اكسترا ديرم ... وخرابيط الفلبن ><

[قصْر شآمخ~]

السلام عليكم ورحمة الله وبركاته ..

شخباركم بنوتات

حابة أتكلم اليوم عن تجربتي السيئة مع هالمقشر


أنا عارفة إنه هالشي يختلف من جسم لجسم

بس نصيحة بنات لا تلعبون بأعماركم واستخدموا أشياء طبية ومن الصيدلية حتى لو غالية

هذي صورة المقشر
أنا ظهري حييييييل حيل دهني .. من فوق بس منطقة الأكتاف وآخر الرقبة
أنا حيل استحي منه لدرجة إن كل ملابسي برقبة عالية
لأنه مبقع وحبوب ولونه يلوع الجبد
فقلت ما بينفعني إلا التقشير منها ينشف ويبيض ويشيل الآثار

وسمعت مدح البنات بمقشر اكسترا ديرم فقلت باشتريه وباشوف
طبعاً جربته
أول شي عادي ما صار شي ولا نشف ولا تقشر اسبوع وأكثر
بعدين قام يحرقني بعدين بدت حكككة مزعجة
وبعدها تحسس جلدي بشكل مو طبيعي حبوب صغااار يم بعض كأنه طفح جلدي
وقلت ما علي باستمر جسمي يتدلع ويتحسس بسرعة
شهر وبعدها لاحظت شي غريب
ويلوع الجبد :eh_s(2)::eh_s(2)::eh_s(2)::eh_s(2)::eh_s(2)::eh_s(2)::eh_s(2)::eh_s(2):

ظهري قامت تطلع منه ريحة :eh_s(2):
تخيلوا بنات ريحة مدري شلون صايرة :eh_s(2)::eh_s(2)::eh_s(2)::eh_s(2)::eh_s(2)::eh_s(2)::eh_s(2)::eh_s(2)::eh_s(2):

والحين مو عارفة شاسوي قاعدة استخدم اسكنول وغسول طبي
والقهر اني ما استفدت ولا ربع استفادة ظهري على ما هو ببقعه وسماره

وهالموضوع حطيته للعظة والعبرة :eh_s(2):

 

[مصممهــ]

استخدمي سودو كريم واخلطي معاه زيت اللوز المر وزيت جلسرين بمقادير متساويه او استخدمي السودو كريم بروحه ممتاز للحبوب والحمار والخ جربي وادعي لي تراا هل منتج مافي منه خووف موفقه

 

[فوولي]

معاهااااااااااااااااااااااااااااااااااااااااااااااااا

 

[قصْر شآمخ~]

حياكم ..

مصممه مشكورة حبيبتي ..
بس مدري أخاف يدبق ظهري كريم سودو وهو ما يحتاج =/

 

[مصممهــ]

يدبق روحي اخذي شور هههههههههههههههههه سهله مايبلها كلام المهم شي يفيدج وبس قلبي موفقه

 

[sverige]

سلامتج
والله يااختي مااعرف شاكول شلون تستخدمون شي منالفلبين او الهند هيجي دوله تعبانه؟!!!!
لاانتوا ولاهما عندكم رقابه صحيه هاي جرائم الي تنباعلكم مو ادويه او مستحضرات تجميل
الدوله تسوي صفقات وتتربح وانتوا الي تروحون بيها الله المستعان
روح دكتور جلديه احسن شي
ومبدئيا اذا موحابه سودو كريم واني شخصيا مومجربته للامانه احجي فادهني بالالوفيرا جيل
بس شرط ميكون محتواه اقل من 90٪ طبيعي اخذيه من ابصيدليه واقري محتوياته تمام
هو احسن شي للحروق ويخفف من الحكه وميض ر ايد ان شاء الله عن تجربه
ومو تبقين تجربين بنفسج حتى الالوفيرا مؤقت لحد متروحين لدكتور
معافايه

 

[sorry l love u]

اقولج دهني ظهرج بزيت زيتون ترا وايد حلو حتى لو بشرتج دهنيه زين و حطي كريم السودو
انا مجربه هالشي مفيد حيل

 

[رويال ديزاين]

انا جربته كنت بقشر المنطقه الحساسه وانصلخت
والحمدلله عطتني الدكتوره مجموعة كريمات للتبيض. صج غالين بس نتيجتهم حلوه من اسبوعين فرقت المنطقه والصيدليه قالتلي خلي الخلطه علا طول عندج واستعمليها يوم وترك
ولي يومج استعملها

وبعدين. فيتحذير ان حاتستعملين المقشر اذا فيج حبوب او جروح

 

[رانيا6]

ااااااااااب

 

[لعبة ايام]

سلامتك حبوبة

روحي للاحسن دكتورة جلدية عندكم بمدينتك وان شاءلله مافيكي الا العافية

 

[قصْر شآمخ~]

شكراً فديتكم .. ربي يسلمكم ..

بأجرب سودو .. وباستمر على اسكينول وبعدين باستخدم خلطة تبييض طبية لعل وعسى ..

 

[قاهره عذالي]

ادهني ظهرج بالفاكورت

 

[شذونه]

البنت تقول ضهري يطلع منه ريحه ايش للي زيت وكريم شفيكم بنات


ع طوووول روحي لدكتورررررررر سيييده

الله يشفيك

 

[ام غازي 2012]

ايه صح مو زين
روحي لطبيب جلديه

 

[طشطش]

حبوبه روحي الدكتور أحسن

 

[عـيّــآره]

يعني سمعتي كلام البنات اول مره وصار فيج تحسس وظهرج يطلع ريحه واحين بعد تبين اراء البنات​

روحي دكتور لاتخبصين بنفسج تثقين بتجارب البنات وماتثقين بدكتوره درست هالشي​

مادري اشلون تغامرون بنفسكم ​

وبعدين انتي تقولين ظهرج دهني اشلون تحطين عليه زيوت غلط ​

 

[غآب نورك ~]

لا تلعبين اكثر .

روحي لدكتور جلديه افضل اهو يعرف

 

[ذكرى الفجر]

اختي روحي دكتورة جلدية

 

[mischocolat]

سيري لدكتورة جلديه احسن لج
ما ادري كيف يعني ظهرج دهني وايد وتطلع لج حبوب ويقولون ادهني بزيوت الله يهديكم هالشي يزيد المشكله ما يحلها
عموما اللي تحس ظهرها دهني لازم تتأكد انها تغسل شعرها بانتظام ماتتركه يزيت لانه يأثر على جلد الكتف والظهر والصدر وتغيير الشرشف والمخده بشكل يومي
استخدام صابونة النيم اذا متوفره عندكم بالكويت او الصابونه الهنديه الخضرا من علاجات الايورفيدا بعد وايد زينه

 

[قصْر شآمخ~]

هلا بنات ..

بالنسبة لظهري الريحة راحت الحمدلله بعد استخدامي له اسبوع وشوي وراحت بعدها
و أطباء الجلدية انا وحدة فاقدة الأمل منهم هذول اللي بالمستشفيات والمستوصفات
لأني أنا اخذت حبوب روكتان عشان الحبوب وراحت اللي بوجهي واللي بظهري خفت حيل بس هم بقى دهني
ولما اشرح لهم المشكلة يقولون عادي !
الروكتان ما يقطع المشكلة يخففها !!
هذا وانا خذته 8 شهور وزيادة عن الكمية المطلوبة

صج مامنهم فود


mischocolat

إي فعلاً أنا شعري دهني .. بس مو حيل .. يعني مثلاً إذا ما تسبحت يومين يبدى يدهن
وأنا أتسبح يوم وترك ما أخليه يدهن

والصابون استخدم الصابونة السودا وصابونة الجلوتاثيون البرتقالية وغسول سيتال

بس هم يظل ظهري دهني شسالفته مادري ><