الأقـــنـــعـــه

[نوف الصقعبي]

السلام عليكم ورحمة الله وبركاته
صباح الحب
:hearting:




يايبتلكم اليوم خلطه من تأليفي وأتمنى تعجبكم وتستفيدون منها
ومابي إلا دعواتكم ولكم بمثل ماتتمنون لي
إن شاء الله



الخلطه الآولى

ملعقه كبيره عسل ويفضل طبيعي موشغل جمعيات
ملعقه كبيره زبادي
نص ملعقه كبيره ليمون فرش طازج عشان النتيجه

يتم خلط المكونات حتى تمتزج
ومن ثم وضعها على الوجه والرقبه
وتركهم نص ساعه بعدها يتم غسل الوجه بماء بارد وليس دافي أو حار
بارد

هالطريقه حلوه 3 مرات بالأسبوع
بتخليج قمر




الطريقه الثانيه للي يعانون من حبوب في البشره
3 ملاعق عسل طبيعي
1 ملعقه قرفه ( دارسين مطحون فرش )

يتم مزج المكونات حتى تصنعين عجينه ويتم وضعها على آماكن الحبوب
وممتازه لمرضى الآكزيما للأطفال وحتى الكبار
استمري عليها 5 آيام وبتشوفين اللي ماكنتى تتوقعينه


الطريقه الثالثه

للدورة الدمويه وشد البشره
تمرير مكعب ثلجه لين تذوب على كامل الوجه
وركزي عالخدود
أسفل العين
نهاية تحديد العين
الجبهه
بين الشفايف للخطوط التعبيريه


أول ماتقعدين من النوم بعد الوضوع وكل شي
دشي المطبخ مو دورة المياه
المطبخ

حطي باديه صبي فيها علبة صغيره حليب بارد سائل مثل كي دي دي او اي نوع من طقته

ولازم يكون بارد مو دافي
قربي ويهج عالباديه غسلي ويهج بالحليب مدة 5 دقايق
بحيث كل ماتغرفين بيدج من الحليب يرد الحليب في الباديه عشان مو كل شوي تحطين حليب يديد

هاذي بعض من مافي جعبتي الحلوه لكم للحلوين


​

 

[فدوووش]

حبيتها بالذات الحليب

وخلطتك حقت الحبوب الي هي العسل مع الدارسين اذكر شفت باليوتيوب دكتوره مصريه تمدح الدارسين للزيوان الاسود

مشكوره ياعسسسسسسسل اتحفينا دايما بخلطاتك سوا الطبيعيه والا الكريمات

 

[صمت العذاري]

مشكوره والله يعطيك العافيه

 

[نوف الصقعبي]

نورتي فدوش إنتي تامرين أمر​

 

[نوف الصقعبي]

العفو يالغاليه والله يعافيج صموته ​

 

[اوبراا]

نوف انا من شفت اسمج دشيت
عندج سكراب للجسم يفتح او شغله للجسم تفتح غير الحمام المغربي لاني ماشفت منه نتجيه من ناحية التفتيح قصدي
هو ينظف ينعم

 

[نوف الصقعبي]

هلا قلبونه ممم سكراب شوفي عندج براون شوغر الخشن قسم الكيك
خلطيه مع زيت اللوز
وفركي منه بطريقه متوسطه مو عنف وبتشوفين شي حلو بس لازم الاستمرار
والمغربي فوق الممتاز حياتي انا سنين وبنين ماستغنى عن الحمام المغربي لان يشلع دهون الجسم من عرجها ويأهل الجسم لإستقبال الكريمات المرطبه اوالمبيضه والمفيده​

 

[نوف الصقعبي]

انا مو ذاك الزود مع السكراب الحمام المغربي مع الكريمات الفرنسيه والشغلات الطبيعيه بالبيت والتغذيه الصحيه مثل انا احب اكل بروكلي و احب اشرب عصير برتقال وهذا اقوى فيتامين سي طبيعي فيه مع الآوميغا 3 وحبوب فيتامين a , d , e
هذيل كافي يعدلون البشره السكراب مو بقوة هالاشياء
واكرر كل شي يبيله صبر
حتى الدنيا ما انبنت بيوم واحد​

 

[اوبراا]

مشكوره نوف بس بسائلج زيت اللوز المر ولا الحلو لاني سمعت المر مو زين ينفع احط الحلو بداله
مشكوره حبيبتي
شنو استفدتي من البروكلي

 

[نوف الصقعبي]

زيت اللوز العادي ترى انا مرات احط حتى زيت عافيه على جسمي وشعري ​

 

[نوف الصقعبي]

البروكلي الاخضر نبته تنوكل اوبرا لاتقولين لي ماتاكلينها

فوايدها لاتعد ولاتحصى ياقلبي

سواء للدم للعظام للسمنه للكانسر عدي وخربطي عن فوايد هالنبته​

 

[تبيني آرضى عليك]

مشكوررررررررررررررررررررررره

 

[نوف الصقعبي]

العفو ياقلبي​

 

[جوري الصالح]

مـــــشكـــــــورة