اكثر من اسبوع ماحرجت عزكم الله ولاشي نفع معاي شوفو شنو استخدمت

[mo0on-q8]

مرحباااااا العنوان وااااااضح بنات انا اعاني من الامساك وغير ذلك عدم خروج الفضلات اقعد اسبوع وزود ماخرجت
تعبت حيييييل احس الالم براسي وظهري وانتفاخ بالبطن اشرايكم تشوفون شنو استخدمت والله كل ماقلت حق وحده قالت غريبه اول شي استخدمت ملينات المستوصف والصيدليه مانفع معاي استخدمت اعشاب زين الاتات والعطار هم مانفع معاي استخدمت العشرج ماسوالي شي واخر شي قالولي الخروع همن استخدمته ولا چني شربته مادري شسوي ودي انظف امعائي احس انها كلش مترسبه بكتريا وفطريات وغير هاذا مخزنه عزكم الله فضلات وين اروح ياليت تفيدوني منو الدكتور والادكتوره متخصصه بهالشي

 

[mo0on-q8]

ههههههه حرجت يعني خرجت * تصحيح

 

[الأميرة جوري]

ويه الله يعينج شوفي موضوعي يمكن يفيدج وموجود بصيدليات
http://www.q8yat.com/t629531.html

 

[بايعتهاا]

حاسه فيج حبيبتي
كنت مثلج بالضبط وجوفي شنو جربت ؟
جربت حبوب الفحم بس كليت حبه وحده بعدها ياني سهال وترجيع , ما أنصح بهالحبوب كللللش

رحت للدكتور عطاني علاج عبارة عن لهوم من الصيدليه اسمه Agiolax طعمه جنه كاكاو , بعد هاللهوم الحمدلله خرجت
صج ما طلع كل اللي ببطني ههههه بس قدرت أخرج على الأقل واستمريت عليه جم يوم

واشربي ماي زمزم بنية الشفاء وادعي وان شاء الله راح تخرجين

واشتري عسل خاص بالامساك

الله يشفيج

 

[am_kshaa]

حبيبتي لازم تعاملين زيت الزيتون كل يوم قفشه كبيره على الريج وبترتاحين وايد عقبها
بس خليج مستمره عليه لما تحسين نفسج صرتي تخرجين طبيعي

 

[mo0on-q8]

حبايبي ماقصرتووو عالرد الله يعيني بجرب الزيت الزيتون عالريج هو الوحيد اللي ماجربته


جربت حبوب الفحم مافادتني


ابي دكتور او دكتوره

ودي اسوي غسيل القالون يمكن ينفع لحالتي

 

[prettysoul]

أختي الفاضلة
هل جربتي محلول تنظيف البطن من عند المشايخ
عند الشيخ أبو محمد الكندري هو يرقي قبل مايقفلون مراكز الرقية.
أو جربي موز صار لونه اصفر حييييل وأقصد القشرةيعني شوي وتذبل واخلطيهم مع حليب كرنيشن كامل الدسم واشربي كوبين وامشي لمسافة طويلة
يمكن يلين بطنك وطمنينا عليكي

 

[الدلوعه نور]

هلااا عليج بزيت الزيتون

 

[الغـــــزال]

لا تخلين نفسك...شوفي لك طبيب وألا أي شي
ترى يمكن تصير عندك حالة تسمم بسبة الفضلات المتراكمه

حاولي تغيرين من نوعية أكلك
كثري من الخضروات والفاكهه..وأشربي عصير برتقال فرش

وطمنينا عليك

 

[Blue Tulip]

حبيبتي رووحي الطبيب لاتسكتين شوفي شنو يقولج
وشربي ماااي واكلي فاكهه وخضرا خصوصا الورقية

 

[maya2009]

حاسه فيج حبيبتي
كنت مثلج بالضبط وجوفي شنو جربت ؟
جربت حبوب الفحم بس كليت حبه وحده بعدها ياني سهال وترجيع , ما أنصح بهالحبوب كللللش

رحت للدكتور عطاني علاج عبارة عن لهوم من الصيدليه اسمه agiolax طعمه جنه كاكاو , بعد هاللهوم الحمدلله خرجت
صج ما طلع كل اللي ببطني ههههه بس قدرت أخرج على الأقل واستمريت عليه جم يوم

واشربي ماي زمزم بنية الشفاء وادعي وان شاء الله راح تخرجين

واشتري عسل خاص بالامساك

الله يشفيج

هاي الدواء وايد زين انصحك تجربين ثلاث ملاعق كبار على الريق اول ما تقعدين الصبح وماء بعد نصف ساعه تاكلين كثري من الخضروات

 

[Smracute]

لازم تراجعين دكتور عشان يسون لج فحوصات وما تشوفين شر

 

[mo0on-q8]

حبايبي الشر ماييكم

 

[ڎڕبـ❤]

-



قال رسول الله صلى الله عليه وسلم :
" لو كان هناك شيء يشفي من الموت لكان السنا "
عليج بعشبة السنا والله مفعولها سحرررر لاتبقي ولاتذر فضلات غازات بلاوي زرقا كله راح تنسينها للابد ان شاء الله
دشي يوتيوب وكتبي دكتور عادل عبد العال علاج الامساك واستفيدي
ولاباس عليج

 

[رقية // الكويت]

السلام عليكم ورحمة الله وبركاته

اختي شافاكي الله وعافاكي من كل شرا وبلاء يؤذيكي.......لاتخافين عزيزتي الكل يشكي هالشغله وخليها على الله سبحانه
عشبه السنا مكه عجيبه وتقضي على البكتيريا والفيروسات وكل السموم وذكرها الرسول عليه الصلاة والسلام (((عليكم بالسنا والسنوت فإن فيهما شفاء من كل داء الا السام))))) لكن كثرتها تهد الحيل
أما دواء الغيوليكس ((( مثل ماذكرتها اختنا الفاضله بايعتها)) في علبه صفرا عند الصيدليات سعره دينارين تقريبا ممتاز
انصحج فيه قبل النوم

ونصيحة لوجه الله لحد فيكم اتسوي غسيل او تنظيف الأمعاء موزين ياجماعة الخير
وكثرة تناول الملينات انا اقصد بهدف الرجيم اتسوي هبوط في الأمعاء

وماتشوفين شر

 

[mo0on-q8]

مشكورين يالغوالي ..

 

[حنانك سر حبي]

انتي مثلي حاشني امساك قوي
جربت الملينات نوعين مافادوني
في نوع تناسب وياي اسمه جنه اقيولاس هذا فادني

بعدين قمت اشرب كل يوم عالريح ليمون معاه ماي عصري ليمون وحطي فوقه ماي دافي وخلطيه وعالريج كل يوم ينظف البطن ويمشيه

ووقفي الاجبااان بجميع انواعها لاتاكلين ولاحظي شنو الاكل اللي يسببلج امساك مثل التفاح وفي ناس حتى الموز يمسك وفي ناس لا

امشي لازم تمشين
اكلي بقوليات

وعليج بالشووفاان واايد مسهل طبيعي
عليج بالالياف
شربي ماي

سوي كل هذا مع بعض وان شاءالله ماعليج الا العافية

 

[عذرا ربي القدس]

اختي الله يشفيكي ويعافيكي يارب ،،،فعلا جربي السنا مكي ان شاء الله يااارب راخ تشوفين نتيجه ،بس ابحثي عنه في قوقل وشوفي شكله عشان ما احد يعطيكي شي ثاني ويقول انو هذا السنا،،،واتمنى تطمنينا ننتظر النتيجه،،،

 

[أم حورية]

والله بالنسبة حق الادوية مادري بس بقولج عن جم شغلة تمشي البطن ودخليهم باكلج طول اليوم

الكشمش او الزبيب حطيلج تقريبا كثر اللي تشيله ايدج >> ان شالله فهمتي علي فيني نومة ومو عارفة اعبر
وهالشي عن تجربة كنت احطه حق بنتي وينفع معاها

التيييييين >>> مجرب اذا ما نفع من اول مرة كرري كذا مرة ،، نقعيلج جم حبة تين تقريبا 3 او 4 حبات بقلاص ماي من الليل لي الصبح والصبح على الريج شربي الماي اللي منقعة فيه التين واكلي التين

اخذي قفشة زيت زيتون عالريج هم ينفع

العنب >>> يعتبر من الملينات وتغسل الامعاء

اللي فوق علاج واذا تحسنتي عليج بالوقاية شلوون >>> واللي تحت هذا من ضمن العلاج بعد

ركزي ع 3 اشياء عشان تمنعين الامساك كثر ما تقدرين

اول شي الاليااااف >>>> كل وجبة دخلي فيها الياف وبين الوجبات بعد

تمر/الخضار بانواعها /النخالة يعني الخبز الاسمر وابتعدي عن الابيض

ثاني شي المااااي هم يقلل

ثالث شي الحركة >>> حاولي تتحركين لا تقعدين واسد

يعني اذا بالعطلة ما تداومين امشي نص ساعة باليوم وحاولي لا تقعدين وايد لان من اسباب الامساك الرباادة

ع فكرة اللي قلته كله من تجربتي لاني كنت وقت الحمال اعاني من الامساك بس لما اتبعت اللي طاف قل بشكل مو طبيعي

ان شالله اكون فدتج حبيبتي

 

[أم حورية]

بس ضروري تراجعين طبيب حبيبتي

لان الامساك القوي من اعراض القولون

فالافضل تروحين وتتطمنين

بالنسبة حق غسيل القولون في دكتور تخصص جهاز هضمي اسمه مساعد العصفور موجودة عيادته بمركز الشهب التخصصي في الشعب البحري وهو شاطر وكبير يعني عنده خبرة

ان شالله اكون فدتج ولا تنسينا بالدعاء