الاجسام المضاده اتمنى تفيدوني بلييزز

[جديده 1]

الاجسام المضاده شنو ؟

و التحليل مالها عباره عن شنو سحب دم او تكرمين بول !؟

و على جم يسوون التحليل و شكثر ياخذ على مايطلع !؟
انا حملت اول حمل و اجهضت يمكن بالشهر الاول وقف نمو الطفل

و اللحين الحمد لله حامل بالشهر الخامس و قاعده اخذ بيبي اسبرين 75 فمادري له علاقه بالاجسام المضاده ولالا .. و الاجهاضات اللي تصير بأي شهر !؟

و عادي تسبب الاجسام المضاده اجهاض بالاشهر المتقدمه ولا بس بالشهور الاولى !؟ و عادي اخذ الابر حاليا لو كان فيني اجسام مضاده 1؟

اتمنى ما اكون ازعجتكم بأسئلتي :eh_s(2):

 

[جديده 1]

رففففففففففع

 

[جاي الضحى]

على سطح الخلايا الحمرا بالدم بروتين نسميه Rh فاكتور.​

أغلب الناس يكون عندهم هالفاكتور فنسميهم Rh+ الموجب يعني موجود.​

بس 15% من الناس ما عندهم هالفاكتر و نسميهم Rh- .​

الناس إلي ماعندهم هلفاكتور طبيعين وماله تأثير إلا على سالفة الحمل.​

الحريم وقت الحمل إذا رييلها عندا يعني اهو Rh + واهي ما عندها يعني اهي Rh - بتحمل في ياهل Rh+.
فشنو يصير جسم الأم يبدي يفرز أجسام مضاده عشان يحارب هالجسم الغريب.​

المحاربه ممكن تأدي إلا فقر دم وممكن توصل مرحلة إجهاض.​

التحليل تحليل دم، الأسبرين ماله علاقه، الاجهاضات عادةً تصير بالشهر الاولى بس فيه خطر ليمن حزة الولاده.​

العلاج إذا صادو الشي قبل لا الام تفرز الاجسام المضاده يعطونها حقن باسرع وقت.​

ايه لازم تاخذين الأبر دام البيبي سليم او دمج ما اختلط في دمه قبل لا يصير شي لا قدر الله. لازم فحص دم عشان يشفون شنو الحاله وشنو العلاج​

سؤالي هل انتي أجهضتي بالحمل الأول بسبب الأجسام المضاده؟ تعرفين سبب الاجهاض؟​

الله يثبت حملج ويقر عينج بشوفة البيبي​

 

[جديده 1]

مشكوره اختي

بصراحه اجهاضي الاول ماعرفت السبب ماله .. ماحللت اجسام مضاده كل اللي اختلف عن الحمل الاول
اني صرت اخذ حبوب حق الغدد لان فيها خلل و صرت اخذ بيبي اسبرين .. و بالحمل الاول اذكر عطوني الابره حقت الطفل القادم .

التحليل سمعت انه غالي !؟ بس لما سألت عنه قبل شوي قالوا كل تحليل على 15 و اهم 3 تحليلات فأستغربت من السعر لان بالنت كاتبين من 200 و طالع لان يدزونهم بره .. بس الظاهر هالحجي قديم .. فبشنو تنصحيني يا اختي ؟

 

[مستقله]

رفع

 

[نـور الكويت]

تحليل دم ويطلع اسبوع او عشر ايام

وعسى الله يتمم عليج وعلينا ويفرحنا بشوفتهم ياقلبي *

 

[نـور الكويت]

سوويه بالحكوومه يسوونه لج

 

[bambena]

انا فيني اجسام مضاده واخذ علاج بيبي اسبرين يوميا طول الحمل بالاضافه الى كرتزون _ ميدرول

وسبق لي الاجهاض بالخامس وبالرابع وبالاول

 

[شهرزاااد]

انا توني مسوية التحليل بالصباح
ياخذ شهر على ما تطلع النتيجة
والخاص بعد اسبوع تطلع النتيجة بس غاااااالي بحدود 200 و فوق
الله يثبت حملج ويقر عينج بشوفة ضناج

 

[جديده 1]

مشكورين بنات .. عالردود و الدعوات .. بإنتظار الباقي
ادعولي ربي يثبتلي الحمل ,,