اكو وحده ريلها جذي ؟

[اشراقة الصباح]

السلام عليكم
بنات عندي مشكله اهي مو مشكله كبيره عادية بس ان وايد مضايقني
ريلي مايحب اغير شي بشكلي ! ابي اغير ستايلي واغير شكلي مايعجبه!
حطيت عدسات معنه احلى علي ما يحب
مايرضى اصبغ شعري ولا اقصه
مره سويت تان جان انزف
حطيت تاتو حنه بريلي جان يقول لاتسوين جذي مره ثانيه هالستايل حده جيب ! قص ويهي
قلتله بحط خزامه مارضى
رحت الصيدليه قضيت اذوني على شان احط تراجي فوق بعض شكلهم ناعم ماعجبه
بعرف بس انا جذي ولا صج اكو رياييل جذي ؟؟ وشلون تتصرفون وياهم ؟؟
مادري شسوي احس شكلي جذي راح يمل بسرعه واحنا تونا ماصارانا فتره طويله مادري اذا هالموضوع مكانه صح بس متوهقه

 

[Dancing^Queen]

السلام عليكم

اختي الحبيبه
انتي ذكرتي ان ريلج مايحب التغيير
عيل المشكله مو فيه فيج (ان صح تسميتها كمشكله)
انتي تحبين التغيير والتنويع
بس ريلج مايحب التغيير
الحل سهل جدا
اذا تبين التغيير غيري حق نفسج ولاتنطرين رد فعل منه او تتوقعين ان يعجبه بالدرجه اللي يعجبج وسوي هالشي عشان ترضين نفسج مو عشان تعجيبن زوجج
وبس

 

[أم عزيـز]

اذا مايبي تقصين شعرج او تصبغينه مالج الا انج تحطين باروكه
يمكن اذا شاف عليج القصه بالباروكه يقتنع بالتغير ويقول وايد حلو عليج !!

لان في رياييل جذي يخافون التغير يكون مو للأفضل واساسا اهو عاجبه شكل مرته فما يبي تغير شي عاجبه

 

[Perfume]

عادي حبيبتي انا ريلي ما يرظى اقص شعري ولا اسوي تان ومثل زوجج يعتبر الخزامة واكثر من ترجية بالاذون حركات جيب
المشكلة انه زوجج يهاوشج لو سويتيها يعني ماقدر اقولج سوي عشان نفسج
انا احب اقص شعري واقنعته جم مرة بالمساحل والدلع واطلع صور قصات اقوله خل نختار مع بعض وجذي ليما يقتنع
ودوريلج طرق تغيير ستايل يكون راظي عنها

 

[مجبوس دياي]

السلام عليكم
بالعكس معناته زوجج عاجبه شكلج من قدج يابختج لو ماكان عاجبه بيقولج سوي جذي وجذي
اهو شكله يحب الجمال الطبيعي اللي الله خلقج عليه من غير تغير
نفس مرت ولد عمي زوجها حتي صبغ وعدسات ومكياج مايرضي تحط ترا عادي طبيعي
وشوفي بالنسبه حقج تقدرين تلبسين عدسات اذا رحتي زواره اهو موموجود فبها خليهم بالجنطه معاج او اذا سافر حطي نقش حنه وسوي اللي بخاطرج وكل شي تسوينه صوري بجهازج حقج حق نفسج وان شالله مع الايام يتغير
انا مرت عمي زوجها ماكان يرضي تحط مكياج والحين خلاص عودته عالمكياج وعلا كل شي واذا يوم ماحطت مكياج يقولها شفيج مريضه ...

 

[Gifts&Occaions]

خلج على طبيعتج وبين فتره وفتره غيري بس لا تبالغين خلج ناعمة

 

[شادن33]

يمكن مع الايام يحب خصوصا لما يشوفه حلو عليج

 

[جذابه بنت ذيابه]

حبي نفسسسج يحبج .. غيري من نفسج لج مو تنطرينه يقول حلو او لا
سوي اللي تبين لنفسسج .. مع الايام بيتعووود


اغلبهم جذي !

 

[WAAAW]

دام انه ما يحب .. واااااااااااايد رياييل جذي

شتسوين امرج لله وارضي بالامر الواقع

 

[حبيبي مالكني]

شوفي انا ريلي اذا سالته وقلت له ابي اغير من ستايلي ما يرضى
بس انا اغير ماعلي منه
لان التجديد يفيدني ويفيده
وفي الاخير اذا طلع حلو يستانس

 

[الأميرة جوري]

شوفي شنو يحب سويله ...مو العكس

 

[ام زهقانه]

انتي تحبين تغير
ورجلج ما يحب خلاص ارتاحي وفري افلوسج

 

[!الجادل الصعب!]

انا م يحب هالشغلات خصوصا القص والصبغ
بس انا ماخلي شي بخاطري كيفي كل شي حلو علي ��

 

[رمش الغلاااا]

انا اقول سوي اللي يعجبج مو اللي يعجبه اهم شي عاجبج وبس

 

[عسل مرت قيمر]

سألي انزين شنو الاشياء الي يحبها

 

[فديت اللي أحبه]

السلام عليكم
بنات عندي مشكله اهي مو مشكله كبيره عادية بس ان وايد مضايقني
ريلي مايحب اغير شي بشكلي ! ابي اغير ستايلي واغير شكلي مايعجبه!
حطيت عدسات معنه احلى علي ما يحب
مايرضى اصبغ شعري ولا اقصه
مره سويت تان جان انزف
حطيت تاتو حنه بريلي جان يقول لاتسوين جذي مره ثانيه هالستايل حده جيب ! قص ويهي
قلتله بحط خزامه مارضى
رحت الصيدليه قضيت اذوني على شان احط تراجي فوق بعض شكلهم ناعم ماعجبه
بعرف بس انا جذي ولا صج اكو رياييل جذي ؟؟ وشلون تتصرفون وياهم ؟؟
مادري شسوي احس شكلي جذي راح يمل بسرعه واحنا تونا ماصارانا فتره طويله مادري اذا هالموضوع مكانه صح بس متوهقه

والله ي أختي نفس طبع زوجي بالضبط مايحب اغير بشكلي نهائي مايحب المكياج كلش ولا النقش وكل ماطنقرت ، قالي انا احب الشكل الطبيعي مااحب تلعبين بشكلج وملامحج ، قال اذا عشاني انا مااحب هالشغلات ابيج بطبيعتج ، بس الشيالوحيد اللي اقدر اسويه اللبس ابدع ، غيره مايعجبه .
وبصراحه ارتحت من الخبه دامه مايحب اكشخ لي طلعت بس وبالبيت شكلي مرتب وناعم لبسي بشقتي بجايم حراير
وقطنيه واهم شي الحمدالله بشرتي صافيه وبيضاء ومايحتاج غير الريحه العطره والحلوه تكفي  *

 

[مُتعبة]

في شكثر رياييل جذي ، أختي اسمحي لي بس حمدي ربج !

اتعرفين أنا لو شسوي { لا تعليق مع إني مخطوبة يعني مفروض احلى فترة ..

أحياناً أبجي اقول شنو هذا ما يحس والله شنو ؟

يعني زين إن ريلج يحبج مثل ما إنتي ولما تغيرين في نفسج شي يقولج لا

يعني يحبج بطبيعتج ، الحمدلله ~ يعني حتى لو ودج تغيرين شي في نفسج

لا تغيرين الشي بهدف إن يعجبه لأن باين يحبج مثل ما انتي

والله يسخره لج ويسخرج له ويوفقكم يارب :*

 

[RanoOosh88]

هذا معناها انت عاجبته على طبيعتج خليه يشبع من شكلج لان توكم جدد وبعد فتره ابدي اسأليه شنو يحب وغيري شوي شوي وفيه رياييل ماتحب سوالف التاتو والخزامات انا بعد والله هذه معاناتي بس سوالف الصبغ والشعر لا غير رايه ويستانس اذا غيرت

 

[pusy cat]

مالج شغل فيه سوي هالشي لنفسج ولا تسألينه شرايك بهالشغله او ودي اسوي الشغله الفلانيه

واذا قالج مو حلو قولي عاجبني انا احب جذي

ولا يغرج انا اعرف وحده زوجها يقولها لا اتمكيجين احب شكلج جذي وقعدت ما تتمكيج وبالاخير قام يطالع البنات اللي يتمكيجون

استمتعي بأنوثتج وسوي اللي تبينه مالج شغل فيه مو من حقه يمنعج واذا بتسوين شي لا تفكرين يعجبه والا ما يعجبه لا سويه لنفسج

 

[! بــدويه وآآيــد !]

،


انا جري كنت حاطه خزامه وشالها لي
ومايرضى بالتان نروح البحر يحط تان وانا يمه مايرضى حتى ارش على صبعي @@
اشتريت انبولات وخشيتهم عنه وقعد يفتش باغراضي يدور الاستشوار ولقاهم وراح بيقطهم بالزباله يقولي ابيج طبيعيه لاتحطينهم خير شر !!
ياويلي ياسواد ليلي لو اقص شعري مره بس سويتها وحددت اطرافه وقصيت قذله وهو الي موديني الصالون يقول قصيتي حيل اشرها علي الي مطاوعج وموديج طلع التحديد والقذله من خشمي :/

وبعد فتره بكون نفاس يقولي مو تسوين مثل الحريم تغيرين بشكلج ردي لي مثل ما انتي :|