الاردن بسرعه بنات

[~شيخة~]

السلام عليكم

بناات الفزعه منو رايح الاردن من قبل ؟

قولولي اي مكان عجبكم مناك

بروح ع الاهل توصون على اي فندق ؟؟

شلون الجو عندهم الحين

 

[Gears]

رد : الاردن بسرعه بنات

وعليكم السلام

احنا رحنا الاردن بعيد الفطر الي طاف ..


الجو كان بارد أكيد الحين أبرد

الاردن وايد فيها اماكن حلوة بس العرب مايقدرونها مادري ليش .. بس تلقين الاجانب مكيفين

اذا تحبين الاماكن الاثرية .. لاتطوفين البترا وجرش .. طريج البترا 4 ساعات :/ وجرش طريجها اعتقد ساعتين نسيت .. بس بالنسبة لي يسوى للي يحب الاماكن الاثرية .. ويوجد مكان معركة مؤتة .. ومسجد جعفر الطيار وزيد ابن حارثة .. راح تستفيدين ..

اما بالنسبة حق المجمعات .. فيه مجمع مكة مول .. انا اشوفه عادي ووايد من محلاته بضاعه أردنية وفيه بضاعه تراثية .. الكويتين الي كانوا معانا حبوه انا حسيته عادي .. وفيه مجمع اسمه سيتي مول اذا مو ناسية.. هذا انا بالنسبة لي افضل .. يمه فيه كارفور كبير .. وفيه زارا وبي سي بي جي ..نكست .. ريفر ايلاند .. اكسسيسوريز ومحلات الشايع اغلبهم يعني جنج بالكويت .. فيه سينما اذا مو غلطانه لأني مادشيت .. وفيه مطاعم ماك ونيثنس وهالسوالف موجودين فوق ... أيضا فيه سويفية .. المكان جداااااا حلووو وعائلي وحلو حق العايلة نظامه سوق بره .. واهما جوهم اينن .. فتقعدون بكافيه بره وجذي ويم الكافيه سوق وجذي .. المحلات مونسون وكاب وزارا و برمود وهالسوالف واذا رحتي بعيد فيه ماركات وكالة رولكس و كارن ميلين و وبوتيكات تبيع ملابس دولتشي و كفالي وهالسوالف اصلية وكشخه .. يسمونه سويفية + شارع الماركات .. فيه مجمع ثاني نسيت أسمه يقولون فيه ماركات مارحت له نسيت .. وفيه سوق اسمه سوق العصفور شعبي جداااااان .. يعني يمكن مايعجب البنات الصغار .. بس حلو حق الحريم الكبار .. من اهناك تشترون الدراعات الاردنية وفيه جواتي نفس النقشه و فيه بالطوات بختصار هذيل اشياء شعبية ...

ولاتنسون البحر الميت .. وبالطريج اخذيلج من منتجات البحر الميت .. بالاخص السن بلوك وايييد حلو وزين وفيه انواع وايد .. واذا مطولين حاولوا تدورون لكم مكان تحجزون حق الفندق الي يم البحر الميت .. حده كول وكشخه ويونس ..

وفيه مكان لاتطوفونه اسمه حمامات ماعين .. ضرووووري تروحونه .. المكان ايينن وبين الجبال .. واهناك مكان للعلاج الطبيعي وهالسوالف .. المكان كله اجانب وفيه حمام سباحة لعامة الشعب .. هذا مليق وحق الفقراء او الطبقة الاقل من المتوسطة اهوا بنفس المكان .. المهم المكان هذا فيه شلالات تقدرون تتسبحون .. الشلال عبارة عن علاج بروحه .. والشلال جزء منه بارد وجزء منه حااااار واييييييد .. وجذي .. وفيه داخل اذا الحريم مايقدرون يتسبحون مثلنا ماتسبحنا .. تقدرون تسوون سبا داخل يقوووولج السبا اهناك عجيييييب .. وراح يقولون لج انتي ماعندج حجز .. عاد اذا ماجحزتوا يدخلونكم عادي قولوا احنا من الكويت وماندري وجذي .. يحبون السياح واخلاقهم حلوة

وغير جذي بحمامات ماعين نفسها اهيا عبارة عن فندق لو تحجزون يوم اهناك انا عندي افضل .. لأن فيه قواري ومثل ماقلتلج شالالات وفندق وجذي راح يعجبكم ..


وحمامات ماعين راح تكون قبل البحر الميت فلو بتروحون الميت لازم تمرون عالحمامات ..

انشالله اكون فدتج حبيبتي

 

[زهرة الأردن]

رد : الاردن بسرعه بنات

السلام عليكم

يعني دخلت افيد بس لقيت الاخت Gears ماشاء الله مو مقصرة الله يبارك فيها وياهلا فيك وفيها في بلدكم الثاني الاردن

بالنسبة للفندق في فنادق كثير كويسة مثل الشيراتون والراديسون ساس والميريديان وغيرها من الفنادق المعروفة

بس اشوف اغلب الخليجين يجون هنا بس مايجلسون بفنادق يستأجرون شقة مفروشة في عمان بحيث انك تاخدي

راحتك فيها بشكل افضل وسعرها بظل اقل من الفندق

الجو عنا بارد هالايام

وبالاضافة للمناطق اللي ذكرتها الاخت الغالية عندك منطقة حلوة كثير اسمها عجلون فيها اشجار واحراش حلوة كثير

وفيها قلعة كبيرة كثير حلوة على راس جبل يقال ان صلاح الدين دار معاركه منها

وبالنسبة للاسواق عندك عمان وسط البلد فيه هناك مكان اثري اسمه المدرج الروماني ومتحف للاردن

وفيه اسواق حواليه تلاقي كل شئ فيها

اما ان كنتي بدك اسعار رخيصة وملابس حلوة في منطقة اسمها الزرقاء هاي كلها اسواق والان موسم التنزيلات

شغال فيها

​