اكزيما!!!

[MISS^^CHANEL]

بنات شللونكم


لحقو علي طالع بظهري اكثر من 10 حبوب ويقول الطبيب اكزيما!!

بنات من شنو هالحبوب طلعو بالضبط يعني صابون ولا ماي ولا مللابس ولا نفسيه ولامن شنو بالضبط امبيه حدي مخترعه خايفه واخاف تنتشر خو من يقوووول ان انا اوسوس


وفوق هذ ظهري صاير نقط نقط وااااااااااااااااايد ترس ظهري بلون افتح من جسمي واغمج من جسمي شالسبب بنات
تكفون طمنوني
ترا والله احاتي انا واخاف فيني شي ويعدي وليدي قولولي طمنوني

ومشكورين بنات ماقصرتو :ssssso:

 

[ناديه]

الله يعينج عزيزتي على الاكزيما انا اول ماصار فيني الاكزيما تازمت مثلج بس بالكريمات تخف مؤقت وترد وتزيد مساحه الاكزيما , بس بعدين اكتشفت شي احسن من الكريمات اشرب عصير برتقال طازج يوميا والحمدلله خفت اشويه

ملاحظه: الاكزيما ماتعادي

 

[MISS^^CHANEL]

مشكوره ناديه حبيبتي

اشووووه انها ماتعادي كنت احاتي ولدي حبيبي

مشكوووره ياقلبي وبجرب طريقة البرتقال

 

[نونو الامورة]

الله يكون بعونج
السبب الرئيسي للاكزيما الجفاف والنفسية ( وحده خبيرة بالاكزيما ههههههههه )
بس عليج بالترطيب المستمر ......... في كريم على شكل ميلك بالصيدلية وهو متخصص لحالات الأكزيما والصدفيه
وهو من ماركة ( withinge & faier) وصفته لي الدكتورة طيبة المنيس انشاء الله يفيدج

 

[بنت الحزن]

الله يعينج حبيبتي و يشفيج و يعافيج

 

[نووووونا]

الله يشافيج يارب ويشفى مرضى المسلمين

ويغفر للاحياء منهم والاموات

ويخليج لوليدج بس الاكزيما ماهى معديه ومع علاج طبيب الجلديه ان شاء الله تروح

وتخف بس اهم شى امشى مع طبيب واحد لا تروحين عند اكثر من واحد عشان

ما تخريط العلاجات مع بعض والف سلامههههههههههههههههههه ز

 

[MISS^^CHANEL]

الله يسلمكم حبايبي ماقصرتو والله

الحمدلله رحت العدان التخصصي وقالت بتروح بروحها بس لايحوشها صابون او شي


مشكورين حبايبي

 

[أمانيQ8]

حاطه اكسجين على ظهرج ؟؟ او شايله بشيره ظهرج؟؟؟ وحاشتج كلونيا او شور جل عقب الحف او الاكسجين؟؟؟ المهم عليج بكريم الفاكورت زين انا صار فيني جذي بعد

 

[MISS^^CHANEL]

هلا ياقلبي لااااا انا ما اجيس ظهري بس مادري من شنو صار

 

[أصيلة85]

حبيبتي انا انصحج انج اتعالجينها قبل لا تنتشر ابجسمج و انصحج بكريم مو طبيعي انا امجربته ايبونه من السعوديه و فاحصينه ما في كورتيزون اذا تبين اعطيج الرقم و يوصلوون للبيت

 

[MISS^^CHANEL]

اصيله تسلمين ياقلبي
الحمدلله الحين قام تخف معطيني الطبيب كريم وحبوب وشي ينحط عليهم

 

[أصيلة85]

يالله الحمد لله على سلانتج

 

[MISS^^CHANEL]

الله يسلمج ياقلبي

 

[rosemary]

حبيبتي انا فيني اكزيما

الاكزيما ما تعدي كلش

بس اهم شي عشان تخف لاازم تحرصين انج تلبسين اقطان حتى الملاابس الداخليه قطن

ودايما دهني جسمج بكريمات مرطبه لان الاكزيما تحتاج ترطيب دايم عشان ما تجف المنطقه وتشقق

وحتا الصابون اللي تتسبحين فيه خل يكون طبي ومافيه مواد معطره انا الدكتور قالي دايما استخدمي بيبي جونسون

او دووف لان اهم الاثنين فيهم مواد وايد زينه وما تنشف الجسم

والاكزيما ترد وتروح بس ما ترووح بالمره لان اهي اما تكون موسميه او وراثه

وانشالله تتشافين وتروح منج

وبالشفا انشالله

 

[MISS^^CHANEL]

هلا روزماري حبيبتي
الله يشفيج يارب ويشفيني ان شالله

انا شريت صابون من الصيدليه مو معطر ومو قلوي وايد ووايد زين

وقاعده اتحاشى ظهري بس قمت الاحظ انها قاك تطلع برقبتي وزندي مادري متى تروح
اي انا قالتلي الدكتوره موسميه

الله كريم ان شالله الله يشفينا وشفي كل مرضى المسلمين

ومشكوره على المرور