اكو وحدة اضعفت بالحمل ؟

[om la6ofa]

بنات فيدوني بتجاربكم ااكو وحدة اضعفت و اهي حامل ؟
او عل الاقل لم اولدت صارت اضعف من يوم احملت ؟
الحمدلله عل كل حال بس انا كنت اسوي رجيم و قاعدة اضعف و الحين حملت صج صج مليت من المتن و المشكله اني احب ارضع فترة طويله فا مافي مجال رجبم قاسي
فا منو عندها تجربة اب هل موضوووع؟؟؟

 

[باربي لكويت]

أب اب
لعيونج


ماعندي خبره انشالله البنات يفيدونج

 

[om la6ofa]

ماشكورة باربي الله اقومك بالسلامة

 

[فرفشه منعنشه]

رد : اكو وحدة اضعفت بالحمل ؟

ههههههههههههه انا ام لطوفه واضعف حيل ووزني ما يزيد الا وزن المشيمة ووزن البيبي ومن اول وزني نفس ما هو واضعف بالاربعين شوي من التعب ويارب يقومج بالسلامه بس لاتسوين رجيم واتنتي حامل لان جسمج يفقد وايد نصيحه لاحقه على الرجيم بعد الاربعين :hjy5jewf:

 

[Petite]

رد : اكو وحدة اضعفت بالحمل ؟

ماعندي فكره

up up

 

[ʍ!ʂʂ ɑӀƙɑժվ~❁]

رد : اكو وحدة اضعفت بالحمل ؟

انا جذي ودي اضعف واخاف الكل يقولي لا

الجنين لازم يتغذى عدل

ياليت اللى تعرف اول جربت رجيم الحامل تفيدنا

 

[om la6ofa]

اخخ يا فرفشة ما واطن التفاخ قاعد احاول قد ما اقدر اخفف اشو بعد انا هل حمله شهيتي مانفتحت
ابناتي كل يوعانا بس الله اتمم و اضل جذي صج يا حلو الحامل و اهي ضعيفة

 

[om la6ofa]

ام غمازة حاولت اسوي رجيم مكتوب بس تر صعبة لان مو كل حزة تشتهين يعني مايصلح انا وايد انام بدون عشا ما اشتهي بس كلش ما احس اني ضعفت

 

[غلاي غير]

النسات الجايده هي اللي تضعف والا الباقي اكيد بتمتن الا اذا طبيعة المراه نفسها بالحمال تضعف

الا اذا حاولتي تسوين رجيم الحوامل بس هالرجيم يثبت الوزن وماتزيدين الا وزن البيبي واللي حوالينه

 

[q8 knosha]

رد : اكو وحدة اضعفت بالحمل ؟

انا قبل ماحمل كان وزني 63 واخر شهر ليي شفت وزني كان 83 طبعا 20كيلو زااااايده كنت احاتي شلون بنزل الوزن

بس يوم ولدت بعدها بسبوع شفت وزني كان 75 يعني نازله 8كيلو

والحين بقالي جم يوم وخلص ل40 بس خايفه اشوف وزني لووووووول ماودي اشوفه

بس لاعادي يرد الوزن بعد ماتولديين :friends:

 

[انا حبه للابد]

رد : اكو وحدة اضعفت بالحمل ؟

روحي دكتور ربيع اللي بمجمع الخليجيه شاطر اب هالسوالف:rerrerek:

 

[..، شهوده ..،]

ما في حامل تضعف

على الأقل تزيد وزن البيبي والمشيمه لااااااازم

والرضاعه الطبيعيه اذا مستمره عليها 100% وااااااااااااايد

راح تضعفج

 

[الجوريq8]

اي انا كان وزني قبل الحمل 60 والحين صار 54 يعني نزلت 6 كيلو :rerrerek:

 

[om la6ofa]

مشكورين بنات ماقصرتو
ماشاالله الجوري اب صحة و بعافية انشاالله :wqedqw:

 

[كويتيه مذهله 87]

لا تفكرين انج تسوين رجيم وقت الحمال هذي نصيحتي لج
بعد حامل وعذر معاج اكيد بتمتنين وان شالله اذا ولدتي تضعفين والرضااعه تضعف منو قالج غير هالحجي يراجع الدكتووور
,,,

 

[++The DuchesS++]

انا بحمالي اضعف ببدايه الحمل من النسات
عقب الخامس ابتدي ازيد شوي شوي
بس جسمي ما ينتفخ الحمدلله
مشكلتي بعد الاربعين انفجر وما اسيطر على عمري ليش ما ادري
مع انه المفروض العكس
تدرين انه الحامل المفروض تزيد 300 سعره على اكلها اليومي بس
واحنا ندب دب خخخخخ
اكلي الاكل المفيد الصحي ووخري عن الحلويات والوجبات والخرابيط
حاسه فيج لاني كنت اسوي رجيم ويوم وقربت للوزن المثالي حملت
حسيت باحباط اول حمالي :cxxxp:

 

[q8 83]

واااااااااااااي سكتي

انا بالاشهر الاولى من النساة اضعف و مابي اقولج جم يوصل وزني

بس لاتعتقدين ان وناسه لان ماكوا صحه صج انج تكونين خفيفه و ما يطلع لج بطن بسرعة بس النساة تذبح

و بعدين ازيد بس وزن البيبي و الماي و لي ولدت قطيتهم الحمدلله

بس ماكوا صحه وماكوا حليب عشان ترضعين البيبي >>> انسي موضوع الرضاعه بس تطلعين من الاربعين جسمج شي

 

[أم عبود 2011]

رد : اكو وحدة اضعفت بالحمل ؟

آنا الحين بالسادس الحمد لله ومو زايد وزني إلا 300 جم بسسسسسسسسسسسسس من حملت للحين

عيل وين وزن البيبي والرحم والمشيمة والصدر ؟

تقول لي الدكتورة أي زيادة بالبيبي ومشيمته وحجم الرحم قاعد يقابلها نقص بوزن جسمي
لدرجة ويهي صاااااااااااااااير يلوع الجبد طوييييييييييييييييل وخدودي فشوا
عندي فقدان شهية للأكل موووووووووووو طبيعي أصلا من قبل الحمال وآنا جذي
الدكتورة بتين مني تقول المفروض على الأقل تزيدين 2 كيلو بكل زيارة آنا العكس
بس الحمد لله بصحتي وعافيتي لأني قاعدة أعوض قلة الأكل بالفيتامينات وشرب الحليب واللبن خالي الدسم طبعا بجنووووووووون
وإن شاء الله بعد الولادة برررررررررررررضع من قلب بخاطري أضعف أكثر وصج صج صج الرضاعة الطبيعية أفضل من مليوووووووووووون دكتور ورجيم بس يبي لها صبر وطولة بال

ربي يسهل لج أمورج ويتمم عليج وعلينا

 

[om al ghaleen]

الحامل ماتسوي رجيم بس تتبع نظام غذاء صحي يفيدها ومايضر البيبي
وحتى اللي ترضع حرام تسوي رجيم في انظمه صحيه تحافظ ع الوزن وماتزيده

واللي تضعف بالحمل من النسااه.. واعرف وايد يضعفون بالحمل ومااشاء الله مايتغير جسمهم
الرضاعه كفليه ترد لج جسمج مثل اول وعطني نفسج بعد الولاده 6 شهور "

\\

 

[sweety - Q8]

انا نساتي حدها قويه ونزلت باول 4 شهووووور وااايد
لاني كنت تعبانه وكنت يومياا بالطوارئ الله يعين
وللحين ماشوف وزني زايد وهذا مو زين لاني مو قاعد اكل
ودي اتمن شوي واكل عشان البيبي ​