الأثر الرجعي والراتب

[fri2010]

السلام عليكم

بنات نزل الراتب مع الأثر رجعي
وكاتبين لي قيمة الاستقطاع 396
وحاطين راتبي 1439
وانا معلم دال
ولما احسب يصير اكثر اشلون؟
وهل هالمبلغ 396 مع قصة التأمينات؟

 

[اشلون يعني &]

دقي على البنك نفسه خدمه العملاء وهم يفصلون لج معاشج
وين راح
بيت التمويل ١٨٠٣٣٣٣ اذا معاشر ينزل عليه
سؤال اي بنك انتي تابعه له لانه حسب علمي بيت التمويل ما نزلت المعاشات

 

[jen2n]

أنا مثلج فراي

بس ما نزل شفته عالايميل مال الديوان

 

[أبله أريج]

انا معلم دال بس 1230

 

[طالبة1990]

شكلهم ماحسبوا شهر ١٢ كله

لان انا منزلين لي بس ٢٨٠

يعني لشهر ١ و٢ واتوقع نص١٢

 

[zqertya]

اشدعوه التامينات 396 دك لالا واايد روحي سالي مالوت شنو اخاف انتي عندج غيابات واايد ؟؟ مستحيل توصل هالملبغ

 

[chole_84]

ابلات انا معلم ج
ومعاشي نفسه ماهو مافيه زياده
الي ذابحني خاصمين150 وكاتبين بالموقع غياب
عل اي اساس غياب
اف

 

[أبله أريج]

عفسه

 

[شمعة الدنياا]

اختي ماخذه اجازه وضع لان انا مثلج خاصمين مني250 ويوم رحت الوزارة قالوا لي عشان اجازه الوضع جان اضحك قلت شنو قالت اجازه الوضع ماشفتي النشره ماجتكم شالوزارة هذي تقولي انتي مريحه بالبيت وما تدرسين فلازم ناخذ منج قلتلها شفتي وزيرنا ولا حاسدينا علي وظيفه معلمه

 

[شمعة الدنياا]

راجعي ترا فيه سرقات صايره لا تسكتون راجعوا الوزارة انا خاصمين مني عشان اجازة الوضع تخيلي منزلين نشره ومو موزعينها علي المدارس من شهر 5

 

[شمعة الدنياا]

انا وحده ماراح اسكت راح ادابج ليما اشوف حل بالسالفه هذي بعد اجازة وضع مالقيتها باي وزارة خصم اجازة الوضع من اليوم وانا منغثه ومنبطه جبدي من هالقرار المتخبط ولا سمعت وابي اروح المنطقه التعليميه بجيب النشره المجلس الطبي خصم وطبياتج بعد فيهم خصم واجازة الحج فيها خصم فالله يعين لا للتدريس لا للتدريس لا للتدريس

 

[جيتك تعال]

بنات روحو جمعية المعلمين او راسلوهم على تويتر

قولولهم على الي صار معاااكم واذا لكم حق بترده لكم

او كتبو شكوى في اى جريدة لانه واضح انه الكادر انصرف على رغبة الديوان انه يكون مكافأة مقابل عمل
لكن قرار الوزارة الحين بعد قومة جمعية المعلمين عليهم لغو تلاعب الديوان بكادرنا
وبيردون لكم كل الي قصوه على اجازات الوضع ... بس لازم توصلون هالشي للجمعية علشان تباشر سالفتكم

 

[اريج الجوري]

امبيييه شنو يخصمون من اجازة الوضع ماصارات بالعلم كله

وشنو يخصمون من اجازة الحج انا ماخذه اجازة حج العام تهقون خاصمين مني

والله تعبنا مع هالوزاره كل شهر معاش غير المفروض نطلع شهادة تفصيل راتب كل شهر ونقعد نقارن ماصارات سالفه خووو

 

[¤§ زيتونة §¤]

بنات
مو معقولة يخصمون الاجازات اللي اقرتها الوزارة من سنين

راجعو المالية اتوقع والبنوك وشوفو المبلغ وين راح بالضبط



تقدرون تسالون الخوات في قسم الاداريات عن هالموضوع يمكن يفيدونكم
الله يعينكم

 

[Pearla & Ribbons]

مالت عليهم حسبي الله عليهم يعله زقوم انا خابرة الخصم يصير شهر واحد او اثنين وحدة اربعين دينار في شي غلط الظاهر الزيادات اثرت على ميزانيتهم وقامو يتنصلون منها هونو

 

[شمعة الدنياا]

اختي جيتك تعال@ انا دقيت علي جمعيه المعليمين والله العظيم الرد البارد لا وشنويقولي ماندري بان اجازة الوضع عليها خصم معقوله يما ياكبرها من جذبه ياشيخين خافوامن ربكم شنوالاوضاع هذي جمعيه المعلمين بكبرها ماتدري بقرارات الخصم حدث العاقل بما يعقل @ نعرفكم ونعرف شغلكم الي تحت الطاولات @ والله موكفو الي يشرح ويدرس ويعطي من قلبه عشان ناس مانين علينا بكم بيزة مالت عليهم حتي مالت عليهم انا شلي حدني اني ادش تربيه الله يلعنها من ساعه

 

[شمعة الدنياا]

اختي زيتونه اذا القرار نازل من ديوان الخدمه المدنيه بالخصومات فغصب عليج يطبق وانا شايفه النشره فالي ابي اساله هل يشمل بعد الي خذو كوادر معانا المطار والبترول المنهدسين

 

[شمعة الدنياا]

والا هذولا وراهم ظهر وسند وحنا ورانا جمعيه الهم والغثا

 

[Pearla & Ribbons]

انا خاصمين مني 450 يقولون 390 علاوات مستبعدة ليش مستبعدة! عاد انا انتداب وللزيادة مانزلتلي لامن التربية ولامن الشؤون

 

[ام ايا]

يا هنيالكم

احنا هون بالاردن بنحكي مشان الله وظفونا هههه وخذوا متل ما بدكم
هههه بس يا خساره شكلنا رح نموت و احنا هيك