اكثر دكتوره تكثر عندها نجاحات طفل الانابيب او التلقيح الصناعي من

[لوف لايف]

ابي اسالكم منو الدكتوره اللي لو اسوي عندها تلقيح صناعي او انابيب تكون عندها نسبة فشل العملية قليله
ابي اكثر دكتوره اثق اني لو اسوي عندها مرتين بتنجح مو بعد 5 محاوالات يلا تنجح 000 ادري كله بيد الله مو في الدكتوره بس نبي دكتوره مانتعب وياها لان تعرفون فشل العمليه يتعب نفسيا

 

[فدعوسه]

يشرفنى اكون اول وحده ترد عليج بصراحة ماسويت عندها بس رفيجتي سوته عندها مرة وفشله ومره ثانية انجحت صج شوي غاليه بس على الظنا مو غاليه صح الدكتوره ماجده اليتامى

وربي يرزقج ويرزقنا ودعواتج لي بالطفل يسعدني

 

[ماي الورد]

اذا تبين دكتوررر بصراحة من غير مدح اشوف الدكتور اسامه صالحه بدار الشفا من تدخلين قسم وحدة طفل الانبوب اشوووف الكل حوامل لكني بصراحة ما ادري هل كلهم حوامل عن طريق الحقن المجهري وطفل الانبوب او هذول كلهم حوامل حمل طبيعي

والله يرزقج من غير عمليات وارهاق وتعب نفسي وجسدي يارب

 

[نور العين2009]

مرحبا كويتية برونزية حبيت أعلق على الدكتور أسامة سويت عنده ثلاث عمليات تلقيح وعملية طفل أنابيب وارجاع أجنة ولم تنجح أحس فاشل واللي تشوفينهم بالعيادة مراجعة حوامل وما سمعت ان نجحت أي عملية طفل أنابيب عنده والله يرزقنا اجمعين

 

[لوف لايف]

مشكوورين

 

[WaChoCha]

كل شي بايد الله ..لو تجري جري الوحوش غير رزقك ما تحوش
حبيبتي خلي اتكالج على رب العالمين واهو اللي يرزق والاطباء اسباب بس واذا ما نجحت العملية لان الله سبحانه وتعالى مو كاتب

 

[حلم الأمومة]

عند كل دكتور نسبة نجاح وفشل ومستحيييييييييل تلقين دكتور عنده نسبة عاليه لاااازم في محاولات تفشل .. ؟؟؟ وكله بيد رب العالمين سبحانه خلي ثقتج بالله تكون اكبر من الدكتور ... ترا اهم مجرد سبب من الاسباب .......بس استخيري قبل اي شي

والله يرزقج ياحبوووبه بذن الله من غير تلقيح ولاغيره

 

[q8ya-barby19]

رايي من راي خواتي اللي قبلي

الله يرزقج

 

[البيداء_77]

الله يرزقج بدون عمليات

 

[كيكه^_^]

اذا قصدج تبين دكتوره حرمه أكثر وحده فوزيه القطان ماشاء الله عليها شاطره وعندها خبره

وبالنسبه حق أسامه صالحه x ما انصحج فيه أبد.

وانصحج بالدكتوره حفصه البوعركي ابرويال حياة خوش دكتوره.

 

[اوتار الحياه]

الله يرزقج بدون عمليات

 

[توتة البسكوتة]

الله يرزقج ياااارب واذا تبين دكتوره فوزيه القطان ودكتور ناهض حماديه هذول اكثر اثنين اسمع عنهم يمدحونهم وربي يرزقج بدوون عمليات

 

[هداوي المطيري]

د باتريك هو احسن واحد ف الكويت

 

[Coffee-Girl]

منصور العرف ناهض حماديه فوزيه القطان وماجده اليتامى

 

[$غــ(ز)ــل$]

الله يعيييييييييييينج
انا نفسج قاعده ادور دكاتره سنعين
واحترت بين فوزيه وباتريك ومنصور وناهض
واخر شي استقريت على الدكتور ناهض حماديه بمستشفى المواساة
وباجر بدق باخذ موعد..والله يستر لااغير رايي

وناويه استخير بس خل تخلص المحروسه عشان اقدر اصلي

انتي استخيري والله يوفقج ياارب

 

[ذاتى شموخي]

انا وحده سويت تلقيح صناعي عند اكثر من دكتور
1)سويت في مستشفي دار الشفا
2)عند فوزيه القطان
وسوتلي عمليه تبي تشوف في انسداد في الانبيب باصبغه وطبعا سوتلي فتحه من البطن والمفروض يكون من تحت والعمليه سوتلي تلصقات وانسداد في مبيض اليمين
3)وسويت عند ماجده اليتامي
4)سويت عند الصباح
وطبعا كلهم فشلوا
والحمدلله ع كل شي
الله ماكتب الوحده لازم يصبر والرزق مو منهم الرزق من رب العاليمن
الله يرزقني ويرزق كل محتاج
يارررررررررررررررررررررررررب

 

[meme33]

وايد يمدحون ماجده اليتامى لان تخصصها فصل اجنه
الله يرزقج يارب

 

[كويتيه مذهله 87]

واله ما ادري شقووولج
كل دكتووره ودكتوور غير

يعني فيه دكتوور مايفهم بالهشغله وتضبط معاه صدفه لان هالشي بيد رب العالمين حبووبه

 

[بيوتي]

بنااات انا رحت عند الدكتور مدحت فوزي واهوا اللي فطني بعمليه التلقيح الصناعي ؟؟؟


وانا صار لي اكثر من شهرين افكررر .... محتاااااااره


يعني تنصحون نسويها ؟؟؟؟


انا زوجي فيه ضعف بسسسسسس ؟؟؟؟؟؟؟؟؟؟

 

[قمر ضاوي33]

عسى الله يرزقكم ان شاء الله بالذرية السليمة المعافاة

بيوتي لا تحتارين توكلي على رب العالمين وسوي تلقيح صناعي عادي مو عملية صعبة

استخيري رب العالمين