اكمل عند الحموله ولا الشقه ابرك.. ابي الخبيراات ساعدوني

[اندرويديه]

السلام عليكم
يا اغلى خوات بالدنيا بغيت استشيركم مشكلتي باختصار اني ساكنه مع
اهل زوجي من 4 سنين بغرفه وصار عندي يهال وريلي مخيرني اما يبني فوق
البيت وتطلع شقه حلوه وراهيه ولا اطلع بشقه؟؟

المشكله اخاف اتحسف انا مو عارفه ابي تجاربكم وين الاحسن
ساعات احس ابيت الاهل مالي خصوصيه بس يمكن تفرق بالشقه؟؟؟
واخاف نطلع واحس بالوحده ومصاريف تكسر الظهر وتعب بروحي
مع ان ساعات مشاكلي خفيييفه مع اهل ريلي بس ان مالي حياة بروحي ومادري اشرايكم محتاجتكم

 

[ملاك الغيد]

بيت الحموله افضل خصوصا لي بغيتي تطلعين تخلين عيالج ولاتحاتين مومثل الشقه برى تخافين وماتحسين بالامان

وطبعاً هذا يعتمد على حمولتج طيبه ولا توقف على صغاير الامور

 

[randomy]

شقه برا ابركلج

 

[ام حسون24]

اذا الوضع المادي ضعيف ابني شقه ابركلج الان الاجارات نار وخلي بابج طلعته بروح


 

[جـــواهر]

بيت الحمولهه راحه ماديه
والشقه الخارجيه راحه معنويه

اذا انتي النوع المسالم المطنش نصيحه خلح عندهم الاجارات مرتفعه

 

[كويتية بروما]

والله البناي بيكلفه الفلوس اللي بيبني فيها سافري واستانسي وطلعي بشقه والله الواحد ينام يوعان ولا ينام منقهر ومحتر
باجر لا بنى عند اهله وقط الفلوس لو تبوسين كوعج انسي يطللللعج من عندهم وانتي مو ضامنه اليوم مشاكل خفيفه باجر مشاكل جايده
الله يوفقج

 

[••غـلآًهْـم••]

انتي ادرا بوضع البيت عندكم


وانتي ادرا براحتج

محد يقدر يفيدج والله


نصيحه استخيري لاتتحسفين

وموضوع المصاريف هينه اهم الراحه النفسيه

 

[وصايف4]

انا افضل تبنوون شقه راهيه لكم بالبيت ولها مخرج منفصل يعني مالها شغل في بيتهم
لان الايجاارااات تقص الظهر حرااام تقطوون فوق 400 دينار وعندك حل ثاني

 

[لمى الهاجري]

شوفوا لكم شقة بس توسعكم وتكون جنب حمولتج عشان اذا طلعتي تحطين عيالج عندهم

 

[[ نور عيني ]]

-



شوفي حبيبتي
دآم آن مشآكلج مع حمولتج خفيفه و نوعا مآ عآديه
و آنتي مرتآحه معآهم ..
آنآ آقولج آبنو فوق آلسطح دور كآمل ولكم درج خآرجي ودآخلي
على شآن لآ بغيتي تطلعون على رآحتكم وجنكم مآخذين شقه خآرجيه
لآن بصراحه آلآجآرآت شوف عييينج تكسر آلظهر
و آذآ زوجج بيتعب مآدياً من آلبني ترى آهي فتره وتعدي وبعدين رآح ترتآحون ..
خصوصآ آن لكم دور معزول بحيث متى مآبغيتي تنزلين لحمولتج نزلتي
وهم متى مآ بغيتي تطلعين آنتي وزوجج وعيآلج محد يشوفكم ويسآلكم وين رآيحين ورآدين ..
وهم نسبه آلخصوصيه كبيره وعآليه آقدرهآ لج ب 80 % ..
وبآلنهآيه آنتي آدرى بحمولتج هل يستآهلون آن ينقعد معآهم ولآ تطلعين وترتآحيين :$
و بآلتوفيييييق حبيبتي ..







..

 

[لذيذة]

الشقة حرية وراحة بااال
بس بنفس الوقت تحسين معزولة عن الحمولة وسوالف وايد تصير ما راح تدرين عنها
بس اهم شي راحة البال
بس المسوولية اكبر مافي احد تعتمدين عليه انت المسوولة
واذا بنا فوق مالج امل يطلع راح يسير بيت العمر
شوفي ريلج اهم الرياييل يحسبونها صح بالنسبة للمادة
واذا حمولتج طيبين قعدي عندهم ليش محتارة

 

[ترف بابا]

انتي الحين تقدرين تقيمين الوضع وانتي معاهم

واذا بيبني تتوسعون اكيد راح تكون لج خصوصية ترا

بالطبخ واللي يزورج - وبعد مع الناس أمان بعد الله

 

[اسيرة زوجها]

عن تجربه اذا عيالج صغار خلج ببيت الحموله ‏​ٱ‏​نـِْ♡̨̐ـِْا طلعت وتلعودت مصاريف واليهال ٢٤ساعه معاي تخافين تخلينهم بروحهم ودام حمولتج زينين قعدي ولا تكلفين ع نفسج بالبنيان ابني غرفه لج وللعيال وصاله ومطبخ وخلي الباقي حوش منها تخلين الجهال يستانسون وانتي بالشتا هم تقعدين فـِ♡ـيْ وارخص واوفر واول وتالي بيطلع لج بيت لا تكفين وتندمين وخصوصا اذا بتداينون عشان البنيان والله يوفقج ويرزقج

 

[انثى الكويت]

انا اقولج طلعي شقه احسسسن والله ماتدرين اذا قلبو عليج وانا ادري بنيان دور كامل بيطلع عليكم اكثر ١٣ الف دينار
شحقه شالله حادكم

واليهال بيكبرون وبيروحون مدرسه وانتي ماراخ تقطينهم وتطلعين ومافيها شي تقطينهم اذا احتجتي هالشي

والله اختي عندها مشاكل مع حمولتها معنها ساكنه بدور مو شقه ومدخل منفصل. بس المشاكل تيييه


خلج بعيد والخصوصيه اهم شي

وفي شقق مناسب سعرها بس تدورون عليها

انصحج بره

واستخيري

 

[حبيبي مالكني]

انا رايي تطلعين بشقة بروحج احسن لج
راح تحسين بالفرق صج
استقلالية وحرية وعدم تدخل من الغير
بس انتي فكري وشوفي سلبيات كل حل من الحلين واختاري الحل الي اقل سلبياته
خبرج الي يناسبني يمكن ما يناسبج والعكس
فكري عدل هاي قرار مصيري

 

[نـعـومـه]

روحي شقه احسن كلها جم سنه ويطلعلكم البيت حرام تبنون يبيله ميزانيه عدل

 

[الشهد كله]

حبيبتي نصيحة أخت

دام ما عندج مشاكل مع الحمولة

ابني لج شقة فوق بحيث تكون معزولة عنهم

تزورين حالج من حال الزوار

كأنج مأجرة عندهم

أقصد سلَم معزول مطبخ معزول

مالج أي صلة فيهم

اسم إنج قاعدة عند الحمولة :eh_s(17)::eh_s(17)::eh_s(17):

عالأقل تييج طلعة ولاَ سفرة ولاَ أي مشوار

تأمنين على عيالج وهم عندهم​

 

[اناظرك وكلي حزن]

انة بعد رايي في شقه افضل

 

[Um Tuki]

روح بعيد وتعال سالـــــــــــــم !!

 

[يمامة أيوب]

انتي قيمي الوضع لج 4 سنين اكيد عارفه حمولتج اي نوع و قرري بعدها يعني لاتفكرين بس وين بتقطين عيالج

الوحده اهم شي عندها الخصوصيه و عدم التدخل في الطالعه والنازله .. بس مرات اليهال يتضايقون من حكره الشقق

كل وحده اهنيه تعطيج اللي يناسبها هي وحمولتها انتي قرري اللي يناسبج

انا رايي اهم شي عندي الخصوصيه لو ريلي قادر على البنا لو يبني كل شي يكون منفصل عنهم مكان وسيع يكفينه محد يتدخل ومولازم يعرفون كل شي تاخذين راحتج لا بغيتي تقعدين بروحج قعدتي لا بغيتي تنزلين لهم بعد لج الحرية نفس الشي اليهال عندهم بيت حوش يلعبون ما يبتعدون عن اهلهم

لكن لو ما يقدر صراحة اشتري راحتج و اطلعي بشقه بروحكم تكون واسغه مو حكره

الله يوفقكم