصغير يروح الله وياهم
انا جربت هالشعور مع اخوانه اللى قبلة لاتحاتين بس شجعية انتى وابوه وحببوه بالروضه من غير تخريع
وجربى الهدوء بالبيت شوى

 

[د.شريفة]

مشكورين بنات ما قصرتوا بس خلاص ان شاءالله اول يوم بقعد معاه وثاني يوم وبعدين ثالث يوم بخليه شويه وارجع له
والله يتمم عليه بالخير
والله كل يوم اقوله قصص عن الروضه والوناسه اللي فيها يحن كل يوم متى بروح الروضه يالله باجر توديني بس الله يهديه يارب ويصلحه ويتمم عليه بالخير اللهم امين


ميخالف تقبلوا كلامي اخاف ناس تقول اشدعوا كلها روضه مو جامعه بس ميخالف تحملوووني

 

[كـلا كـلا]

هههههههههههه مادري ليش انا مو حاسة بهالشعور؟

ولدي كبر ولدج بس سمالله عليه كان يداوم بحضانة وبالصيف دخلته نادي

بس عادي مو وايد خايفة

اي احس التزام اكثر ولازم يروح مبجر وجذي

بس مو يايني شعوركم خخخخخخخخخخخ

ويمكن ليش انه دوامه تو الناس عليه ؟

الله يسهل ان شالله

 

[اطياب طيبه.أم عبدالله]

اييييييه انا احساسي مثلج بالظبط
كأنج تتكلمين عني
انا اول يوم بودي بنتي بس بحاول كثر ما اقدر اني اقعد وياها بالصف
وبعدين بنحاش منها

بس ابي اتاكد اي يوم بالظبط الدوام ؟؟

 

[د.شريفة]

الدوام ان شاءالله الاسبوع الياي


ولدي وايد متعلق فيني
رحت وديته اليوم معاي ايكيا قلت له تدخل الالعاب تقعد تلعب وانا بقعد اشوفك بعدين بروح اقعد بالكراسي لما تخلص مامداني صعدت فوق الا داقين علينا قالوا تعالوا اخذوا البيبي الا اهو باجي بجي

اهني عطاني مؤشر سيء
على ان بالروضه بيسوي نفس الشي
الله يعيين

 

[وروود]

اتصدقون بنات انا ولدي اقوله اوديك للروضه فيها العاب ووناسه واقص له قصص عن الروضه

بس بخليه يداوم شويه جم يوم
واتفضى له بعد العيد

مو مستوعب شسالفه

شكله بيسوي مظاهره اول يوم :dddds:

 

[د.شريفة]

انا نفسج بخليه يداوم جم يوم الحين والدوام الصجي بعد العيد ان شاءالله