اكل القطط ساعدوني

[حواء الكون]

بنت عبد الغني شربت ..... بما انج تعرفين للقطاوه


الله يخليج


القطو عندي نفسيته تحت.... مع ان نحبه ونسوي له كل شي


الاكل ابي انوع له ...... ما يحب الا معلبات القطاوه كلش كلش

دجاج ياكل

بس سمج ما يواطنه ولا الاكل البحري اول مره اشوف قطو مثله مايحب بحري


شسوي ابي شي يزيد وزنه نااااقص وزنه طعمته اليوم بس وزنه نازل حتى الدكتور يقول

اكو شي للجلاب اسمه ( فيتامينوبروتين ) يزيد الوزن ومغذي

بس مادري لو القطط لها او لا

بليز ساعديني

ابي انوع له اكله والله اخاف يموت من الاكتئاب

وآسفه عالازعاج بس انا سألت الدكتور ما جاوبني كفايه

 

[AmOoNa-]

لالا انشاءالله مايمووووووت لاتخافيييين

ومثل ماقالج الدكتور في فيتامينات حق القطاوه تنباع بالبيطري او الصيدلايات البيطريه

وبالنسبه حق الاكل انا افضل انج تعلمينه عالبسكووووت وبس لانه مخصص حق القطاوه وفي كل القيمه الغذائيه الي يحتاجونها ولاتنسين الماي خاصه بهالجو وفي شغله يسمونها treats او lickin's حق القطاوه يحبوووووونها اشتريله ياها راح يستانس عليها تقدرين تعطينه جم حبه منها باليوم وفيها فيتامينات بعد تلقينها بمركز سلطان

وبالنسبه للسمج والحليب هذي معلووووومه غلط اثنينهم موزينين حق القطاوه اثنينهم يطيحون الشعر والحليب ثقيل على معدتهم وفي احتمال يسبب دود

انتي شالي محسسج انه مكتئب؟؟ يمكن اهو طبيعه جسمه جذي انا اللي عندي ياكل او ماياكل ضعيف معنه حجمه كبير وبعد ماسويتله عمليه التخصيه شوي شكله صار امتن

 

[بنت عبدالغني شربت]

في مستشفي الدهماء البيطري في الري

عند دكتور جوزيف خليه يعطيه ابر احسن تفتح الشهيه وتغذيه بنفس الوقت

وبالنسبه للاكل لولو ماركت ومركز سلطان اكثر اماكن تلقينه عندهم نوعيه

وكثري من البسكوت

 

[حواء الكون]

وااااااااي فديتج فديتج فديييييييييتج الله لايحرمني منج ماتتخيلين حالتي اليوم بجي وحاله

عشان نفسيته تعبانه من الحلاقه حسبي الله عليهم

المهم حياتي انا ابي اشياء تحفز نمو شعره ماتتخلين شعره اشلون كان غزير ايننننننن جنا اسد

لو احط لج صورته تشوفينه

بس الحين خلوه قرعه شالوا شعره كله مت قهر المشكله مو آنا اللي وديته اختي عشان جذي الدكتور سوا اللي يبي

والله لو انا يموت ما اخليه يشيل شعره

الحين ابي كثافة شعره ترد حراااااام ماتتخيلين شكثر متضايق لايعرف يقعد ولاينام ماكو شعر كلش

قلبي يعورني

 

[حواء الكون]

ناطرتج

 

[حواء الكون]

ابي شي يزيد وزنه


كاسر خاطري

 

[حواء الكون]

فيتامينات حق القطاوه تنباع بالبيطري او الصيدلايات البيطريه

شنو اسمهم ؟ وين الصيدليات البيطريه ترى ماعندي فكره


بخصوص الدكتور ما يفهم الا انجلش انا اوكى بالانجلش بس ماعرف اشلون اسأله اني ابي أبر تغذيه او فتح شهيه عشان يزيد وزنه ؟؟

اشلون اقولها بالانجليزي ؟ لو تعرفين تساعديني حبوبه تكتبينها باالانجلش اكون شاكره

 

[GAP^^الكبيرة]

حواء الكون... حبيبتي عادي يرد متغير شوي بعد الحلاقه لانهم يبنجونه وعشان جذي تحسينه ماله خلق

انتي نوعي بالاكل لا تعطينه نوع واحد.. ومثل ما قالت اختي لا تعطينه سمج او حليب وايد يطيح شعره
بس الروب اوكي.. نتفي روب وخبز مثل التشريبه وعطيه هالاكله تمتن
او سلقي له دياي او تيركي ونتفيه بيدج وخلطي معاه دراي فود وشوي ماي

في نصيحه عطاني اياها عضو مشهور اسمه قطو كويتي عباره عن 3 نقط زيت زيتون باليوم الواحد تعطينها للقطو شوفيه بعدين شلون بيصير شعره بيلمع وبيطول بسرعه وحتى صحته بتتحسن

وكل بيطريه الدهماء يفهمون عربي عدل

 

[AmOoNa-]

هلا حبيبتي
بالنسبه للشعر يطلع بشكل كامل بعد 6 اشهر تقريبا بس تره احسنله اول شي عشان الجو والحر الحين ثاني شي راح تطلعله فروه يديده وحلوه:ggdw:

وبخصوص الفيتامينات شوفي في صيدليات تصير قبل سوق الحمام يعني تخلين سوق الحمام على يسارج وحده من هاللفات الي صوب سوق الايرانين فيها صيدليات وايد دخلي اي صيدليه وقوليلهم ابي فيتامينات ومكملات غذائيه وبخصوص ابره فتح الشهيه مافي شي اسمه ابره فتح الشهيه اهي ابره فيتامين او شي جذي يعطيها القطو وتفتح شهيه بعض القطاوه لاني اذكر وديت الي عندي وقالي الدكتور هالكلام فمادري

بعدين شلون مايفهم عربي انتي وين تودينه؟؟ اذا الدهماء جوزف واندرو يتحجون عربي احسن مني ومنج D:

تعالي اهو جم عمره؟؟

 

[حواء الكون]

حواء الكون... حبيبتي عادي يرد متغير شوي بعد الحلاقه لانهم يبنجونه وعشان جذي تحسينه ماله خلق

انتي نوعي بالاكل لا تعطينه نوع واحد.. ومثل ما قالت اختي لا تعطينه سمج او حليب وايد يطيح شعره
بس الروب اوكي.. نتفي روب وخبز مثل التشريبه وعطيه هالاكله تمتن
او سلقي له دياي او تيركي ونتفيه بيدج وخلطي معاه دراي فود وشوي ماي

في نصيحه عطاني اياها عضو مشهور اسمه قطو كويتي عباره عن 3 نقط زيت زيتون باليوم الواحد تعطينها للقطو شوفيه بعدين شلون بيصير شعره بيلمع وبيطول بسرعه وحتى صحته بتتحسن

وكل بيطريه الدهماء يفهمون عربي عدل

تصدقين ماكنت عمري اتصور ان القطو ياكل خبز ولا بالاحلام واشوف بنات يقولون خضار بعد حدي انصدمت اشلون قطو ياكل خضار اشلون اقنعه ياكله ... !

اختي سؤال بس شنو اهوا دراي فود؟ عباره عن شنو ؟ من وين اقدر احصله اشتريه ؟

والف شكر وبحاول اطبق قطرات الزيت زيتون على اكله

:eh_s(8): تحياتي لج ياقلبي مشكوووووووره وايد وايد

ناطرتج

 

[حواء الكون]

هلا حبيبتي
بالنسبه للشعر يطلع بشكل كامل بعد 6 اشهر تقريبا بس تره احسنله اول شي عشان الجو والحر الحين ثاني شي راح تطلعله فروه يديده وحلوه:ggdw:

وبخصوص الفيتامينات شوفي في صيدليات تصير قبل سوق الحمام يعني تخلين سوق الحمام على يسارج وحده من هاللفات الي صوب سوق الايرانين فيها صيدليات وايد دخلي اي صيدليه وقوليلهم ابي فيتامينات ومكملات غذائيه وبخصوص ابره فتح الشهيه مافي شي اسمه ابره فتح الشهيه اهي ابره فيتامين او شي جذي يعطيها القطو وتفتح شهيه بعض القطاوه لاني اذكر وديت الي عندي وقالي الدكتور هالكلام فمادري

بعدين شلون مايفهم عربي انتي وين تودينه؟؟ اذا الدهماء جوزف واندرو يتحجون عربي احسن مني ومنج D:

تعالي اهو جم عمره؟؟

لا عمري انتي ماشفتي شكله والا نفسيته حرام ماخللوا شعر كلش

مشكوره قلبي على التوضيح لا خلا ولاعدم يااااااااارب

بس اختي تروح يم الدهماء ( دكتوره الخاص ) هناك بس مايعرف عربي اهوا آسيوي بس تعامله راقي

حبيبتي عمره سنه و 10 شهور راح يكمل سنتين

ويعطيج العافيه

 

[AmOoNa-]

الدراي فود اهو البسكوت

شوفي دام تبينه يمتن سوله عمليه اخصاء واي صح على قولتج مستشفى الري الي فيها مايعرفون عربي

 

[توته_ الحلوة]

بنات بسألكم مستشفى الدهماء غير عن مستشفى الري البيطري ؟؟؟؟
ااانا اليوم وديت قطوتي لمستشفى الري البيطري اللي يم شرمبي وكان تعاملهم راقي جداااا وطعمت قطوتي وعطاني دفتر تطعيمات ..

 

[قلم رصاص]

السلام عليكم

شلونكم خواتي ...

تدرون انا اليوم بس دريت ان في بوابه لهواة الحيوانات

بالنسبه حق مستشفى الري ميزته انه كبير ومو مزدحم وبكون مفتوح الظهر مايسكر بس أسعارهم أغلى من مستشفى الدهماء

والدهماء يكون مجابل سوق الحمام والحين قاعدين يكبرونه بعد والدكاتره الي فيه زينين ما شاء الله والأسعار أرخص بس دايما مزدحم وانا اتعامل مع دكتور جوزيف

بس اذا كانت حالة قطاوتي مستعصية اضطر اني اروح مستشفى الري

 

[pineapple]

دايما اشتريلهم ماركة ويبستر بالكبد والقوانص -- بالتركي --- بلحم البقر --- بالسمك


وانا احطه للقطاوة ودي اكله ريحته حلوة

 

[pineapple]

وفي لهم كورن فليكس تحطينه مع الحليب مدللين قطاوتنا

هذا للريوق والعشا خل تسوي رجيم ترى يسمنون على هالأكل بسرعة

 

[soo_soo]

حؤا هذا سايت عن قطااؤه انا دخلته اليؤم ؤحست فييه
ؤالله فيه مؤاضيع عجيبه عن القطاؤه ؤاشياء مهمه لصحه ءاكل نظافه ؤالخ

http://www.cat4arab.com/vb/

 

[Me Myself & i]

حبيبتي انتي شنو نوع قطوج ؟؟

اذا بيكي فيس .. اللي يصير خشمهم صاعد عند عيونهم و حجمه صغير ..ترى بعضاتهم تكون شهيتهم خفيفه و ماياكلون وايد و فترات نومهم طويله طبيعتهم جذي
أنا عندي قطوه بيكي فيس و اكلها قليييييل جدا جنها كتكوت تاكل شويه و بسرعه تشبع لكنها ماشاء الله دبدوبه .. امتن قطوه عندي

شوفي هذي صورة البيكي فيس



وبالنسبه للفروه لا تخافين ابيطول ان شاء الله بس حافظي على نظافته و سبحيه ابشكل منتظم حتى لا تييله فطريات ابجسمه و تسببله تساقط و حكه
و احسن اكل اهو الدراي فود اللي اهو الاكل اليابس اتشوفينا عند اكل القطاوه بالجمعيه يبيعونه في علب مثل الكورن فليكس .. بس لازم على طول يمه ماي نظيف لان يعطش

اي و بعد يفضل انج ما تعطينه حليب ابكثره حتى لا يجيله اسهال و اذا حبيتي تعطينه عطيه حليب قليل الدسم و ابتعدي عن البودره

 

[ام مسااعد]

حبيبتي انا هانكس قطوي اللي كان عندي وانطرد يوم تزوجت بفترات الصيف لازم يحلقون شعرة عشان الحر ويوم وديته بنجوه وحلقوه وقعد يومين موطبيعي وقعدت ابجي وحالتي لله وصارت فيه حاله نفسية يطالع روحة بالمنظرة ومنصدم تعرفين شنو تحطمت تحطيم!!

وماقام ياكل مثل قبل بس اشوي شوي انتي لمن تهدينه وتمسحين عليه وتدلعينة يرد مثل قبل واحسن وحتى شعرة يرد رووووعه

لاتتظايقين ولا تحسسين من الموقف وبرد مثل قبل واحسن

 

[ملوكة]

انا عطاني البيطري فيتامينات للحين ضعفانة ما ادري يمكن موسم تزواج من جذي تضعف