الأمهات العاملات

[Mednight Rain]

السلام عليكم ورحمة الله وبركاته

:eh_s(17):


سؤالي عن الأمهات العاملات ..؟

:eh_s(10):

1- ووين تخلين البيبي ومع منو ؟؟
2- شلون تنظمين وقتج بين دوامج وريلج وعيالج ؟
3- تنصحون بالحضانة ؟؟

ملاحظة البيبي ( بالاشهر ) .

:eh_s(8):

 

[الملاك النائم]

انا بخلي بنتي مع الخدامة
ما احب الحضانة لان البيبي في هذا الوقت ما عنده مناعة كافية ضد الامراض والحضانة بها اطفال كثير واقل شئ دور برد وياخذ البيبي ادوية والافضل نحافظ عليه

 

[Samora]

انا بنتي كان عمرها 3 أشهر لما اشتغلت ... اخليها عند امي طبعاً ... والوقت انا دوامي لي 3 ونص ارد البيت تنظيف وطباخ يكون ريلي رد البيت نتعشا نقعد شوي وبعدين نووم ...

ما انصح حضانه بعمر بنتج حرام بعدها صغيره

 

[Mednight Rain]

بعد ابي من خبراااتكم

 

[الملاك النائم]

براي لو تقدري تجيبي خدامة افضل للبيبي وتنظف البيت وكل شئ

 

[أم عبداللطيف]

انا اقطهم عند امي والخدامه معاها تساعدها بس تشيل وتنظف س ماتجيس الياهل بهالعمر لما يكمل سنتين يالله اخليه تتوضيه وتغير حفضاته لانه بهالعمر توه خليه عى ايدج احسن

واي من الدوام ويكون عندي عيالي والخدامه بس تجابل شغل البيت او انها تجابل بنتي العوده تحوس معاها والصغير بهالعمر كله عندي انا اسوي له كل شي.

ونرد واقعد مع ريلي عقبها يطلع ورا المغرب واقعد مع عيالي وبس خلص اليوم ونمنا .

 

[أم بيونة]

انا بنتي وولدي عندي امي الله يحفظها من عمرهم شهرين
والخدامة معاهم عندي امي ومثل ماقالت ام عبد اللطيف
ماتحركهم بس تساعد امي بالبيت
وبعد ماارجع من الدوام طباخ وترتيب خفيف
واجابل. عيالي ونتغدا العصر بعد مايجي زوجي
من الدوام وبعدها مع العيال حتى ينامون واحيانا
نطلع شوي وتمشي الايام
الله يحفظهم

 

[شيخه الحلى]

اول شي المفروض تاخذين الأمومه كامله
ليش تخلينه بالأشهر وتروحين؟
انا خذيت الأمومه وخذيت إجازه شهر بعد فوق الأمومه
يعني ما داومت إلا عمر بنتي 7شهور تقريبا..
وانا ابوهم بالبيت الصبح يكون موجود مع الخدامه
وانا ساكنه بشقه عند امي فيكونون عند امي..
وطبعا الخدامه ما تشتغل الصبح بس مجابله بنتي..
ارجع تقريبا الساعه 2وربع
طبعا الغدا مع أمي... آخذه الغدا من امي
واخذ بنتي منها نتغدى وبعدين تنام العصر وانا اريح معاها ومرات ما انام اقعد..
والخدامه تنظف المغرب.. لأن ابيها ترتاح العصر وتنام

 

[شيخه الحلى]

وترى الحضانه احسن من البيت بس مو اقل من سنه ونص
لأن الياهل بعمر سنه ونص وسنتين يصير حركي وشيطان والخدم ما يتحملون وصراحه الخدم يخوفون
حتى لو تخلينه عند امج مرات الياهل شيطان
الحضانه احسن
وتخليه يختلط باليهال ويتعلم الكلام

 

[A boss]

الحضانة من سنة و نص وديها و اي استفسارات عن الحضانات راسليني على الخاص و الحين خليها عند امج

 

[Winter Q8]

أنا بامومة الحين ووايد احاتي رجعتي للدوام .. ماعندي احد يمسك ولدي امي تداوم و خالتي ماتقدر طول الوقت الله يعينها و ريلي رافض الخدامة و انا اخاف اهدها معاه لاني ساكنة بروحي .. الله يعين مابي افكر وايد لاني راح اكتئب

 

[PuPa^^SWeeT]

1- ووين تخلين البيبي ومع منو ؟؟


قبل مادري عن خرابهم فا اخلي بناتي عندهم

الحين ابدا بنتي الصغيرة من عمرها سنة بالحضانة صراحة وايد اامن و اريح

مارتاح حاليا اذا كانو معاها بروحهم

2- شلون تنظمين وقتج بين دوامج وريلج وعيالج ؟

دوامي يخلص بالمدرسة قبل

فا الاقي وقت انوم بناتي قبل 8 و اجابل روحي و ريلي شوي


بي حاليا لأني اييب شغلي البيت وياي

فا صار انومهم 6 او 7 بالليل و اقعد اسوي شغلي بسرعة و اجابل روحي بعدها





3- تنصحون بالحضانة ؟؟
اكيييد دوري في حضانات لاعمار صغار وعادي يقبلون افتكر

 

[Mednight Rain]

مشكووورين ماقصرتوا

بس ظروفي غير امي تداوم وخالتي بعد ، ما أأمن على أحد غيرهم وللحين مالقيت لي حل ،

 

[PuPa^^SWeeT]

حضاانة

ماكو الا هالحل

 

[AVE.NJ]

الله يعينكم
انه متقاعده بس حبيت ارفع الموضوع لانه يستاهل

 

[Melazlaza]

اخذي اجازة لين يصير عمر البيبي سنةونص
ديوان الخدمة عنده اجازات للامهات وتعتمد براتب او نص او بدونه ما اعتقد يهمج الراتب اكثر من ضناج
اول شهرين الوضع
اربع اشهر اجازة نص راتب
سنة اجازة من غير راتب
حزتها روحي دوامج واهيا بالحضانه راحة لج ولها

 

[كل الحلا فحبيبي]

حبيبتي في حضانات ياخذون بالاشهر وطلبي انج كل مره تجين تاخذين بنتج تشوفين شريط التسجيل لبنتج وراقبي الساعه واذا في ساعه مو مسجله ساليهم وين كانت بهالساعه وبجذيه راح ترتاحين من المحاتات وعوار القلب والله الخدم ينخاف منهم الحين واب لان الموضوع يستاااااااااااهل

 

[Mednight Rain]

مشكووورين

والله الموضوع مهم حيييل

أول أمهات أمهاتنا متفرغين تماما لعيالهم حتى نفسية الطفل حلوة ولهجته حلوة ومناعته قوية

الحين العكس الأم بتاااع كُله

الصبح > موظفة أو طالبة .( تعمل وتكد بجهد )
الظهر > ربة منزل ( تسوي هالغدا وترتب بيتها )
العصر > معلمة ( تحل واجبات عيالها )
المغرب >توجب ( خاله + عمه + استقبال + عرس)
بالليل > زوجة ( مع نفاذ طاقتها )

اخطبوط مو مره

الله المستعان

 

[مشتاقة الى الله]

انا ولدي اوديه عند امي تجابله في بعض الاحيان من يكون زوجي ماجز اخليه عنده وما شاء الله ما يقصر معه ابدا لكن ما يعرف كيف يجهزله الاكل فيتلعوز واتلعوز معه الى ان ادق على امي وتروح تاخذه

الحين قررت اجيب خدامة بس من اروح الدوام راح اوديهم عند امي الى ان ارجع والشيء الثاني انا مسوية جدول لولدي والحمدلله ماشية عليه يعني الساعة 7 ونص او 8 خلاص ينام بعد تعب العب واعطيه وجبه تشبعه بحيث ما يضطر يقوم الا للرضاعة فقط

وبعد ما ينام اجابل نفسي وعندي وقت طويل اجابل ابو العيال

وبخصوص الحضانة والله ما انصح حاليا بس اذا محتاجة ومضطرة فلا حولة ولا قوة الا بالله مابليد حيلة ولكن دوري احسن الحضانات وذو سمعة ممتازة والله يسهل عليج وعلينا جميعا يارب

 

[Mednight Rain]

thanx alot