الابرة التفجيريه وين مكانها؟؟؟؟

[صديقه]

انا عملت سونار داخلي وطلع فيني تكييس بالمبايض والحمدلله على كل حال بس ودي اعرف كيف هي طريقة العلاج هل هي دايما مثل السونار الداخلي وهل راح احتاج ابر تفجيرية للمساعه على الحمل وودي اسأل الابرة التفجيرية وين مكانها هل هي مهبلية وهل فيها ألم ساعدوني الله يعافيكم

 

[ام يارا]

حبيبتي بصراحه ما اعرف بس ما حبيت اقرا الموضوع وما ارد

ان شاءالله الخوات يفيدونج وما يقصرون

بس سؤال وين سويتي السونار وجم كلف عليج ؟


الله يشفيج و يرزقج ويرزقني وكل محرومه من بنات كويتيات بالخلف الصالح اللهم امين

 

[صديقه]

مشكوووره حبيبتي عالرد انا سويت السونار بمستشفى السلام عند الدكتور احمد الشاذلي وووايد شاطر وكلفني السونار 7 دنانير اهوا استغرب انه ما سويت سونار داخلي لان انا رحت حكومه ورحت الهادي بس سويت تحليل دم بس ماطلبوا سونار بس لما سويت سونار طلع عندي تكيس بالمبايض وهذا سبب عدم الحمل

 

[ام يارا]

زين قلتيلي عيل بسوي مثلج وبروح السلام عاد تدرين انا سويت بالمستوصف تحاليل مالت ثاني يوم الدوره وطلعت اوكي وبعدها سويت باليوم 21 من الدوره وهمن اوكي النتيجه و الحين موقفين الفحوصات يقولون ما نقدر نسويلج شي


يارب تبشرينا بحملج قريب و نفرحلج انتي وكل البنات اللي اهني اللي اعرفه ان تكيس المبايض عمليته بسيطه وايد بنات حملوا واهم فيهم تكيس وحتى بعد العمليه بسرعه يحملون الله يسهل عليج و يرزقج بالذريه الصالحه

 

[out of reach]

هلا حبيبتي

انا قريت من تجارب البنات ان الابره بالركبه اذا ماني غلطانه

بس دكتورتي قالتلي ان الابره بالضرع يعني المؤخره...

وبس

الله يسهل عليج

 

[hwt]

اختي تقدرين تاخذينها باي عضله انا قزيتها بايدي ما تعور كلش ما تحسين فيها مو مثل ابرت تنشيط المبايض لا بارده حيل يعني مثل ما يقولون شكة دبوس

 

[أمونة الحلوة]

التكيس علاجه سهل لاتحاتين والشاذلي ترى دكتور شاطر استمري معاه

ربي يرزقج الذريه الصاله يارب

 

[غنوة ستايل]

شوفي اختي اول شي لازم تعالجين التكيس
اعتقد يعطونج حبوب لمعالجه التكيس

بعد التكيس يشوفون البويضه طبعا الشهر الجاي .. اذا كبيره اوكي ما تحتاجين شي .. بس ابره تفجيريه عشان تطلع البويضه بسرعه و للقناه

لو صغيره يطقونج ابره يكبرونها
بعدين يطقونج ابره ثانيه اسمها تفجيريه
تكون بالعظل ( مثل ابره الانفلونزا )
بعدها ب 24 ساعه يصير الجماع
لمده 3 ايام متتالية تختارين اليوم المناسب و تسوين الجماع بالعدد اللي تبينه

طبعا الحجي هذا كله يبي له 3 شهور ...

 

[زنوبة الحلوة]

حبيبتي التكيس لازم علاج بالاول وانشالله ماعليج الا العافية

ويرزقج الذرية الصالحة يارب ياكريم

 

[foozia_87]

يا بعد قلبي ترى التكيس علاجه سهل وااااااااايد وان شاء الله ما يمرون هل 5 شهور الا تبشرينا بحمالج قولي آمين
والابره التفجيريه تاخذينها بالمؤخره اذا احتجتيها بالعلاج وان شاء الرحمن ما تحتاجين لها من بعد ماتعالجين للتكيس الامر يصير طبيعي

 

[صديقه]

مشكووووووورين خواتي الصراحه هذا احلى منتدى دخلته وتشجعت اني اسجل فيه اول ماعرفته وانا معتبرتكم خواتي وردودكم ونستني وريحتني
الصراحه انا صارلي 10 شهور متزوجه تقريبا وبخاطري احمل وكنت شوي خايفه من علاج التكيس لاني خوافه دايما اخاف اتعور بس الدكتور وااايد يساعد ويحاول يخليج تحسين انه كل الي تعانين منه هو شي مثل الصداع وان العلاج بسيط بس انا لما اقعد بالليل اقعد افكر اخاف مااحمل بس ردودكم طمنتني وااايد وانشاله انتو اول من راح ابشرنا بحملي عقب زوجي واتمنى التواصل الدايم معاكم

 

[فيلجاويه_عسل]

ماعندي فكرة بصراحه

 

[ملح مكتت]

الابرة التفجيرية بالعضل من ورا ومتعور بس لازم ماتتحركين

 

[سراج الليل]

صديقه أنا مثل حالتج بس أنا صارلي 6 شهور متزوجه

وبعد شهر بأخذ هالابره على حسب كلام الدكتوره ومن الحين أحاتي وتصدقين ان الحماله نفسيه الكل يقولي انسي طاري الحماله وتحملين حتى الدكتوره بس الله كريم

ياااااااااااااااااااااااارب لا تحرمنا من الذريه الصالحه




صج بنات اللي مجربه الأبره متى صار حملها ؟

بعد شهر وإلا طولت شوي ؟

 

[hwt]

انا خذيتها بايدي الشهر الي طاف وانشاء الله هشهر باخذه يوم الجمعه ويوم السبت عندي موعد تلقيح صناعي ما عرف احد حمل عليها على طول جم شهر بعدين يحملون

 

[صديقه]

هلا باختي الفارسية الله يرزقنا وصح كلامج الكل يقولنا لاتفكرون بالحمال بس والله صعب ان مانفكر يعني يمكن انسى شوي بس ارد اتذكر خصوصا اذا شفتي الي معاج تزوجوا احملوا او ولدوا والله كريم انا خابفه من الابره

 

[سراج الليل]

والله ياصديقه لمن أسمع وحده حملت أتحطم مومعناة هذا أحسدها بس أقول أنا سويت وسويت نفس اللي سوته بس ليش إيه إي وأنا لا واللي يذبحني لما أسمع وحده حملت وعرسها بعد عرسي

هذا ضعف مني بس ياربي شسوي تعبت وتعبت من أسئلة أهلي ورفيجاتي

الي رزقهم يرزقنا يااااااااااااااااااااااااااااااااااااااااااااااااااااااااااااااااااااااااااااااااااااااااااااااااااارب تكفى لا تنسانا وفرح قلوبنا بالذريه الصالحه المعافاة وإذا كان خيره ماأحمل فالحمدالله على كل حال

 

[صديقه]

والله يا الفارسية حاسه فيج انا على كثر ماافرح حق الي تحمل بس بعد يضيق خلقي اني ماحملت وخصوصا ام زوجي ويدته وخالاته يسألون اذا حملت والا لا وانا انحرج ويضيق خلقي يعني يشوفون اني ماحملت ويتكلمون ومايفكرون اني احترق من داخل لان للحين ماحملت بس الله كريم وانشاله الله يرزقنا وكل محرومه يارب

 

[كويتيه مذهله 87]

حبيبتي انا فيني تكيسااات وعلاجها سهل وما يأخر الحمل

والابره التفجييريه ترى عاديه تاخذينها مثل الابره العاديه