شلونكم حبيباتي اليوم 2 باذنجان متوسط الحجم مقطع شرائح رفيعة بالطول 1 طماطم مقطع صغير 1جزر مبشورة 1بصل مقطع صغير 1بطاطس متوسطة الحجم مقطع صغير 100جرام (10 شرائح) بسطرمة بدون ثوم مقطع صغير 1معلقة كبيرة زبدة ملح و فلفل معلقة كبيرة كارى معلقة صغيرة خل للبشاميل : 2معلقة كبيرة دقيق 1معلقة كبيرة زبدة 1/2معلقة كبيرة زيت صويا (أو زيتون او عباد شمس) 1مكعب مرقة دجاج 1كوب مياة 2كوب لبن 1مثلث جبنة نستو 1معلقة كبيرة كاتشب 1معلقة صغيرة قشطة ملح وفلفل التحضير:غسلت الباذنجان كويس جدا و قطعته شرائح رفيعة بالطول و رشيت عليه شوية ملح علشان يطلع المياة اللى جواة و سيبته حوالى 10 دقايقالطبخ: شوحت البصل فى طاسة سخنة مع معلقة الزبدة و رشيت عليهم الملح و الفلفل و الكارى و الخل و بعدين زودت عليها البطاطس (علشان البطاطس بتحتاج تستوى اكتر من باقى الخضار اللى فى الوصفة) و بعد كده أضفتلهم الطماطم و الجزر المبشور و البسطرمة لمدة 5 دقايق تقريبا .. نقلتهم فى طبق يرتاحوا .. وبكدة تكون الحشوة بتاعتنا بقت جاهزة .
بمناديل المطبخ نشفت الباذنجان من المياة اللى طلعت منه علشان و احنا بنشوحه فى الزيت .
* فى نفس الطاسة السخنة اللى شوحنا فيها الخضار .. رشيت عليها زيت اسبراى
بعدين بدأت أسوى الباذنجان نص سوا
حوالى دقيقة للشريحة الواحدة مش اكتر من كده علشان لسة هيستوى معانا فى الفرن تانى .. نسيبه يرتاح على مناديل المطبخ
نسخن الفرن على درجة حرارة 200 او 220 .. لمدة 10 دقايق
* فى طبق نضيف نفرد عليه شريحة الباذنجان و ناخد كمية مناسبة من الحشوة اللى جهزناها من قبل .. و نلفها على بعضها .. نرتبها فى صينية واحدة واحدة لغاية اما نخلص الكمية كلها .. ندخل الصينية الفرن حوالى 15 دقيقة ..
فى الفترة اللى صينية الباذنجان فى الفرن .. نبتدى احنا فى الباشاميل .. سخنت معلقة الزبدة و الزيت و أضفت عليهم الدقيق مع التقليب لغاية اما تشوفى ان الدقيق امتص كل الزبدة و الزيت
*نسخن كوباية المياة مع كوبايتين اللبن و ندوب فيهم مكعب المرقة (لو حابة مرقة خضار او لحمة براحتك) و بعدين نضيفهم على الدقيق (طبعا بعيد عن النار لغاية اما يدوبوا فى بعض كويس اوى) مع رشة الملح و الفلفل و معلقة الكاتشب و مثلث النستو و معلقة القشطة .. كله مع بعضه و ندوبهم مع بعض كويس .. و بعد كده نرفعهم تانى على النار مع التقليب المستمر .. لغاية اما توصلى للكثافة اللى تحبيها
نخرج الصينية من الفرن و نزود عليها الباشاميل و نرجعها تانى فى الفرن مع الشواية لمدة 5 دقايق تقريبا ..
صحتين وعافيه :eh_s(7):
