اكيد رحتي بيت اهلج واكيد راحلج بيراضيج...بس مو هذا هو السؤال؟؟؟!!!

[الكويت&الكويت]

قوه بنات حبايبي
شلونكم
شخباركم
موضوعي اليوم عن رفيجتي كانت زعلانه بيت اهلها وقعدت فتره لما يا ريلها بيراضيها طبعا بالاول قعد مع الابو والاخوان علساس يفهمهم المشكله
هني عاد ابتدا مسلسل الجذب
بنتكم ماتدري عني
بنتكم وصخه ورفله
ووووووو
مع ان رفيجتي واعرفها زين نظيفه وماعندها حتي خدامه وتطبخ وتكوي وتسوي كل شي..
طبعا انا قلتلها عادي كل رياييل الكويت عيايره لاتديرين له بال
والحين
سؤالي لكم حبايبي:
قط مره زعلتي ورحتي بيت اهلج ؟؟

وشنو انواع الجذب اللي طلعها عليج من وراج او جدام اهلج؟؟
ولما واجهتيه شنو تعذر وقالج؟؟
عفيه ابي مشاركاتكم ومابي تفلع ادري الموضوع يغث
ناطرتكم
دمتم بود

 

[كليـ دلعـ]

ههههههههه

عدي وخربطي

شنقوول شنخلي!؟

وآآااابويااااا

وآآااابوووياااا

وشي طبيعي ع شان يكسبهم بصفه

يحط فيج الهوايل!؟

واهي تعاندني

واهي ماتسمع كلامي

واهي حنانه واهي زنااانه!!

وماترضااا بسرررعه!!

بس عااد يقول

وصخه ورفله >> فيها قبايل

وان سواهااا

يغسل ايده من رجعتي له!!

 

[ماني من الناس]

احس مشاكل المزوجين مفروض مايتدخلون فيها الاهل الا اذا كانت اشيا عظيمه تؤدي الى الطلاق

اما الامور العاديه فشله بعدين يصير فيه نشر غسيل والهجوم افضل وسيله للدفاع ههه كل واحد يهجم ويطلع نفسه احسن شي

 

[*peace*]

كل اللي اعرفهم جذي صار معاهم

نفس التشلخ والجذب مصيبه صابتهم معفنين من زينهم عاد !!!!

 

[حوريه ...]

كانت امي موصيتني لو شنو يصير بينكم ماتجين عندي زعلانه

وتقول كا زوجة اخوج ولامره راحت لهلها تزعل وتقعد مقابلته وتتدلع وتلبس

اخذت كلام امي بعين الاعتبار وان ماينفعج الا زوجج واخوان ماينفعون ومن هالكلام

صرت لازعلت قعدت مقابلته بالبيت الا مره وحده هو عصب وقال روحي لاهلج وانا هني ماسكت قلت بروح لاهلي

(كانت خالتي وبنات خالتي عند اهلي جايين من السعوديه وجمعه ووناسه وانا اخذتها فرصه بروح استانس)

سألوني شفيك قلت دورتي متاخره وزوجي قالي ارتاحي يمكن تكونين حامل مابي تتعبين بشغل البيت والحمدالله مانزلت علي

طبعا" تميت اسبوع ماسال وانا اللي اتصلت عليه

ومن عقبها حلفت ماعيدها حتي لوقال روحي لاهلك الرجال لاعصب يقول اي شي عادي المهم لارضى يدلعني ويسوي كل شي ابيه

صرنا نزعل ع اشيا سخيفه واتفقنا مانخلي بعض لو مهما يصير واللي يغلط يعتذر للثاني

وعادي نزعل ونرضى بنفس اليوم مانطول

 

[الكويت&الكويت]

يالله نبي تفاعل اقوي
قولولنا علي تشلخ الرياييل

 

[ياليتهم يشعرون]

امممممم انا ما يقول شي عني لان صج مايلقى عيب فيني. كل مره يحاول يدور ويركبني الغلط عشان لي صار شي يقوله لهلي الله يستر منهم لاذمه ولا ضمير بهسالفه

 

[! بــدويه وآآيــد !]

،



ما انصح اي وحده تدخل اهلها الا بالشديد القوي خيانه او طق لا سمح الله

الله يهدي زوج رفيجتج اذا ردت له تقوله ان عيب يتكلم فيها عند اهلها وتنقده على روحه الله يريح بالها يارب

 

[فوفو22]

ارفض الزعل ببيت الاهل وعلمهم باي مشكله بين الزوجين لانه بالنهايه بيتراضون

واؤيد الزعل ببيتج نفسه ....والحرص على عدم انتشار المشكله بره البيت

**********************

شي طبيعي لو الزوجه زعلت وطلعت بره

وبعد فتره راح يصالحها

رح يواجه حاجز امني وهم الاهل

وهم يوجهون له ...اخطاء قام بها

وهو يحاول يتذكر اي خطأ منها ويذكره امامهم

وهنا هي قللت قيمتها امام اهلها ......واحرجت زوجها امام اهلها

فالزوجه الذكيه تحل مشاكلها بهدوء .....

فوفو

 

[شادن33]

انا ازعل بداري مااطلع برا
حتى لو سمح الله رحت بيت اهلي ريلي واعرفه راقي ماتطلع منه كلمه العيب تجاهي لو كنت اموريته نجوووم القايله
مايقول فديته محترم ماشالله

والريال اللي من نمونه رفيتج استحقره

 

[لمى...]

ان شاء الله مايصير بيننا الا كل خير يارب

 

[some one waw]

لا يما كله ولا يطب فيني عند اهلي الحمدالله ماعندي هالشي

الله يعين رفيجتج

 

[Patcholli]

عد وخربط

ماكان يجذب لكن كان يجمل العيوب اللي كان يسويها ويطلعهم بصوره بسيطه جداً ولا كأنه مسوي مصيبه ..
وبالمقابل كان يضخم تصرفاتي وافعالي واللي يسمعه يقول متزوج كينق كونق مو متزوج انسانه بريئه ومسكينه وعياره

بس الحمدلله هاللامور كانت تصير باول الزواج كنت صغيره وطايشه ودلوعه لكن الحين ماقمت اروح لاهلي اذا زعلت ولا صار ..
اولا احس فيها مذله واحراج لزوجي انه كل يومين طاق الباب ومتفشل ويا اهلي وبالتالفي المشكله بتنحل فماله داعي نشر الغسيل ولا له داعي اعود اهلي او اهله انهم يتدخلون بينا لان بالمقابل راح اكون مجبوره اسمع قرارهم سواء كان معاي او ضدي لاني دخلتهم بالبدايه فلازم اطيعهم بالنهايه .. وانا احب اكون انسانه مستقله امشي حياتي الزوجيه بروحي بدون تدخل الناس حتى لو كانو اهلي
وهم اذا الوحده بتستمر بالزواج يفضل تحل مشاكلها مع زوجها بروحها
لكن اذا كانت ناويه على الانفصال وان الزوج يتعود على فراقها واهي تبي هالشي من الله تلجأ لبيت اهلها

 

[حبيبي مالكني]

الحمدالله اهو يخاف الله فيني وانا اخاف الله فيه
ونحن مشاكلنا ما ندخل فيها احد

 

[english muffin]

الحمدالله اهو يخاف الله فيني وانا اخاف الله فيه
ونحن مشاكلنا ما ندخل فيها احد

نفس الراي
ولو شيصير مستحيل اروح بيت اهلي
بحل الموضوع ببيتي

 

[الشهد كله]

والله لو يموت ما أطلع من بيتي :rerrerek:

أطلعه بس ما أطلع :krkrkr::krkrkr::krkrkr:

وإذا بزعل أزعل بداري حتى عيالي ما يعرفون :ggdw::ggdw::ggdw:

وإذا على الكذب ، ما يطلع كويتي إذا ما شلخ وطير صواريخ :rgewrg::rgewrg::rgewrg:​

 

[popa]

ههههههه
الريايل جذي بيطلعون نفسهم من المشكله ويسدحون مشكله اكبر عشان الكل يلتفتلج وينسه موضوعه

 

[om_3azoz]

انا ولا مره رحت بيت اهلي هههه لاني كنت ساكنه هناك هههه مره تهاوشنا وابوي سمع صوتنا وزفني انا

وبعد طلعت شقه لمن نتهاوش مافكر كلش اروح بيت اهلي ماحب احد يعرف شنو بيني وبين ريلي احب احل مشاطلي بروحي

 

[الحلوه معاكم]

السلام عليكم بنات
طبعا ثير منا يعرف موقع روعة السعادة الزوجية النسائي
الى اصلح كثير من الامور الزوجيه والاسريه وحل اكثر المشاكل العامه والخاصه
مابي اكثر عليكم بالكلام بس ابي اطرح لكم رابط المنتدى حق لى ماتعرفه
ومحتاجه لحل مشكلتها الزوجيه او الخاصه او العامه
والتثقيف الزوجي بكل اموره ​

اضغطي هنـــــــــا روعة السعادة الزوجية النسائي ​

 

[جوري 2007]

ماسويتها ولا مرة

اصلا زعلاتنا كلها على توافه وبنفس اليوم نتراضى