الاجازة المفتوحة من غير راتب.

[3w!Shni]

السلام عليكم يابنات

انا ابي اخذ اجازة مفتوحة من غير راتب من وزارة التربية.

انا ابلة ^^

ولما رحت و سألت قالولي هذي اسمها اجازة رعاية اسرية.

مطلوب مني اييب ورقة عقد زواح.

انا مو متزوجة. ومحتاجه هالاجازة.

شلون اقدر اخذها لطروف عندي ..

ومابي اقدم استقاله . لان مابي اخسر مكاني بالوزارة.

منو عندها فكرة عن الموضوع؟؟ ياليت تساعدني .

مشكورين :eh_s(22):

 

[Winter Q8]

حبيبتي للأسف ماعندج امكانية تاخين اجازة الا اسبوعين بعد موافقة الناظرة ..
تقدرين تستقيلين و بعدين ترجعين الدوام و تضمين سنوات الخبرة بالتأمينات او تشترين السنوات اللي غبتيها ..

 

[3w!Shni]

مشكووووووورة حبيبتي ^^

 

[طالبة1990]

مثل ماقالوا البنات

مالج الا الاستقالة

او اذا كانت الفترة قصيرة

خليها غيابات وطبيات

او انقطاع عن العمل

بس اذا بتنقطعين عن العمل بلغيهم يقطعون معاشج

عشان ماتتوهقين تالي


واذا تخصصج فيه نقص وانقطعتي عن العمل مايفصلونج

ويردونج للدوام متى مارجعتي

بس جنه عليه عقوبات


وفي طريقة ثانية اذا كانت مديرتج زينة

بس اظن ايام محدودة جنه ١٥ يوم

اللي هي تكون غياب بعذر مقبول


تكون بخصم بس بدون عقوبات

لان الغياب بدون عذر عليه خصم وعقوبة


فانتي شوفي الانسب

بس الاستقالة لها شروط اذا بتردين

اولا معاملة الاستقالة نفسها تااااخذ وقت

ثانيا مو مسموح تسجلين بالديوان الا بعد فترة جننه سنتين مو متأكدة من هالشي فتأكدي

وغير هذا لازم يسوون لج مقابلة وامتحان اذا تقدمتي من جديد



فانتي شوفي شنو اقرب الحلول لج


وارجع اقول لج اذا المدة معلومة او مدة شهر شهرين او حتئ سنة قزريها طبيات مستشفى ومستوصف


عندج ٤٥ يوم مستوصف

يعني تقريبا ٩ اسابيع اذا شلتي الويك اند وخذيتيها كل اسبوع

وجنه ٣ شهور مستشفى

وعندج ١٥ يوم اجازة خاصة

 

[عادت ذكرياتي]

أب


أب

 

[3w!Shni]

مشكورين حبيباتي

 

[3w!Shni]

اختي طالبه

بغيت اسأل الحين الطبيات لي 45 يوم .. اخذهم صك مرة وحده؟ ولا لازم كل اسبوع اروح اجدد ولا شلون؟

والمستشفى شلون؟ شقولهم ووين اروح؟

 

[3w!Shni]

طبعا الاستقاله مافيها اتعاب وهالسوالف بس التقاعد مو؟

 

[برنسيسة2007]

لا حبيبتي عادي تقدرين تاخذين بموافقة الناظره
بس خليها رعاية اسره لامج ابوج يعني احد من اهلج محتاج مثلا امج تعبانه وتبين اتقابلينها عاد آنا مادري شنو ظرفج!
انا رايحه للمراقب رأسا وقالي هذي الاجازه من حق الموظف لانها بدون راتب ولكن لازم موافقة المديرة والمديره مالها حق ترفض الا اذا عندها نقص اما اذا ماعندها نقص غصبن عنها تعطيج اذا كانت سنه كامله اما اذا ست شهور لازم موافقة الناظره ومو غصبن عنها لأ لازم موافقتها وتوقيعها

وعندج اجازه خاصه بس هذي من حق الناظره الرفض او القبول واقصى مده لها اسبوعين فقط
وعندج اجازة التفرغ الدراسي اذا بجامعه خاصه ومعتمده يوافق عليها التعليم العالي غصبن عن الناظره اتوقعها لكن لانها جامعه خاصه بدون راتب جنها ثلاث سنوات او سنتين ونص

 

[برنسيسة2007]

اختي طالبه

بغيت اسأل الحين الطبيات لي 45 يوم .. اخذهم صك مرة وحده؟ ولا لازم كل اسبوع اروح اجدد ولا شلون؟

والمستشفى شلون؟ شقولهم ووين اروح؟

لا حبيبتي لج 15 يوم بدون خصم بعدين15ثانيه خصم نصف الراتب(لليوم) بعدين 15يوم خصمربع الراتب بعدين 15يوم خصم جميع الراتب
ولو اتغيبين مليون يوم طبيات عادي بس الراتب ينزلج صفر دينار
والطبيات ماتاخذينها كاش تروحين الطبيب ويعطيج طبيخ يومين او ثلاثه او يمكن يوم علا حسب الدكتور وكل اسبوع رايحه وبعد كم يوم تودينهم المدرسه مع احد وهكذا
وطبعا اذا غبتي متواصل لو طبيات يكتبون لج مرضي ولكن لازم يدزون للمنطقه انج منقطعه عن العمل واذا طولتي منقطعه تروحين لجنه للمنطقه التعليميه اتقولين لهم ظرفج
فاغلب البنات اللي يغيبون متواصل كل بين فتره اتداوم يوم واحد فقط عشان يندز لها استمرارية عمل وترجع تغيب

عموما انا قلتلج جذي قلت يمكن عندج ظرف طارئ ومحتاجه ولا ترا اذا سويتي جذي وماعندج ظرف قاهر شرعا حرام شذنب الطلبه والابلات اللي ياخذون حصتج والدعاوي من اوليا الامور والابلات اللي يشيلون حصتج

لكن انا حاسه فيج لاني قبل الزواج كنت بظروف ومحد راعاني مع اني كنت اشيل بدال الحمل والولد يعني المتزوجات وانا يا العزباء لما طحت محد شالني

 

[برنسيسة2007]

بس بقولج شي انتي تعيين جديد؟؟
لان ادري ان التعيين الجديد يجيها ضغط وتنسد في وجها الدنيا وتبي تستقيل او اجازه بدون راتب
لا حبيبتي اذا انتي تبين اتسوين جذي من ظغط عليج من الناظره او الاداره فيه مليون حل غير الاستقاله
فيه شي اسمه ندب جيبيلج واسطه ونقلي ندب وبداية السنه ينقلونج رسمي ترا الادرات والمدارس مختلفه فيها الزين مثل مافيها الشين

واسفه طولت عليج بس انا اتعاطف مع تعيين الجديد لان الكل يستغلهم فقلت يمكن انتي تعيين جديد

 

[3w!Shni]

بعد قلبي البرنسيسة ماتقصريييييين..

لا يا قلبي انا مو تعيين يديد و احب وظيفتي الحمدلله ومكاني ما شاء الله ماشي ..

بس عندي ظروف كاسرتني. الحمدلله على كل حال.. و محتاجه اني اخذ اجازة طويلة مادري شكثر وقتها غير معلوم بالنسبة لي. بس بنفس الوقت ابي اضمن مكاني بالوزارة .. لاني ماضمن الظروف سبحان الله يعني..

عادي يصير احد يقدمها حق الناظرة بدالي؟ و عادي اقدمها لاكثر من سنة؟

جزاج الله كل خير حبيبتي .. عسى الله يطمن قلبج مثل ماطمنتي قلبي.

 

[mi corazon]

بنات لو خذيت اجازه خاصه اسبوعين وقبلها مرضيه اسبوع شنو يصير؟

 

[برنسيسة2007]

بعد قلبي البرنسيسة ماتقصريييييين..

لا يا قلبي انا مو تعيين يديد و احب وظيفتي الحمدلله ومكاني ما شاء الله ماشي ..

بس عندي ظروف كاسرتني. الحمدلله على كل حال.. و محتاجه اني اخذ اجازة طويلة مادري شكثر وقتها غير معلوم بالنسبة لي. بس بنفس الوقت ابي اضمن مكاني بالوزارة .. لاني ماضمن الظروف سبحان الله يع

عادي يصير احد يقدمها حق الناظرة بدالي؟ و عادي اقدمها لاكثر من سنة؟

جزاج الله كل خير حبيبتي .. عسى الله يطمن قلبج مثل ماطمنتي قلبي.

ايه حبيبتي اصلا الافضل احد يروح للناظره ويشرح لها وضعج وامج او ابوج من غير شر محتاجين رعايتج وماتقدرين تداومين واذا قالت مايصير لازم عقد نكاح قولي احنا سائلين المراقب وقال عادي اذا الناظره موافقه
وعاد علا حسب الناظره انا اختي انا اللي اخذت لها النموذج وعبيته ووديته بس في ناظرات نحاسه لازم حضورها شخصيا
ويضير تقدمينها اكثر من سنه لكن تجددينها يعني هلمره تكتبين عام بعد عام اتباشرين يوم واتقدمينها مره ثانيه وهكذا
وبالتوفيق وطمنينا عليج

 

[برنسيسة2007]

بنات لو خذيت اجازه خاصه اسبوعين وقبلها مرضيه اسبوع شنو يصير؟

عادي مايصير شي انا سبق وسويت جذي بس طبعا عقب ماوقعتها الناظره تأكدت انها اندزت بالبريد اخذت قبها اربع ايام بس خوفج الناظره تدري وترفض اجازتج لذلك لحد يدري انج قبلها بتاخذين طبيات

 

[3w!Shni]

بعد عمري يا البرنسيسة ماتقصرين

عسى ربي ايسر امورج و ينولج الي في بالج

فديتج

 

[мadeறoselle η]

انا ابي اخذ اجازه سنه كامله ببدون راتب


شنو الاجرائات ؟