الأثنين // وقمة دول الخليج العربي ؟؟؟ هل ؟؟ أم ؟؟

[78MariMar78]

دواااااااااااااااااام عادي

 

[أبلة كويتية]

آنا بصراحة كمعلمة رااااااح أشرح ومالي شغل من الغياب

لأنه حيل متأخرين بالمناهج

وإللي يغيب ذنبه على جنبه

7

7

بس أتوقع المدارس إللي في نطاق حولي التعليمية راح تكون فيها نسبة غياب كبيرة

ولو داوموا راح ياخذونهم مبجر حيل ...يعني الأبلة إللي عندها الحصة الأخيرة راح تتوهق

والله أعلم

 

[أم حمد =)]

راح نداوم ان شالله ..

 

[دخــــــــــــــــون]

الله يستر
مدرسة بناتي بحولي
والشارع حده زحمه
وما اقدر اغيبهم
اللي عندها املاء واللي امتحان

 

[سيدة الكويت]

دوام عادى

بسنا اجازات...............

 

[حلم الطفولة]

أبو عيالي قرر خلاص . الكبار يداومون .. والصغيره اللي بأولى روضه ... غياب سواء روضتهم عطونا تصريح أو لا.

لأن بحولي .. وطريجنا الدائري الخامس أو شارع المغرب .. واثنينهم بيصكونهم.
دوامها يخلص 12:30 ,, صعبه حرام.

 

[سيدة الكويت]

حلم الطفوله شخبارج

عندج فكره الساعه جم بتسكر الطرق؟؟واى طرق؟؟

 

[قوس المطر]

بنات انا سمعت نه يوم الاثنين و الثلاثاء عطله ؟؟؟؟ محد سمع هالخبر ؟؟؟؟؟

 

[مــ_ــا مــ_ــي]

انا بالرابعه .. بعيده عن الزحمه .. فما راح يغيبون الا اذا عطله رسميه .. وجان زين يعطلونهم

 

[أم عبووووود]

انا ما افكر اغيبهم بس بنيتي تقول الابلات يقولون الاثنين والثلاثاء عطله فيبين اليوم بنتي مدرستها بشويخ

عيالي عادي باجر ولدي عنده امتحان ومدرستهم بالشامية

عموما الزحمة فينا فينا والله يستر

 

[78MariMar78]

ما بقى شي على الامتحانات
بسنا اجازاات

 

[al7noona]

لا راح اودي بنتي لان روضتها بعيده عن الزحمه والتسكيرات انشالله

 

[طير الحب]

لا ماراح اغيبهم

 

[om al ghaleen]

انا مدراس عيالي في بيااااااااااااااان قريبه عن قصر المؤتمرات يعني بقمه الزحمه
والشوراع راح تتسكر من 11ونص لي وحده ونص يعني طلعه دوامات

بس مااقدر اغيبهم امتحانات واملائات
الله يعين ريلي باجر

 

[أم حمودي]

عاجل على قناة الوطن
دوام المدارس لغاية الساعه 11 الظهر
فقط لمناطق بيان ومشرف وجنوب السرة وخيطان وأبرق خيطان