الابــــــــــــــــــــر .. والحقن المجهري

[@@@ام حمووودي@@@]

بنات ابي اسوي عملية الحقن المجهري هذا الشهر بس محتاجه مساعدتكم ابي صيدلية رخيصة يبيعون ابر التبويض gonal f انتو تعرفون هالابر غالية وتكلف ناس قالولي السعودية ارخص ......... اذا عندكم فكرة عن هالشغلة ساعدوني //////////// الله يرزق الجميع ولا يحرمنا //// آمييييييييييييييين

 

[هندااا]

صح السعودية صيدلياتهم ارخص بواااايد لان داعمتهم الحكومة....اذا اتعرفين احد هناك وصيه ...او انتي وزوجج روحوا الخفجي اشتروا من الابر.....


اتوقع كل صيدليات الكويت نفس السعر....الله يوفقج وتنجح عمليتج ان شاء الله

 

[Emanova]

حبيبتي الابر ا<ا انتي اتراجعين عند ماجدة صيدليتهم اتبيع بسعر التكلفة.
اللي ارخص من السعودية مصر ادويتهم كلاها مدعومة

 

[كويتيه مذهله 87]

الله يرزقج ياربي هالشهر بالذريه الصالحه يارب

بس ماعندي علم عن هالابر حبيبتي

 

[كندوش]

شوفي السعوديه لان كل الصيدليات نفس الشي راح يطلع عليج وايد سعرهم ومصر ترى نفس سعر الكويت
ولو عندج واسطه تقدرين تصرفينهم من الصباح

 

[bnt_kwt]

صج اذا عندج واسطه طلعيهم من الصباح وابلاش

 

[أمونة الحلوة]

ماعندي فكره
بس اللي اعرفه مصر والاردن ادويتهم رخصيه

ربي يرزقج الذريه الصالحه يارب

 

[مبدعة]

اسعار الصيدليات بالكويت كلها وحده ما في صيدلية ارخص من الثانيه بس نفس ما قالوا البنات تقدرين تاخذينهم من الصباح لو عندج واسطه

 

[$غــ(ز)ــل$]

مثل ماقالوا البنات اذا عندج واسطه اخذيهم من الصباح
وكلش كلش روحي السعوديه

كندوش.بالعكس مصر ارخص من الكوووويت
انا زوجي لما يسافر ياخذ علاجه من هناك
مثلا علاج الربو البخاخ اهني ب4 وشوي
هناك ب1ونص فررررررررررق

وترا على فكره بنات
في بعض الصيدليات بالكويت يكون سعرها اقل من الباجي بس والله موذاكرتهم


والله يسهل امورج حبيبتي

 

[@@@ام حمووودي@@@]

ترا صج اسعار الصيدليات بالكويت تختلف صيدلية الهادي حيييييييل غالية لما تقارنينها بغيرها مثل سعر الابرة عندهم ب11 دينار وصيدلية جمعيتنا ب10 و300 فلس وبعض الصيدليات يقولون اذا بتاخذين كمية نسويلج خصم وبعضهم يقولون مافي خصم ..المهم....بطلع رقم صيدلية بالخفجي وبسال عن الابر واعطيكم خبر ـــــ موفقيييييييين ,,,,,

 

[senyora_q8]

الحكومة + واسطة اتوقع بلالالاش والله يوفقج انشاء الله