الابر المنشطه !!!!

[شقرديه ونص]

السلام عليكم ...
شلونكم بنات .. انا عروس وصارلي 4 شهور متزوجه
رحت بأول عرسي لدكتوره نساء عشان اتطمن على روحي بس .. قالت لي فيج تكيسات خفيفه باليمين وفيني ارتفاع خفيف بهرمون الحليب وتعالجت من كل هذا الحمدلله ..
الحين من اسبوع خذيت ابر منشطه .. عطتني ابره وثاني يوم خذيت ابره بنفس الوقت وبعد يومين سوت لي سونار اللي اهو امس وقالت ان حجم بويضاتي 15 وتبي توصلهم ل20 ... وفي بويضتين واحتمال كبير احمل بتوم .. وهم عطتني ابره .. المجموع 3 ابر منشطه ..
وامس بالليل جاني الم بالحوض وتحديدا عند ارحامي .. ذبحني الالم ..
المهم بلغت امي جان تزعل علي تقولي لعبتي بروحج توج صغيره واستعجلتي باجر لا سمح الله يطلعون غير سليمين .. وقعدت تذم بالابر .. ورفيجتي كذلك تقولي استعجلت ويمكن لا سمح الله ينفجر الرحم عندي :eh_s(16)::eh_s(16)::eh_s(16)::eh_s(16)::eh_s(16):
المهم بنات انا تندمت مابي احمل .. كنت متحمسه ااحمل وخصوصا بالتوم وهذا اللي ابيه قرب يصير ..
رحت لدكتورتي بالدوام قالت لي الدكتوره اللي تراجعين عندها استعجلت عليج عالاقل تخليج 9 شهور الى سنه بعدين تعطيج الابر . بس مو الحين ....
امس مانمت من الالم وقعدت ابجي واقول لزوجي مابي احمل كرهت الحمال وياليتني ماراجعت .. وزوجي كان متحمس احمل بس بعدين خاف علي ..ز
المهم دكتورتي بالدوام عطتني ابره مهدئه للألم وقالت لي هذا الالم من حجم البويضات قاعدين يكبرون وقلت لها اني بتراجع مابي احمل ولا ابي احمل بالتوم قالت لي خلاص ابعدي عن العلاقه الزوجيه بالأيام المهمه الين ماتعدي البويضات بسلام بدون تلقيح ...


انا محتاره وندمانه وخايفه من المنشطات واثارها .. البعض يقولي عادي احملي واهلي وررفيجاتي ووايد ناس يقولون مبجر عليج ولاتستعجلين .. لأن مسؤلية وخصوصا ان عندي دوام وطفلين مره وحده صعبه :eh_s(11):

 

[hazel eyes]

حييييل استعجلتي ع التنشيط المفروض بعد سنه لان فرص الحمل تزيد بعد ست شهور زواج

 

[حبيبي مالكني]

الي كاتبه ربد بيصير
وياحلات التوام
استغفري ربج وسوي الي عليج
واذا الله كاتب تحملين بتحملين ان شاء الله
مو شرط تحملين بتوام ترى يمكن بس بواحد
لا تضيعين الفرصة من يدج توكلي على الله

 

[Mrs.H]

اللي صار صار.. و مو وقته الحين احد يقولج استعجلتي او لا لان هالشي صار،، توكلي على الله واللي الله كاتبه بيصير

والله يكتب اللي فيه الخير

 

[om.saud]

حبيبتي إللي صار صار ..وانشالله الله اب يكتب لج إللي فيه الخير..
ولا تحاتين مافي شي رحمج بس اتوقع لازم إتسوين سونار إتأكدين إن كلشي طلع
بس أنا أنصحج إتبعدين عن هالدكتورة، و الشي الثاني كلشي قسمة، مكن الأبر إتحفز البويضات بس مو معناته توأم ..
يمكن جسمج راح يحمل بس على واحد لأن ما اتحمل "حكمة من الله"

 

[miss_q8ya]

حبيبتي انتي صح حييل استعيلتي بس خلاص شي وصااار

ومنو قالج ان ١٠٠٪ راح تحملين بتووم مو شرط يمكن اتم العلاقه وهم مايصير حمل كل شي بيد ربج

انا خذيت الابر شهر وطلع معاي ثلاث بويضاات ولا وحده فيهم تلقحت وبعد شهرين حملت بدوون ابر ولا شي

فتوكلي علي الله وكملي الي بديتي في

 

[طيشن على جديه]

تعوذي من ابليس شفيج ..؟؟

اصلا الحين البنات مافيهم شي وياخذون منشطات يبون توام ..

حياتي المنشطات مافيهم شي انتي فيج تكيسات يعني من قبل لاتراجعين كان فيج ..


بس ؟؟ تدرين ان الله يعطيج على قد ثقتج فيه ؟؟؟

احسني ظنج بالله والله راح يعطيج على ظنج ..

ماتدرين لو تحملين بتوام ومافي اسهل من حمالهم وولادتهم ..


لايضايقوونج بكلامهم مايعرفووون الغيب وماتدرين ان كل اللي سويتيه خيره وممكن الله يرزقج باللي تتمنينه ..

بسسس ظني ان الله بيرزقج بحمال تام وخفيف ..


انا اقول توكلي على الله كملي الطريج دامج بديتي ..

تابعي التبويض والجماع وان شاءاالله مايدور تسع اشهر اللي تبشرينا بتووام ..



بالتوفيق غلاااااتي ..​

 

[M!SS.LOBY]

الله يرزقج بالذرية الصالحة