اكل القواطي

[غنوة ستايل]

السلام عليكم

امس سويت محلبيه لولدي من حليبه نان
والذكار نسيت احط السكر . ما لاحظت الا لما شفت ولدي مو راضي ياكلها

اليوم وكلته روب مع عيش وطقيته بالخلاط .
و قبل شوي اكل سيريلاك . استانس عليه

بس ما يغني طبعا عن الحليب

المهم الاكل المعلب اللي يجي غرش
بطاط و فواكه وجزر

لو اخذت وحده وفتحتها جم تقعد معاي ؟
لان مره اشتريت البطاط و الله ما اكل منها الا ملعقتين مو اكثر والباجي قطيته . انتو مثلي ؟

 

[أحلى عيون]

اختي الاكل الي بالغراش لازم باليوم يخلص وحده


مايتم يعني يوم او يومين لانه اذا انفتحت العلبه على طول تطلع منها ريحه حموضه وموزين علي الياهل

 

[Tender Heart]

ماستخدمه على كلام امي مو زين .. انا اسوي لبنتي بطاط وجزر وبروكلي\ كوسا واحط معاه شوفان اخلطهم واحطهم بغراش واذا خلص احطه بالثلاجه يقعد لي اليوم الثاني بالكثير

 

[برميتا]

اخذي خضرا بطاط وجزر وقرع وعيش طبخيهم مع ماي أو عالبخار أفضل
وضربيهم بالخلاط ونطري خل يبرد شوي وحطيهم بعلب خاصة للبيبيات بالثلاجة
تكونين مغستلهم بماي حار ومنشفتهم
وكل يوم طلعي علبه وسخنيه بالمايكرويف وحطي معاه قفشتين روب ووكليه
وممكن يظل معاج بالثلاجة لمدة 4 أيام بس اللي يزيد من أكله قطيه

والغراش نصيحتي لا تستخدمينهم إلا للضرورة حق طلعة او مكان
وطبعاً من تنفتح الغرشة ياكل اللي ياكله وتقطين الباجي

 

[كـ غلا ــلي]

انا ما استخدم الاكل الجاهز مما منه فايده اذا كنت بطلعه ومستعيله اوكله القمح ميلوبا او الارز

 

[Q.8.h.2]

انا ما احب هالاشياء كلش احب اعطيهم فاكهه طازجه او بطاط انا اسويه افوحه مع جزر واهرسه واعطي البيبي
لان شلون بقى هالاكل مده بالغرشه من المواد الحافظه الحين الاطفال بهالعمر احنا نتحكم باكلهم فنعطيهم شي صحي لان باجر اذا كبرو ان شاء الله مانقدر عليهم دايما نقدر مره ومره لا واكلهم كله حلاو وبطاط وغيره الحين فرصتج والله كل شي طاااازج ومن ايدج والله وترتاحين نفسيا حق الاكل اللي انتي تسوينه
هذا رايي
والله يحفظ لج وليدج يارب

 

[مرايــــــــم]

الاكــــل الجاهـــز يـوم واحـــد
ويخــــرب

انــا اشتــري لبنتــي اللـــي
على فواكــــه

 

[غنوة ستايل]

جزاكم الله خير والله اني ماكنت مقتنعه بسالفه اكل الجاهز والحين زدتوا عدم اقتناعي

 

[ثلج ابيض]

مثل ماقالوا البنات اطبخي له وحطي بغراش ولطلعتي اخذي له من اللي سويتيه وبعذره مااكل منه انت ذويقه يلوع الجبد القواطي ممكن تعطينه اللي بالفواكهه اطعم

 

[أنفاسي دخون]

اللي بالقراش ما اغامر واعطيه عيالي كله مواد حافظه تضر البيبي

يا حلو اللي نسويه بالبيت ضامنين نظافته

 

[غنوة ستايل]

انزين الغرش المستخدمه من وين تجيبون الحجم الصغير ؟؟

 

[hneen2]

حبيبتي سويله الخضار والعيش بالبيت اضمن واصح

الغراش مايضل الا نص يوم بعد الفتح موزين

انا اعطي بنتي الغراش علي تفاح بس اذا كنت طالعه عالسريع اما باجي اكلها انا اسويه بالبيت اضمن

 

[sara_77]

مكتوب على العلبه اذا يظل يوم او يومين