اكلم شباب واهلي طاحو علي خمس مرات

[اسامي]

• السلام عليكم

ابي اتكلم وافضفض لكم واتمنى القا عندكم الكلام اللي يساعدني ويريحني
انا بنت عمري 26 سنة مدللـه وبعدي خمس شباب اصغر واحد فيهم عمره 16 سنة ،،
مشكلتي بدت قبل خمس سنين لما دخلت بعالم البي بي ام وصرت اكلم شباب وصار عندي فضول لهالتجربه
اول ما بديت اكلم واحد بعدها بشهر طاحو علي اخواني وصارت لي سالفه كبيره شوي شوي بدا الامور تتعدل مع اخواني وطلبت السماح منهم ووعدتهم اني ما اكررها
بعدها بسنة رديت سويت نفس الحركه وكلمت واحد ثاني وطاحو علي اخواني مره ثاني
من غبائي ومن حقارتي ولاني فعلا خبله
كررت هالحركه خمس مرات على خمس سنين
كل سنه اكلم واحد ويطيحون علي ا خواني واطلب السماح منهم ويسامحوني ويعطوني ثقه مره ثانيه وارجع اعيد نفس الحركه
انا والله ولا مره طلعت مع احد ولا احد شافني
علاقتي ما تتجاوز المكالمات واحيانا صور ،،
واخواني متاكدين من هالشي لان لو عندهم شك انه في احد بيوم من الايام مسكني يمكن انا ميتة من زمان
لكن انا حقيره والله ما ادري ليش ارد اسوي نفس الحركه
كل مره ارد اسوي نفس الحركه وما اتوب
وكل مره مع واحد جديد
اخواني صارو يكرهوني ويدعون علي بالموت الحين
اخر مره سويت هالسالفه قبل شهرين
بديت احس اني مريضه نفسيا
الحين انا ما عندي تلفون ولا سيارة ولا وظيفة وانحرمت من كل شي طبعا هذا المفروض يسونه معاي
بس والله انا ما اعرف ليش اسوي جذي
المشكله اني لما اكلم ادري انه محد راح يتزوجني ولا اكلم بهدف الزواج اصلا
اكلم بس عشان اضيع وقت واعيش حياة حلوه بنظري فيها شوية حب واهتمام
مع انه اهلي مو مقصرين معاي من هالناحيه لاني الوحيده فمدللـه ولا قاصرني شي
شسوي يا بنات علموني
خمس مرات اسوي هالحركه وخمس مرات يطيحون علي اخواني كل مره اكلم واحد غير
هل انا فعلا مريضه نفسيا
اخواني الحين يكرهوووووووووني والله من بعد ما كنت شي كبير بالنسبة لهم
صارو يشوفوني حقيرة وزباله
كرهت نفسي ومرات افكر انتحر خصوصا بهالفتره وهالوقت
خسرت كل شي خسرت ثقه اخواني واحترامهم لي خسرت اني اكون الاخت الكبيره لهم والام اللي توقف معاهم طحت من عينهم
ما اعرف شلون اوصف نفسي
والله ابي اتغير ابي ابطل هالسوالف
اخر واحد كلمته كان فيه كل شي تمنيته هو جاني وطلب اني اكلمه ولقيت فيه كل شي كنت احلم فيه طول عمري
فعلا هالشخص تمنيته
الحين احس انه عندي استعداد ارد اكلمه مره ثانيه بعد ما طاحو علي اخواني مع انه هو ما يدري عن هوا داري
واحس اني لو تجيني فرصه راح ارد اكلمه لاني فعلا حبيته
يعني الحين انا لا من اهلي ولا من حبيبي
هالشعور يخليني اكره نفسي زيااااده
شسوي
تعبت والله تعبت وابي ابطل افكر فيه وبغيره وابي اخواني يحترموني مثل قبل بس هالشي مستحيل

 

[الفجر البعيد 26]

اعتقد انه شي نفسي ... راجعي دكتور احسن والله معاج ....

 

[ظبية بوظبي]

اخوانش مصيرهم بيتزوجون ويمكن نسوانهم بيدرون وذيك الساعه بيحقرونش عدل وبتقولين يا ريت عدلت حالي قبل لا توصل هالمواصيل
المهم الله يزوجش واحد تجنين عليه

 

[كدوووية]

اطلبي من الله العون لا تطلبينه من أحد غيره سبحان قادر على كل شي ... الله يصلح حالك يا اختي ويفرج همج وتكونين على قدر ثقة أهلك و أ خوانك ... لا تيأسين من رحمه الله ... عليك بقراءة سورة البقرة لن تا خذ من وقتك الا 45 دقيقه ... داومي عليها ... الله يهدينا أجمعين​

 

[حدي أينن]

عورتي قلبي

الله يعينج حبيبتي ويرد ثقت اهلج فيج، بس دربالج لا يلعبون عليج شباب هاليومين.

 

[Pinky -cat]

انتي تعتقدين انه الكلام ويا شخص يساوي خسارة ثقة اهلج والوظيفة والحرية والسيارة وغيره وغيره ؟؟؟

بيعين كل هذول عشان كلام ويا واحد بالطقاق حياتي خيولي زين وتركي عنج هالامور الي ما منها فود.

وترا ما فيج مرض نفسي ولا شي بس يبيلج وقفة ويا روحج وورقة وقلم وسجلي الخساير وشوفي بنفسج

 

[اسامي]

مشكورين اللي ردو علي
بس اطلبكم تدعون لي ان اللي يهديني ويستر علي ويرزقني بالزوج اللي يعفني ويعوضني عن مصايبي وذنوبي

 

[مؤمنه بربي]

اختي انتي مومريضه ولانفسيه ولاشي
احيان الفراغ يسوي جذي او فضول او
لانج دخلتي هالباب خلاص ودج تكملين
ولمن انسان يدخل مجال يصعب عليه يتوب بسرعه فيصير يتوب ويرجع وهذه طبيعه البشر صدقيني
وشكثر يسالون المشايخ اتوب فارجع وهكذا ...
المهم انتي اللي ابيه منج الحين احنا برمضان توبي توبه نصوحه لله عزوجل والله مافيج الا العافيه لانفسيه ولاشي الشيطان قاعد يخدع حتى المتدينين والملتزمين والناس السويه هذا كله من الشيطان والنفس الاماره بالسوء ، فانتي محتاجه جهاد ومحتاجه صحبه صالحه تعينج عالحق انتي طحتي من عين اخوانج اهلج مومهم اهم شي فكري بربج شنو تكونين بعينه وليكن شعاره فليرضا عني الناس او فليسخطو انا لم اعد اسعى لغير رضاكا ارضي الله بيرضيج طيعيه بيعطيج وانتي الحين بموضع ذله تبين العزه وتذكري ان العزة لله جميعا/ تخيلي لو انج تستقيمين بالدين وتحفظين القران وتطلبين العلم شنو بيكون مصيرج والله ماغير عزيزه مكرمه وينظرونلج نظره احترام تدرين انا قبل لمن قررت التزم باللبس الشرعي اهلي ماكانو راضين ابد واصريت وكنت بمحنه شديده كل ماطلع وادخل بسج شنو هاللبس واصريت وكملت وبعدها بسنين قالي اخوي اكثر شي عجبني فيج لبسج الشرعي وثباتج وصارو يحترموني حيل لاني تمسكت بهالشي والحمدلله ربنا شكور كل ماتعطين يعطيج اكثر وازيد

 

[منيره آل ثاني]

مؤمنه بربي

كفت ووفت ما شاء الله

 

[اسامي]

اختي انتي مومريضه ولانفسيه ولاشي
احيان الفراغ يسوي جذي او فضول او
لانج دخلتي هالباب خلاص ودج تكملين
ولمن انسان يدخل مجال يصعب عليه يتوب بسرعه فيصير يتوب ويرجع وهذه طبيعه البشر صدقيني
وشكثر يسالون المشايخ اتوب فارجع وهكذا ...
المهم انتي اللي ابيه منج الحين احنا برمضان توبي توبه نصوحه لله عزوجل والله مافيج الا العافيه لانفسيه ولاشي الشيطان قاعد يخدع حتى المتدينين والملتزمين والناس السويه هذا كله من الشيطان والنفس الاماره بالسوء ، فانتي محتاجه جهاد ومحتاجه صحبه صالحه تعينج عالحق انتي طحتي من عين اخوانج اهلج مومهم اهم شي فكري بربج شنو تكونين بعينه وليكن شعاره فليرضا عني الناس او فليسخطو انا لم اعد اسعى لغير رضاكا ارضي الله بيرضيج طيعيه بيعطيج وانتي الحين بموضع ذله تبين العزه وتذكري ان العزة لله جميعا/ تخيلي لو انج تستقيمين بالدين وتحفظين القران وتطلبين العلم شنو بيكون مصيرج والله ماغير عزيزه مكرمه وينظرونلج نظره احترام تدرين انا قبل لمن قررت التزم باللبس الشرعي اهلي ماكانو راضين ابد واصريت وكنت بمحنه شديده كل ماطلع وادخل بسج شنو هاللبس واصريت وكملت وبعدها بسنين قالي اخوي اكثر شي عجبني فيج لبسج الشرعي وثباتج وصارو يحترموني حيل لاني تمسكت بهالشي والحمدلله ربنا شكور كل ماتعطين يعطيج اكثر وازيد

والله كلامج صح وكل كلمه قلتيها دخلت قلبي ،، والله ابي اتوب واترك هالسوالف ابي ارد مثل ما كنت اول انسانه ملتزمه واخاف ربي وابجي من خوفي من الله بس قلبي للحين ما احس فيه توبه للحين افكر باللي كنت اكلمه للحين اتمنى ارد اكلم واتمنى ارد اسوي اللي سويته كرهت نفسي بسبب انفصام الشخصيه اللي فيني مره ابي اتوب والتزم واترك كل شي ومره اقول بيني وبين نفسي راح ارد اسوي هالسوالف مره ثانيه
يمكن ما راح اتوب صج الا اذا تزوجت وجاني الزوج الصالح اللي يكون سبب بأن يغنيني الله بحلاله عن حرامه
والله يا بنات حتى اني مو قاعده انخطب مع اني جميله ومو ناقصني شي
يمكن من كثر الذنوب والمعاصي اللي سويتها
والله تعبت وصرت كل يوم ادعي على نفسي بالموت

 

[مؤمنه بربي]

الحين ودج تتوبين بس الشيطان بيرجعج للمعاصي
انتي اقعدي مع نفسج فكري بعقلج شنو اخرتها لو رجعتي له
تعتقدين انه صادق ويحبج من قلب وبيتزوجج لا حبيبتي مستيحيل جذابين ويقصون عليج وحتى لو صار زواج لا انتي ولااهو راح ترتاحون ماراح تتوفقون راح يبدا الشك والغيره وبعدين زواج من هالنوع باجر راح يخربط جدامج ولاترتاحين اخذيلج واحد تكانه يرزج يعزج خطبه تقليديه ريحي راسج بدل باجر يلعب فيج الوسواس اتركيهم بلا حب بلا خرابيط ،
روحي لربج يعطيج بدون مقابل ماراح تستفيدين منه شي هالشاب يبي يلوث شرفج ويلعب فيج ويقضي شهوته وبس

 

[طموحه بزياده]

الفراغ مصيبه لازم تلهين نفسج بشي

 

[اسامي]

اقتباس:
المشاركة الأصلية كتبت بواسطة مؤمنه بربي
الحين ودج تتوبين بس الشيطان بيرجعج للمعاصي
انتي اقعدي مع نفسج فكري بعقلج شنو اخرتها لو رجعتي له
تعتقدين انه صادق ويحبج من قلب وبيتزوجج لا حبيبتي مستيحيل جذابين ويقصون عليج وحتى لو صار زواج لا انتي ولااهو راح ترتاحون ماراح تتوفقون راح يبدا الشك والغيره وبعدين زواج من هالنوع باجر راح يخربط جدامج ولاترتاحين اخذيلج واحد تكانه يرزج يعزج خطبه تقليديه ريحي راسج بدل باجر يلعب فيج الوسواس اتركيهم بلا حب بلا خرابيط ،
روحي لربج يعطيج بدون مقابل ماراح تستفيدين منه شي هالشاب يبي يلوث شرفج ويلعب فيج ويقضي شهوته وبس



ادري والله العظيم ادري بكل اللي قلتيه ،، بس ادعي لي بالستر وانه ربي يرزقني بالزوج اللي يكفيني عن الحرام ويكون قرة عين لي لان والله اخاف من نفسي ومن شر نفسي والله متعبتني
ادعي لي الله يهديني ويثبتني
ياااارب

 

[اسامي]

اقتباس:
المشاركة الأصلية كتبت بواسطة طموحه بزياده
الفراغ مصيبه لازم تلهين نفسج بشي


فراغ عاطفي للاسف

 

[Tom ♥ Jerry]

فيج نقص و فراغ عاطفي للأسف، الله يهديج شغلي نفسج باشياء ثانيه ترا الدنيا فيها وأيد أشياء مو بس شباب تكلمينهم و يقزرونها عليج، لو تدرين هالشباب شيقولون عنج من وراج جان كرهتي نفسج

 

[تمره بحلاوتها]

الله يهديج ويستر عليج
اكثري الاستغفار