اكله تزيد من جمال طفلج الي ابطنج

[ام حاتم *]

السلام عليكم


بنات انا الشغله هذي سمعتها من حماتي و تقول ان لقتها بالسيره النبويه مكتوبه في شئ اسمه <<السفرجل >>
اذا كليتيه وانتي حامل يخلي البيبي مالج مزيون والله اعلم مدري اذا صج ولا غلط هل شغله انا قلت لزوجي يجيبه لي وقلت انه في وحده سمرا وكل اعيالها جكر بس في وحده من بناتها تقول اتجنن ملكة جمال لمى سالوها قالت انه كانت تاكل السفرجل بحمالها

 

[ღ TőOőma ღ]

والله توني ادري لو عندي خبر من قبل جان جربت ماوراي شي

بس ماكو فايده الحين جريب اولد

مشكورة حوبي صراحة معلومة يديدة علي

بنات جربوها وقولولي عشان اسويها المرة الياية
:eh_s(10):

 

[ام حاتم *]

رد : اكله تزيد من جمال طفلج الي ابطنج

الله يسهل عليج والله حتى انا امس دريت بس راح اجرب انشاء الله بس الله يستر لا يطلع طعمه خايس

 

[بندرينا]

رد : اكله تزيد من جمال طفلج الي ابطنج

بالعكس بنات طعمه حيل حلوو بس مشكلته قاسي شووي تلقونه بمركز سلطااان

لما تبي تاكلينه قصصيه صغااار واكلي قطعه قطعه طعمه حلوو تفاح على عرمووط (كمثرى)هههههههههه

 

[الــــغاليـــه]

رد : اكله تزيد من جمال طفلج الي ابطنج

اللحين موسمه اللحقي مركز سلطان متروووووووس,بس انا ما اعتقد هالكلام صحيح :bbbiu:

 

[ام حاتم *]

رد : اكله تزيد من جمال طفلج الي ابطنج

انا كنت نفسج مو مصدقه بس حماتي قرته بالسيره النبويه شنو في احسن من كلام الرسول بعد


زين اشوى انه حلو كنت خايفه يطلع مو حلو

 

[أم عبود 2011]

رد : اكله تزيد من جمال طفلج الي ابطنج

فعلا في حديث صحيح عن الرسول عليه الصلاة والسلام ياريت لو تتأكدون منه بعد أحسن علشان لا آخذ ذنب
ويجمل البيبي طبعا مع الاحتفاظ بجينات أمه وأبوه بس سالفة اللي عيالها سمر ويابت ملكة جمال مو لهالدرجة ترا ههههههههههههههههههههه

أهو ما يغير اللون أو الملامح الأصلية بس سبحان الله يقولون يعطي الويه نسبة جمال وحلا لا ننسى دور الجينات

وفي طب النبي (صلى الله عليه وسلم وصفات مهمة للسفرجل، فعنه (صلى الله عليه وسلم
كلوا السفرجل وتهادوه بينكم، فإنه يجلو البصر ويثبت المودة في القلب وأطعموه حبالاكم فإنه يحسن أولادكم).

والعلم عند الله

 

[ام سليمان 2008]

هالمعلومة يديدة :eh_s(10): ان شاء الله بجربه مشكورة :eh_s(7):

 

[باربي لكويت]

ايه انا سمعت عن هالشيء بعد عسى ربي يرزقنا بالذريه الصالحه يارب كامله الخلق والخلقه ياكريم وحلوين ومزايين انشالله :eh_s(7):

 

[chocolate&coffe]

رد : اكله تزيد من جمال طفلج الي ابطنج

ولا مرة سمعت فية :eh_s(10):

 

[ام حاتم *]

رد : اكله تزيد من جمال طفلج الي ابطنج

بس سالفة اللي عيالها سمر ويابت ملكة جمال مو لهالدرجة ترا ههههههههههههههههههههه


اي اسمحيلي مو انا قعده االف قصص عشان برفع من موضوعي

 

[بقلبك مكاني]

رد : اكله تزيد من جمال طفلج الي ابطنج

والله اول مره ادري واسمع
ان شاءالله الله يطعمني الحمال جريب واجرررب:yaaaaaarb:
​

 

[*سوسو ستار*]

بنات الحديث صحيح ولا لا ؟


يلا نجرب شورانا والله يحسن الخلق ان شاء الله

 

[شهر العسل]

اي كلام صحيح
واللي اعرفه انه يشقر البيبي
وحدة من رفيجاتي كلت وطلع ولدها اشقر مع ان لا اهي ولا ريلها شقر
و وحدة ثانية هم بنتها طلعت عيونها زرق وشقرا ماشالله تهبل
وانا كليت باول ٣ شهور لما قلت بس
انشالله لما اولد اقوولكم النتيجة

 

[غنـــــج]

حبيبتي اتوقع حديث مو من مذهبنا السني


لازم تجيكون على صحة الحديث ضعيف او لا


والله اعلم

انا سويت سيرج ما لقيت !

 

[ام حاتم *]

رد : اكله تزيد من جمال طفلج الي ابطنج

بنات انا توني قبل اشوي شريته و كليته اهو لونه اصفر طعمه مو خايس بس ناشف اشوي ما ورانا شئ ناكله

 

[& دنيتي عيالي &]

رد : اكله تزيد من جمال طفلج الي ابطنج

اول مره اسمع بهالمعلومه وانشالله راح اجرب

مشكوره يا قلبي ..:eh_s(17):

 

[ام حاتم *]

رد : اكله تزيد من جمال طفلج الي ابطنج

اتيت بما ياكد هذه المقوله




وقد روي في السفرجل أحاديث أخر. وأمّا ما يخص الجمال فقال رسول الله عليه الصلاة والسلام: " من أكل سفرجلة على الريق طاب ماؤه وحسن ولده".
وروى يحيى بن طلحة بن عبدالله عن أبيه قال: "دخلت على رسول الله عليه الصلاة والسلام وبيده سفرجلة فألقاها إلي وقال: دونكها يا أبا محمد فإنها تجمد الفؤاد".
وروى أن رسول الله عليه الصلاة والسلام "قد كسر سفرجلة وناول منها جعفر بن أبي طالب رضي الله عنه، وقال له كُل فإنه يصفي اللون ويحسن الولد".
ونظر علياً إلى غلام جميل فقال: "ينبغي أن يكون أبوا هذا أكل سفرجلاً ليلة الجماع". وقال ابن سيناء: "السفرجل يسكن العطش ويقوي المعدة".
وقيل: "إذا داومت المرأة الحامل على أكل السفرجل سيما في الشهر الثالث كان ولدها حسن الصورة وإذا انعقد اللبن في ثدي المرأة يطبخ السفرجل بالعسل ويوضع على ثديها يسكن ألمها ويزيل ورمها".

 

[Petite]

رد : اكله تزيد من جمال طفلج الي ابطنج

بعد اذا امه حلوه وابوه حلو مانحتاج السفرجل

لا كلامج صحيح وانا خالتي ام ريلي قالتلي هالمعلومه وقالت يقصونه صغار صغار ويأكلونه
وتوقعت ان الموضوع عن نفس الشغله

 

[really cat]

بنات تأكدوووو من المعلومه
الحديث صحيح ولا ضعيف

أخاف يصبببر العكس