اكمل خلطاتي ولا لا ؟ يهنمي رايكم

[كل همي رضا ربي]

صباح الخير لاحلى خوات حبيت اخذ رايكم بشغله @ شعري خفيف و من جدام تبان الفروة من شهين بدات احط الصبار و بعده السدر و رفيجتي الله يجزاها خير مصرية اعطتني بخاخ اسمه تريس و الحين استخدم خلطة الجرجير و الثوم و سدر و مسمار مطحون حطيتها مرتين و حسيت حرارة بفروة راسي و صراحه للحين ما فيه نتايج مرضية و واضحة عشان جذيه بغيت اخذ رايكم اخاف تعبي على الفاضي و لكن كل الحب و التقدير و انشراح الصدر و تفريج الهم و قبول الدعاء بأذن الواحد الاحد بأنتظار مشورتكم

 

[ma mo me]

أنا أقوول السدر وااايد زين
بالنسبة حق خلطتج الي بالسدر ما أدري عنها و أتمنى البنات يفيدونج

 

[آبـلـہ نـونـو]

مآ جربتهُم

بس مبين من آلمكونآت حلوة .!

و أهم شي إنج تتقيدين و آلصبرررررررر ،

..

 

[المتـ ف ـائله]

استمري على السدر والحنا وحطي معاهم فصه ثوم واعجنيهم بماي الجرجير مع شوي ملح خشن << طبخه مو حنا هههه

بس والله انصحج فيهم انا الحين مستمره عليهم وشفت نتايج مرضيه وانا عرسي بعد شهر


واستخدمي سورسير من الصيدليه هم حلو


وموفقه حبيبتي

 

[*عهد*]

شلون اسوي ماي الجرجير

 

[foshia girl]

ربي يوفقج انشالله

مااعرف شي بالخلطات بس ماحبيت اطلع بدون تعليق

وموفقه

 

[miss angel]

رد : اكمل خلطاتي ولا لا ؟ يهنمي رايكم

حبيبتي مكوناتها وايد حلوه حق الشعر بالنسبة للجرجير ترى عجيييييب وحتى الثوم والمسمار والسدر معرووف

استمري فيها

 

[غير كل الناس]

استمري لين تشوفين نتيجه

 

[بنت الاحلام]

هلا حبوبه مو زين كل هذا تحطين لازم تمشين ع برنامج معين
الحراره الي براسج من المسمار لانه حار بطلي عنه

خلج ع السدر والصبار

والبخاخ بس

واستمري

 

[كحيله وفدعه]

حبيبتي اخذي الثوم وهرسيه بعدين حطيه سيده بالمكان الي تبين يطلع فيه شعر وهو بيحرق شوي .......... وانا اختج استمري لاتقولين ريحه


عاد اذا طلع ادعيلي دعوه حلووووووه

 

[جوك احلى جو]

اغلب المكونات اللي حاطتها حاره وايد لازم ينخلط شي حار مع بارد

جربي الخروع مع السمسم وفصين ثوم وحبة بركه بودره او زيت

حزمة جرجير مع روب او مع اي زيت ينظربون بالخلاط

 

[براءة الدنيا]

احذرى من المسمار ترى حار على الجلد لالالالالالالالالالالالالالالالالالالالالالالالالالا تحطينة ترى يفصخ الجلد اوعىىىىىىىىىىىىىىىىىىىىىىىىىىىىىىىىىىى

 

[$$درر والماس$$]

اذا تبين كثافه للشعرمو طبيعيه استخدمى دابر بس نفس طريقتى آخذ شور بعدين احط دابر والله العظيم ان خلت شعرى باروكه

 

[كل همي رضا ربي]

الله يزفق كل حبابيبي اللي ردوا و اللي قروا و ينولهم كل ببالهم طيب حبيبتي درر و الماس اي نوع استخدم دابر املا و جم المده

 

[فراشة العز]

أنصحك لا تحطين المسمار انا سببلي التهاب في فروة شعري

 

[كل همي رضا ربي]

هلا و غلا بأحلى كويتيات نسيت اقولكم اني بدأت اخذ فيتامين للشعر هير فيت و ان شاءالله يجيب نتيجة والله يشرح صدر و يسر امر كل من تقرا موضوعي و ترد بخلطات تكثف الشعر @ الله يرزقكم خير الدنيا و الآخره

 

[مرفا الذكريات]

حبيبتي اخذي نصيحتي واستمري على الصبار بس اهم شى انه يكون طبيعي لانه يعالج لصلع مجرب ومضمون استعمليه كل يوم وراح تشوفين النتيجه

 

[كل همي رضا ربي]

خواتي جزاكم الله خير نبي تجارب و مشاركات اكثر علشان الكل يستفيد

 

[عيون المهاا]

استخدمي حنه والله تجنن للشعر وذكره

رسولنا محمد صلى الله عليه وسلم

وبالتوفيق

 

[كااارميلااا]

حلو اللي قاعد تسوينه وبما نه حرقج يعني قاعد يحرك فيج شي بالفروه بس مو لدرجه الحروقه اللي تذبح انشالله البنات يفيدونج