في اكثر من حل لمشكلتج
يعتمد على نوع الابتسامه اللثويه بالاول.. وحجم الاسنان والفكين
يعني... اذا كانت اللثه فيه زيادات ومغطبه على اسنانج.. هني ممكن يسوون لج عمليه بسيطه بتخدير موضوع يقصر اللثه ويرسمها لج بشكل حلو
اما اذا كانت اللثه طبيعيه مو نازله واسنانج طبيعي حجمها..
هني ممكن نسوي شغله من ثنيتين.. تجميليه او علاجيه
التجميليه.. ممكن يركب لج على الاسنان عدسات خارجيه بس...
او
ينحت لج ضروسج ويلبسهم لج بشي يسمونه كروان او تاج... بالحالتين هذولي ممكن نتحكم بشكل الضروس.. نطولها نفصرها نعرضها.. وهذي اللي يسوونها كل الممثلين والممثلات وغيرهم
دكتورج اللي بيتابع حالتج.. هو ادرى باي من هالطريقتين انسب لج.. لان لكل طريقه عيوب ومميزات
الحل الثاني.. اللي هو العلاجي
ان يسوي لج عمليه بالفك يقصره لج.. ويرفع لج اسنانج فوق شوي عشان تتغطى اللثه لما تبتسمين
هذي الطريقه نسويها بحاله لما تكون اللثه طالعه واجد.. وما تتغطى بالعدسات
والابتسامه المثاليه حبيبتي... تكون اللثه طالعه 1-2 ملم من السن الى الشفايف
واي سؤال انا حاضره
